Kutwula 23:2 - KITABU KITAKATIFU

² Utalonda uvunyingi vwa vandu lwa vaakora uvudamanu anoho agiligali lwahaana lilolekiza lio vovehi kugirung'anyia agiligali mba.

Kutwula 23:2 Iomraidhean Croise

Litanga 19:4

Imbiri wa vaali nivakikiri kogona vudiku vwene yivwo, avasaza vosi vi lidaala lia Sodoma, vombi avasoleri navakulundu, vakumbiriza inyumba ya Loti.

Litanga 6:12

Nyasaye yahenza ku lirova nalora ndi liali lidamanu, kigira avandu vosi vamenya mu likora vudamanu.

Litanga 7:1

Maku Yahova yavolera Nuhu, “Zia mu Liato harara na vandu vinyumba yooyo vosi, kigira mali kolola ndi ivi oveeye mundu mulungi imbiri wange hagati hi likula yili.

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

Ayubu 31:34

Ngikiri kukutia kusingira imbiri wi kiduma kenene cha vandu, anoho kukiring'ana makiriri, nu kwihanira munyumba, kigira mali kutia litihizwa liavo, anoho lilegerizwa liavo mba.

Zaburi 72:2

kunangwa aduuki kwamiiha avandu vovo ni likalaga liuvulungi, kandi kwamiiha avadambizwaa nuvulungi.

Tsing'ano 1:15

Mwana wange, utahambana na vandu kuli yava mba. Welehe kuvo.

Tsing'ano 18:5

Sivoveeye vulahi kuyaanzilira mundu mudamanu nu kwigalira mundu utaveeye nimbala konyoora vulungi mba.

Tsing'ano 4:14

Utazia ha vandu vadamanu vazizaa mba, utalonda miima jaavo ju vuchamu mba.

Jeremia 37:15

Vaali nu vutima vululu ku inzi, kandi nivalaga ngubwi ma nivaambanira munyumba ya Jonazani mung'odi wu mugizi, uwinyumba yeeye yagirung'anywa nokokorwa umuhambe.

Jeremia 37:21

Kunangwa mwami Zedekia yalaga inzi mbanirwi mu mugizi gwinyumba yu vwami. Ndaamenya hene yaho, na vuli lidiku ndaahevwa mugadi kutura munyumba yokolombela mu migadi kuduuka lwi migadi josi mu lidaala jafwa.

Jeremia 38:9

“O, mwami wange wu Luyali, aga avandu yava vamali kokora gaveeye amadamanu. Vamali kuviika muporofeti Jeremia muvogo, na gaveeye giligali inzara ilamwitira mu, kigira chukulia sikeveeye mu lidaala mba.”

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Haggai 1:4

“Avandu vange, kigira ki munyi mumenyi mu zinyumba ziumbakwa vulahi, navuzwa Litembeli liange liveeye amang'anye?

Marko 15:15

Pilato yenya kuyaanziza ikiduma, kunangwa yaavoholora Baraba kutura muvuhambe, na yahaana lilago Yeso akuywi no lokova kandi avambwe.

Luka 23:51

Siyavugilira amakuva gaavo ni minyinzi jaavo mba, kandi yalindiliraa Uvwami vwa Nyasaye.

Vikolwa 24:27

Navuzwa lwi mihiga giviri jaali nijakavita Porokio Fesito yavugula vwiyangu vwa Felikisi kuli mwamihi. Kigira Felikisi yenya kuyaanziza Avayuda, yaleka Paolo mu vuhambe.

Vikolwa 25:9

Navuzwa kigira Fesito yenya kwiyaanziza ku Avayuda; yateeva Paolo, “Wakayaanzi kuzia Jerusalemi ukalagirwi imbiri wange makuva gi viyaalo yivi?”

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

Kwidzulitsa 1:17

Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Kwidzulitsa 24:17

“Mutachaminyi likalagirwa liu vulungi lia vageni anoho vavisandu mba; kandi mutavuguli inguvu yumukunzakali kuli kihambiliru mba.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”

1 Samweli 15:24

Saolo yavoola, “Yee, inzi mali kwona. Mali kutinguha lilago lia Yahova kandi amigizu googo. Ndaatia avandu vange, kandi ningora aga venya.

1 Samweli 15:9

Navuzwa Saolo na vasaza vi liihi vahonyia livamwoyo lia Agagi kandi siviita magondi ni zing'ombe ziali zindahi ligali mba; vimoli kandi vimeme vilahi ligali mba, anaho kindu choosi ichaali kilahi, vononyia vuzwa yivio viavula kuduukana kandi vidamanu.