Kutwula 20:25 - KITABU KITAKATIFU

²⁵ Niiva mulanombera uvwali vwiligina, mutumbakira magina ga vaazwa mba, kigira nimutumikira kivia chukuvaaza magina, mulagononyia kuvutumikiri vwange.

Kutwula 20:25 Iomraidhean Croise

1 Avami 6:7

Amagina gi Litembeli liumbakirwa gavaazirwa ha gayavwa, kunangwa si haali ho niliyoga lialombwa ni zinyundu, zimbazi anoho ku viju viosi vie vivia ihi Litembeli liali niliumbakangwamba.

Kutwula 20:24

Munombere uvwali vwamarova, na muhaaniri ku visiuviliru via amagondi ni zing'ombe kuva ivihaanwa viu kusambwa kandi kuli vihaanwa vie mirembe. Havundu hoosi hamutovolera kusigamira, ndaaza ku munyi nukumugaasiza.

Kutwula 24:4

Kunangwa Musa yang'oda amalago goosi ga Yahova Mugamba gwalonda ku, yumbaka uvwali havundu hi kiguru kitangiraa ma nasimika ho amagina likomi na gaviri, lilala ku vuli ihiiri ya Isiraeli.

Ezekieli 40:42

Ziali mu kandi ni zimesa zine iziavazwa kutura ku magina. Zimesa yizi ziali ziokolomberaku vihaanwa viu kusambwa. Ziali zisendimita 50 kuzia igulu, nu vwaliru vwazio vwali zisendimita makomi saba na zitano zimbega ziosi. Viju viosi viavatumikiraa kwita visiuviliru viavikwa kwene yiku.

Joshua 8:31

Yavolomba kolondekana na migizu ga Musa, mutumikiri wa Yahova yaaha avandu va Isiraeli, kuli gavoora mu Lilaga lia Musa, “Uvwali vwalombwa na magina agavula kuvazwa ni viju vie kivia.” Vahaana kuvwo vihaanwa viu kusambwa ku Yahova kandi vihaanwa vie mirembe.