Kutwula 22:21 - KITABU KITAKATIFU

²¹ “Mutadambizi anoho kokolera mugeni uvudamanu mba, kigira kali na munyi mwaali avageni mu kivala cha Egebeti.

Kutwula 22:21 Iomraidhean Croise

Ayubu 6:27

Munyi mukubaa ikura ku avavisandu nukuvakola vatugwa, kandi mwekora vatugi ku liguliza avalina vinyu avahimbi ligali.

Zaburi 146:9

Akingaa avageni vamenya mu kivala chietu; akoonyaa avakunzakali navavisandu, navuzwa ahilaa avachamu kuduuka mu lidivizwa liavo.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 23:9

“Mutadambizi mugeni mba; munyi mumanya vulahi kuli liiva liu kuva mugeni liveeye, kigira munyi mwaali avageni mu kivala cha Egebeti.

Isaya 1:17

na mwigi okokora amalungi. Mulole ndi likalaga liuvulungi likoleywi. Mukoonye yavo avadambizwa, muhe avavisandu uvulungi vwavo, na mukingi avakunzakali.”

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Ezekieli 22:7

Baba na mama si vahevwa luyali mba. Avageni vadambizwa kandi avavisandu na vakunzakali vakolerwa vudamanu.

Kyavalevi 19:13

“Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Kyavalevi 19:33

“Mutadambizi avageni vamenyi mu kivala chiinyu mba.

Kyavalevi 19:34

Muvakolere kulia vandu va Isiraeli vache vinyu, muvayaanze kuli mwiyaanzaa vene. Mwizurizi ndi munyi kandi mwaali avageni mu kivala cha Egebeti. Inzi mbeeye Yahova Nyasaye winyu.

Kyavalevi 25:35

Niiva umundu wa Isiraeli wache omenyi himbi nivi naagwa mudaka, kandi avuli kwinyaliza mwene, kuduuka mumukonye; kuli munyala kokonya mugeni anoho mumenya, aduuki komenya nimunyi.

Zekaria 7:10

Mutadambizi vakunzakali, vavisandu, vageni vamenyi hagati hinyu, anoho ku woosi oveeye ni lienya vokonyi mba. Mutalohizi zinzira ziokwenya kusaliriza vache mba.’

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Kwidzulitsa 1:16

“Ing'inga yene yeyo ndaavolera aviimiliri vinyu ndi, ‘Muhulirizi ovosooro voveeye hagati ha avandu vinyu muhelane likalaga liuvulungi ku vuli vosoolo, kali niiva vaveeye ku vandu vinyu anoho avageni vamenyi hagati hinyu.

Kwidzulitsa 10:18

Akolaa zinguru kolola ndi avavisandu na vakunzakali valindiywi keleng'ani; kandi ayaanza avageni navaha viukulia nezinguvu.

Kwidzulitsa 10:19

Kunangwa, muyanze avageni kigira munyi kandi mwaali vageni mu kivala cha Egebeti.

Kwidzulitsa 15:15

Mwizurizi ndi munyi mwaali avatugwa mu kivala cha Egebeti, na Yahova Nyasaye winyu yamuvoholora. Kunangwa, yicho nicho kigira muheezaa lilago yili kalunu.

Kwidzulitsa 23:16

Leka amenye hagati hoho, hoosi ahayaanza kandi mu lidaala liosi lia atovoraa na utava mululu kuye mba.

Kwidzulitsa 23:7

“Mutalegerizi vandu va Edomu mba. Vaveeye aviiko vinyu. Mutachaaya vandu va Egebeti mba, kigira mwamenya kuli avageni mu kivala chavo.

Kwidzulitsa 24:17

“Mutachaminyi likalagirwa liu vulungi lia vageni anoho vavisandu mba; kandi mutavuguli inguvu yumukunzakali kuli kihambiliru mba.

Kwidzulitsa 27:19

“ ‘Alaamwe oyo uchaminyaa likalagirwa liu mugeni, muvisandu numukunzakali.’ “Avandu vosi valavoora, ‘Amini!’