Kutwula 23:23 - KITABU KITAKATIFU

²³ Engelosi wange alimiira imbiri wenyu nukumuhira mwingiri mu kivala cha vandu va Amori, Hiti, Perizi, Kanaani, Hivi, na Jebusi, na ndavadiviza ligali.

Kutwula 23:23 Iomraidhean Croise

Litanga 24:7

Yahova, Nyasaye wu Mwigulu yaanduliza hango ha baba wange kandi mukivala cha viko vange, ma niyisuha kovora ndi, alamba kivala yiki kali kuduuka ku visukululwi viange. Alatuma engelosi yeeye imbiri woovo, kunangwa uduuki konyoore lamuyaayi wange mukali.

Litanga 34:2

Lwa Shekemu muyaayi wa Hamori muhivi waali munene wi kivala, yamulola yamugumira ma namwonogonyia.

Kutwula 18:8

Musa yavolera Jezero vindu viosi via Yahova yaali nakoleye Mwami harara na vandu va Egebeti aduuki kosoola vandu va Isiraeli. Yamuvolera kandi uvudinyu vwa avandu vanyoola kunzira kandi kuli Yahova yavahonyia.

Kutwula 23:20

“Ndatuma engelosi imbiri winyu kumukinga lwa mugendaa kandi ndamuleeta havundu ha ndaamwetegekizira.

Kutwula 3:17

Mali kotovola ndi ndamuleeta kutura mu kivala cha Egebeti wavadambizirwa, nukuvahila mu kivala keveeye kitugi kandi kenoru, kivala cha vandu va Kanaani, Hiti, Hivi, Vajebusi, Amori, na Perizi.

Kutwula 32:2

Haruni yavavolera, “Tulizi zimingiri zie izahabu ziveeye mumatu ga vakana na vayaayi vinyu kandi avakali vinyu, mundeetere.”

Isaya 5:13

Kigira yaga mulahilwa ihale kuli avahambe. Aviimiliri vinyu valakuza kigira inzara, kandi avandu vandi avanyingi valakuza kigira uvuluhu.

Kwidzulitsa 9:3

Na vuzwa kalunu mulelorera aveene ndi Yahova Nyasaye winyu alimiira imbiri winyu kuli muliru gusambaa. Alavadiviza nokuvagehiza imbiri winyu lwa muvatulira. Kunangwa, mulavakunga nokuvadiviza vwangu kuli Yahova yamusuuviriza.

Joshua 23:9

Yahova umali kukunga zihiiri zinene kandi zie zinguru, kutura imbiri winyu na sihaveeye ho numundu ku vasigu vinyu uwasingira kulwaana munyi mba.

Joshua 5:13

Lwa Joshua yaali ahimbi Jeriko, nonoho yalora, musaza mulala nasingiyi imbiri weve, nagumiyi kivavi mu mukono gwigwe. Joshua yazia kuye namuteeva, “Ivi oveeye mulala ku vasikari viitu vuvulwani, anoho umusigu?”

Joshua 9:1

Uvuguuti vwa vandu va Isiraeli vwamanyikana ku vami vosi avaari imadioli wa Jorodani, muvivala vie vigulu, vie vireremo kandi viu kulujinga lwi inyanza ya Meditareniani kuduuka ivaale mu kivala cha Lebanoni. Yava vaali avami va vandu va Hiti, Amori, Kanaani, Perezi, Hivi kandi Jebusi.