Kutwula 20:20 - KITABU KITAKATIFU

²⁰ Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Kutwula 20:20 Iomraidhean Croise

Litanga 20:11

Aburahamu yativura, “Inzi ngoli ndio kigira ndaaganagana ndi havundu yaaha avulaho mundu watia Nyasaye, na valanzita ma vavuguli mukali wange.

Litanga 22:1

Inyima wa yaga Nyasaye yageliza Aburahamu; yamulanga, “Aburahamu!” Kandi Aburahamu yativura, “Yee, inzi mbeeye hano!”

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 3:7

Utaganagana oveeye mugeri mba, utie Yahova kandi utakola uvudamanu mba.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 41:13

Kigira Inzi Yahova Nyasaye winyu; ndaamuha zinguru, kandi ndamuvolera, ‘Mutatia mba; ndamukonya!’ ”

Isaya 8:13

Wizulizi ndi, inzi Yahova Wuvunyali, mbeeye mutakatifu; inzi mbeeye wa ivi udukana kutia.

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 13:3

mutahuliriza amakuva gu muporofeti oyo, anoho mulooti oyo mba. Yahova Nyasaye winyu atumikiraa mundu oyo kugeriza munyi, kumanya niiva muyanzaa Yahova nu mwoyo gwinyu gwosi kandi na roho jinyu josi.

Kwidzulitsa 4:10

kigira lidiku lia mwasingira imbiri wa Yahova Nyasaye winyu ku kiguru cha Sinai, lwa Yahova yambolera, ‘Vuganyia avandu. Nyenya vahuliri makuva ga nyenya mbore, kunangwa vaduuki kwiga kumbulira madiku goosi aga vaveeye mwoyo kandi kunangwa navo valiegizi avana vaavo kokora malala meere.’

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Kwidzulitsa 6:24

Maku Yahova Nyasaye wiitu yakulaga kuhuliri malago yaga goosi kandi kuhaane kuye luyali. Niiva kulakola ndio, alalinda zihiiri zietu kandi alakokola komeedeke mu lizizagilira imbiri vulahi kazozo.

Kwidzulitsa 8:16

Muchangalangwe, yauha imaana mulie, ichukulia cha avaguuga vinyu vavura kulia ku kali hakuzu. Yaleeta uvudinyu ku munyi aduuki kumukola mwegehizi kandi kumugeriza, kunangwa mu limalirika aduuki kumugaasiza nivindu vilahi.

Kwidzulitsa 8:2

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

Joshua 24:14

Joshua yaazizagilira kovora “Kunangwa kalunu; mutie Yahova kandi mumutumikiri. Muve nagiligali kandi nu vusuuvirifu. Mutulizi avanyasaye va vaguuga vinyu vagira kusigamira mu Mesopotamia kandi mu Egebeti; kandi mutumikiri Yahova yeng'ine.

1 Samweli 12:20

Kunangwa Samweli yavativulira, “Mutatia mba. Kali niiva mwakora kindu kidamanu kuli yiki, mutagirung'ana kutura ku Yahova mba, navuzwa mumutumikiri nimioyo jinyu josi.