Kutwula 22:20 - KITABU KITAKATIFU

²⁰ “Oyo uhaanaa visiuviliru ku munyasaye muvogono vwa inzi Nyasaye Wuvunyali kuduuka akalagirwi lidivizwa.

Kutwula 22:20 Iomraidhean Croise

1 Avami 18:40

Elija yalaga, “Gumira avaporofeti va Baali; mutaleki mulala kuvo yiruki mba!” Avandu vavagumira vosi na Elija yaavimilira kusulunguta ku mugera gwa Kishoni, navitira yo.

2 Avami 10:25

Nonoho lwa Jehu yaali ni yakamala kuhaana visiuviliru viu kusambwa, yalaga avasikari vu kulinda kandi avanene veve, “Mwingiri, na muviiti vosi; mutaleki mundu kali mulala azonoke mba.” Kunangwa vingira mu Litembeli ni vivavi, ni vavita vosi. Vasikari vu kulinda harara na avanene vakwesa miviri nivagivika ichova wi litembeli. Maku vazizagilira ni vingira havundu hatakatifu hu musi mwi litembeli lia Baali.

2 Kyetsinyinga 15:13

Ku vosi, muyaayi anoho muhindira, musaza anoho mukali, uwavula kusigamira Yahova Nyasaye wa Isiraeli, yitwa.

Kutwula 23:9

“Mutadambizi mugeni mba; munyi mumanya vulahi kuli liiva liu kuva mugeni liveeye, kigira munyi mwaali avageni mu kivala cha Egebeti.

Kutwula 32:8

Vamali koleka inzira ya ndaavalaga kolonda ku: vamali kwelombera kifananyi chi igiriki kutura ku izahabu isialulukiziywi nukugisigamira, nukuhaana kucho visiuviliru. Vavoola ndi oyo numunyasaye wavo, uwavatuliza mu kivala cha Egebeti.

Kutwula 34:15

Mutahambani na avandu vi kivala yicho mba, kigira ulwa vasigamira avanyasaye vatamanyikani nu kuhaana kuvo visiuviliru, valamugenihiza, kandi mulagelizwa ukulia harara navo viukulia viavahanaa ku vanyasaye vaavo.

Ezekieli 20:7

Ndaavavoolera valeke avanyasaye vukuvihiliriza, avavaali ni vayaanza kandi vavuli kweyononyia na vanyasaye va Egebeti vuvugadi, kigira Inzi mbeeye Yahova Nyasaye wavo.

Kyavalevi 17:7

Avandu va Isiraeli sivadukanaa vazizagiliri kuva vataveeye vasuuvirifu ku Yahova mba, ku lisinzira zinyama mu viguuti kuli vihaanwa nukuvihaana ku mademoni gi zimburi. Avandu va Isiraeli gavadukiraa valindi lilaga kuduuka ku makura gaaza.

Kyavalevi 19:33

“Mutadambizi avageni vamenyi mu kivala chiinyu mba.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Livalidza 21:3

Yahova yavahulira kandi navakonya kuguuta avandu va Kanaani. Maku avandu va Isiraeli vavita vosi kandi nivavugura madaala gaavo goosi, nivalanga havundu yaho Horima.

Kwidzulitsa 10:18

Akolaa zinguru kolola ndi avavisandu na vakunzakali valindiywi keleng'ani; kandi ayaanza avageni navaha viukulia nezinguvu.

Kwidzulitsa 18:20

Navuzwa niiva muporofeti woosi aluvilira komoloma likuva mu lieta liange ku lihindagiliza lwa inzi mburi kumulaga akole ndio, kuduuka akuzi kigira agene yago, nandio kandi muporofeti woosi amolomaa mu lieta lia avanyasaye vandi kuduuka akuzi.’

Kwidzulitsa 23:8

Visukululwi viavo kutura ku likula lia kavaga vanyara kuvalizwa harara na avandu va Yahova.

Kwidzulitsa 24:17

“Mutachaminyi likalagirwa liu vulungi lia vageni anoho vavisandu mba; kandi mutavuguli inguvu yumukunzakali kuli kihambiliru mba.