Kutwula 20:24 - KITABU KITAKATIFU

²⁴ Munombere uvwali vwamarova, na muhaaniri ku visiuviliru via amagondi ni zing'ombe kuva ivihaanwa viu kusambwa kandi kuli vihaanwa vie mirembe. Havundu hoosi hamutovolera kusigamira, ndaaza ku munyi nukumugaasiza.

Kutwula 20:24 Iomraidhean Croise

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

2 Samweli 6:12

Mwami Daudi yahulira ndi kigira Lisandugu lie Lilagana, Yahova umali kugasiza vandu avinyumba ya Obedi Edomu kandi viosi via yaali navio, kunangwa yaatuliza Lisandugu lie Lilagana kutura munyumba ya Obedi Edomu nukulihila Jerusalemi nuvusangali kandi lilia linene.

1 Avami 8:29

Linda Litembeli yili mbasu nuvudiku, havundu hano ha ivi umali kotovola usigamirwi ho. Yaanza uhuliri lisaala liange lwa nyumika Litembeli yili nukusaala.

1 Avami 8:43

huliriza ku lisaala lilie. Mwigulu, mwa ivi omenyi, umuhuliri kandi umukolere cha akoteeva, kunangwa vandu vosi vi lirova vaduuki kumanya ivi kandi vaduuki kutia ivi, kuli vandu vovo Isiraeli vakolanga. Hene yaho valamanya ndi Litembeli lia inzi mali kwumbaka yili ni havundu ha ivi unyala kusigamirwa.

1 Avami 9:3

Yahova yamuvolera, “Mali kuhulira lisaala liilio. Mali kutakasa Litembeli lia wumbaki yili kuli havundu ha sigamirwa mihiga ni mihiga. Ndahalinda nukuhakinga ku zing'inga ziosi.

2 Avami 5:17

Kunangwa Naamani yavoola, “Niiva siulavugilira kihanwa change, leka mbuguli misigo ja marova agaduuka zisukiri ziviri kigira kutura lero kuzizagilira imbiri, inzi mutumikiri woovo sindahaana kandi kisiuviriru nu kusigamira munyasaye wundi natali Nyasaye wa Isiraeli.

2 Kyetsinyinga 12:13

Rehoboamu yamiha mu Jerusalemi kandi zinguru zizie ziamedeka kuli mwami. Yaali ni mihiga 41 lwa yagwa mwami na yamiha ku mihiga 17 mu Jerusalemi, lidaala linene ilia Yahova yaali niyaatovora mu kivala choosi cha Isiraeli kuli havundu aha asigamirwa. Mama wa Rehoboamu yaali Naama kutura mu kivala cha Amoni.

2 Kyetsinyinga 6:6

Navuzwa kalunu mali kotovola Jerusalemi kuva havundu hu kusigamira, na ivi Daudi, ulamiha avandu vange.’ ”

2 Kyetsinyinga 7:16

Mali kotovola nu kutakasa Litembeli yili kuli havundu ha Inzi sigamirwa mihiga ni mihiga. Ndahalinda kandi ndahakinga ku zing'inga ziosi.

Ezara 6:12

Kusaala Nyasaye watovola Jerusalemi kuva havundu hu kumusigamira, ayaanze aguuti mwami woosi anoho ihiiri yoosi egerizaa kwonogonyia lilago yili kandi kudiviza Litembeli lia Nyasaye iliveeye mu Jerusalemi. Inzi mwami Dariasi mali kuhaana lilaga yili. Kuduuka lilaga yili liduukizwi.”

Nehemia 1:9

Navuzwa niiva mulirana ku inzi, nukuhulira malago gange, ahene yaho kali niiva avandu vinyu vasalanywa vaveeye ihale ligali ku keheri chi lirova, ndavavungiza kutura yo kandi mbaleete havundu ha inzi ndovoye nduuki kusigamirwa.’

Zaburi 101:2

Ndahenzeriza nokolonda kunzira itaveeye nimbala; ulaaza ku inzi ng'inga ki? Ndamenya munyumba yange nu mwoyo gutaveeye nimbala.

Zaburi 122:2

Kalunu koveeye hano, kusingiyi mu virivwa vivio, O, Jerusalemi!

Zaburi 128:5

Yahova akugasize kutura Ziyoni! Na olole Jerusalemi niligasizwa; madiku goosi gi limenya liilio.

Zaburi 134:3

Yahova uwalomba ligulu ni lirova, amugasize kutura Ziyoni!

Zaburi 74:7

Vasamba Litembeli liilio litakatifu nu muliru; vononyia Hatakatifu hoho ha usigamirwa.

Zaburi 76:2

Yakola Jerusalemi; kuva hango hehe. Amenyaa mu kiguru cha Ziyoni.

Zaburi 78:68

Mu vogono yivwo, yatovola ihiiri ya Yuda, kandi natovora kiguru cha Ziyoni, havundu ha yaayanza ligali.

Kutwula 10:25

Musa yativura, “Maku gakuduukiraa okohe mitugu jukuhaanira Yahova Nyasaye wiitu kuli vihaanwa ni zisadaka ziu kusambwa.

Kutwula 18:12

Maku Jezero yaleeta kihanwa chukusambwa choosi nivisiuviliru vindi vihaanwe ku Nyasaye. Haruni na aviimiliri vosi va Isiraeli vazia harara na Navizara Musa ukulia chukulia kitakatifu kuli likora liukusigamira Yahova.

Kutwula 20:25

Niiva mulanombera uvwali vwiligina, mutumbakira magina ga vaazwa mba, kigira nimutumikira kivia chukuvaaza magina, mulagononyia kuvutumikiri vwange.

Kutwula 24:4

Kunangwa Musa yang'oda amalago goosi ga Yahova Mugamba gwalonda ku, yumbaka uvwali havundu hi kiguru kitangiraa ma nasimika ho amagina likomi na gaviri, lilala ku vuli ihiiri ya Isiraeli.

Kutwula 24:5

Maku yatuma vasoleri ku avandu va Isiraeli, vasambiri Yahova visiuviliru vie zing'ombe kuva vihaanwa vie mirembe.

Kutwula 27:1

“Olombe uvwali kutura ku misaala ji kikuma. Gaduukanaa vove ovoleng'ani zimbega ziosi, zimita 2.2 vutambi kandi vuvambalaru na kuzia igulu, zimita 1.3.

Isaya 64:5

Ivi uvugilira yavo avasangalira mu likora agaveeye malungi, yavo avizulizanga kuli wenya vaduuki komeya. Waali nu vutima ni kunyi, navuzwa kwazizagilira kokora uvwoni; kali mu vutima vuvwo ovonene, kunyi kumali kokora uvudamanu kutura ing'inga yakale. Kunyala ndi konyoora ovohonyi?

Kyavalevi 17:9

kuli kihanwa ku Yahova, naavulia kokeleeta havwingiliru vwi Lihema, mundu oyo kuduuka atulizwi hagati ha avandu va Nyasaye.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Matayo 18:20

Kigira hoosi ha vavugani vaviri anoho vavaga ku lieta linage, inzi mbeeye hagati haavo.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:21

Niiva havundu harara hukusigamira yaho haveeye ihale ligali kutura ku munyi, maku, lwa muva nimwenya inyama, munyala kwita ndala ku zing'ombe anoho magondi ga Yahova amali kumuha, kandi munyala kulira inyama zana hango, kuli mali kumuvolera.

Kwidzulitsa 12:5

Kutura mu kivala chi zihiiri zienyu ziosi, Yahova alatovola havundu harara haduukana avandu vosi vazie imbiri weve nu kumusigamira ho.

Kwidzulitsa 14:23

Maku muzie havundu harara, aha Yahova Nyasaye winyu amali kotovola asigamirwi ho; kandi uwene yeyo imbiri weve, mulie izizaka ziu vuswage vwinyu, iwaini yinyu, na maguta ga muzeituni kandi iviukutanga kwivulwa vie zing'ombe na magondi. Mukore ndio kunangwa muduuki kwiga kuli munyala kuhaana luyali ku Yahova Nyasaye winyu kazozo.

Kwidzulitsa 16:11

Musangare imbiri wa Yahova Nyasaye winyu harara na avana vinyu, vatumikiri vinyu kandi vandu vinyumba ya Levi avageni, avavisandu kandi avakunzakali vamenyi mu madaala ginyu. Mukore yaga goosi havundu harara hukusigamira ha Yahova yatovola.

Kwidzulitsa 26:2

sa mulala ku munyi kuduuka aviiki mu kihinda vilala ku viamo viukutanga viagesi nukuvihili havundu harara hu kusigamira Yahova.

Kwidzulitsa 7:13

Alamuyaanza kandi alamugasiza, kunangwa mu meedeke mu vunyingi vwi livaliza lienyu kandi mulivula avana avanyingi. Alagasiza milimi jinyu, kandi mulagesa vuswage, iwaini na maguta ga muzeituni. Alamugasiza ni limeedeka kulimuha zing'ombe zinyingi na magondi Alamuha vugasu yivu vwosi mu kivala cha yasuuviriza avaguuga vinyu ndi alamuha.