Kutwula 22:30 - KITABU KITAKATIFU

³⁰ Muhaane ku inzi viukutanga kwivulwa ku zing'ombe zienyu kandi ku magondi ginyu. Muleke viukutanga kwivulwa visaza vimenye na mama wavo ku madiku saba, na ku lidiku lia munane muvileete ku inzi.

Kutwula 22:30 Iomraidhean Croise

Litanga 17:12

Ku makura gaaza vuli muyaayi oveeye na madiku munane kuduuka akevwe, harara na vatugwa vivulwa munyumba yooyo kandi na vatugwa avaagulwa kutura ku vageni avataveeye avamasahi googo.

Kutwula 13:12

kuduuka muhaane vuli kindu ikisaaza chukutanga kwivulwa ku Yahova. Vuli chukutanga kwivulwa keveeye cha Yahova,

Ezekieli 4:14

Maku ndaamutivulira, “Ah Mwami Munene Yahova! Inzi sindayeyononyia ku kali hakuzu mba. Kutura mu vosooleri vwange kuduuka kalunu ndi, inzi sindaalia ku kindu choosi chaakuza anoho ichiitwa ni zinyama ziu muvulimu mba, anoho si ndaaliaku inyama yukuvihiririza mba.”

Kyavalevi 11:44

Inzi mbeeye Yahova Nyasaye winyu. Mwitakase munyi vene, muve avatakatifu kigira inze mbeeye mutakatifu. Muteyononyia vene na kilala ku ivindu vimolaa kumalova mba.

Kyavalevi 11:45

Inzi mbeeye Yahova, uwamuleta kutura mu kivala cha Egebeti kunangwa inzi nduki kuva Nyasaye winyu. Kunangwa kuduuka muve avatakatifu kigira inzi mbeeye mutakatifu.”

Kyavalevi 12:3

Ku lidiku lia munane, mwana zana alakevwa.

Kyavalevi 17:15

Mundu woosi ulia inyama imali kukuza yene anoho yi inyama yindi yu muvulimu yiiti, kuduuka afuuyi zinguvu zizie kandi yisingi na alava mudamanu kuduuka hamugorova.

Kyavalevi 22:27

“Kemoli anoho kememe chi ligondo, anoho kememe chi imburi, kilava harara ninyia ku madiku saba. Navuzwa lwinyima kinyala kuvugilirwa kuli kihanwa chu kusambwa ku Yahova.

Kyavalevi 22:8

Sialalia inyama ikuzi yene anoho yitiywi ninyama yumbulimu mba. Ilamukola mudamanu. Inzi mbeeye Yahova.

Kyavalevi 7:23

kigira avandu va Isiraeli. Itinya yizing'ombe, magondi, anoho zimburi italiivwa mba.

Kyavalevi 7:24

Itinya yi inyama ikuzi yene anoho yi inyama yindi yumbulimu yaakwita italiivwa mba; navuzwa inyala kutumikirwa ku muyinzi gundi gwosi.

Kyavalevi 7:26

Havundu hoosi ha avandu va Isiraeli vamenya, vatatumikira ku masahi ga manyonyi anoho masahi gi zinyama kuli chukulia mba.

Kwidzulitsa 14:21

“Mutalia inyama ya munyoora nikuzi iyeene mba. Munyala kuhaana kuavageni vamenya hagati hinyu valie; anoho munyala kugulizira avageni vandi. Navuzwa munyi muveeye avandu va Yahova Nyasaye winyu. “Mutasinzi kememe chimbuli anoho ligondi nikinuuna mba.

Kwidzulitsa 15:19

“Muviikiri Yahova, Nyasaye winyu halovega mitugu jiukutanga kwivulwa josi jive chayo chicho chi zing'ombe kandi cha magondi. Mutaviika mutugu musaza gwukutanga kwivulwa gwi zing'ombe ku miyinzi mba, kandi mutakalaga uvwoya vwu mutugu musaza gwukutanga kwivulwa gwi chayo cha magondi mba.