Kutwula 23:25 - KITABU KITAKATIFU

²⁵ Niiva mulasigamira inzi, Yahova Nyasaye winyu ndamugasiza ni viukulia kandi amazi, kandi ndatuliza uvulwaye vwinyu vwosi ku munyi.

Kutwula 23:25 Iomraidhean Croise

Zaburi 103:3

Yahova asamiiha uvwoni vwange vwosi, kandi ahonyia uvulwaye vwange vwosi.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kohelethu 5:20

Kigira Nyasaye umali kumuvugilira kuva nu vuyanzi, sialahenda mwoyo kigira livamwoyo liveeye limbi mba.

Isaya 33:16

Maku ulava ni mirembe ivi ulava mulilinda kuli umundu oveeye mu zimbinga zie zinguru. Ulava ni viukulia kandi amazi gukunwa.

Isaya 33:24

Sihalavaho nu mulala omenya mu kivala chietu uwaza yigaane ndi alwalaa kandi uvwoni vwosi vulasaamiifa.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Danyeli 1:15

Lwi ing'inga ya madiku 10 gaafwa, vaaloreka kuva avanifu kandi avizingulu kuvita avayaayi vandi vosi avalizaa ku chukulia chu mwami.

Kyavalevi 11:44

Inzi mbeeye Yahova Nyasaye winyu. Mwitakase munyi vene, muve avatakatifu kigira inze mbeeye mutakatifu. Muteyononyia vene na kilala ku ivindu vimolaa kumalova mba.

Kyavalevi 26:3

“Niiva mulamenya kolondekana na malago gange kandi muhuliri gamulagaa,

Malaki 3:10

Muleete kidieli chiinyu choosi chi likomi mu Litembeli, kunangwa litembeli live ni viukulia vinyingi. Mungerizi na inzi ndigula madirisha gu mwigulu kandi ndahaana vugasu vwi vindu vilahi vinyingi vie zing'ano ziosi kumunyi.

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Kwidzulitsa 13:4

Mulonde Yahova kandi muhaane luyali kuye. Mumuhuliri kandi mulindi malago geege; mumusigamiri kandi muve avasuuvirifu kuye.

Kwidzulitsa 6:13

Muhaane luyali ku Yahova Nyasaye winyu, mumusigamiri oyo yeng'ine vuzwa, kandi mulisuuha ku lieta lilie lieng'ine.

Kwidzulitsa 7:13

Alamuyaanza kandi alamugasiza, kunangwa mu meedeke mu vunyingi vwi livaliza lienyu kandi mulivula avana avanyingi. Alagasiza milimi jinyu, kandi mulagesa vuswage, iwaini na maguta ga muzeituni. Alamugasiza ni limeedeka kulimuha zing'ombe zinyingi na magondi Alamuha vugasu yivu vwosi mu kivala cha yasuuviriza avaguuga vinyu ndi alamuha.

Kwidzulitsa 7:15

Yahova alamukinga kutura ku vulwaye vwosi, kandi sialamuleetera zinguzu ziu kutihiza zia mwalora mu Egebeti mba, navuzwa alaziviika ku vasigu vinyu vosi.

Joshua 22:5

Mulole ndi mulonde lilaga lia Musa mutumikiri wa Yahova, yamulaga mukore: Muyanze Yahova Nyasaye winyu, mukore uvulariri vwivwe, muhuliri malago geege, muve avasuuvirifu kuye, kandi mumutumikiri nimioyo jinyu josi kandi na roho jinyu josi.”

Joshua 24:21

Avandu vavoolera Joshua, “Awa! Kulasigamira Yahova!”

Joshua 24:24

Kunangwa avandu zana vavoolera Joshua. “Kunyi kulasigamira Nyasaye wiitu, yeng'ine vuzwa. Kulahulira malago geege goosi.”

1 Samweli 12:20

Kunangwa Samweli yavativulira, “Mutatia mba. Kali niiva mwakora kindu kidamanu kuli yiki, mutagirung'ana kutura ku Yahova mba, navuzwa mumutumikiri nimioyo jinyu josi.

1 Samweli 12:24

Mutie Yahova kandi mumutumikiri nu vusuuvirifu ni mioyo gwinyu josi. Mwizurizi vindu vinene via yamukolera.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”