Kutwula 20:2 - KITABU KITAKATIFU

² “Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 20:2 Iomraidhean Croise

1 Avami 18:39

Lwa vandu valora yaga, vaagwa hasi mamumama nivahuga nu mwoyo munene nivavoora, “Yahova aveeye Nyasaye; Yahova yeng'ine aveeye Nyasaye!”

2 Avami 17:12

Kandi ni vavura kuhulira Lilaga lia Yahova liu kuvula kusigamira vifananyi.

2 Avami 17:7

Lidaala linene lia Samaria liaguutwa kandi ni ligumirwa kigira Visiraeli vakora vwoni ku Yahova Nyasaye wavo, uwavahonyia kutura ku mwami wa Egebeti kandi uwavatuliza mu kivala cha Egebeti. Vasigamira avanyasaye vandi,

2 Kyetsinyinga 28:5

Kunangwa, Yahova Nyasaye weve yaleka mwami wa Siria aguuti Ahazi, kandi naahira avandu avanyingi ligali mu Damasiko kuli avahambe. Yahova Nyasaye yaleka mwami wa Siria aguuti Ahazi kandi ni yita vandu veve avanyingi ligali.

Zaburi 50:7

“O, avandu vange, hulirizi, na ndamoloma, O, Isiraeli nokolorekiza uvudamanu ku munye; inzi mbeeye Nyasaye Yahova winyu.

Zaburi 81:10

Inzi mbeeye Yahova Nyasaye woovo uwakutuliza mu kivala cha Egebeti. Kunuura munwa gugwo, na inzi ndakulihiza.

Zaburi 81:11

Navuzwa munyi avandu vange Isiraeli simwambuliriza mba; Mwasuura kumbulira.

Zaburi 81:7

Lwa waali mu vudinyu, waanira ku inzi na ndakohonyia. Ndakutivulira lisaala liilio kutura havundu hange hukwivisa mu kihuzuzi nizinguba. Ndaakogeriza ha vidaho via Meriba.

Kutwula 13:14

Mu zing'inga ziza, lwu muyaayi wowo alikoteeva icha makuva yaga gavoora, ulamutivulira ndi, ‘Yahova yatumikira zinguru zizie zinene kukutuliza mu kivala cha Egebeti, havundu ha kwaali avatugwa.

Kutwula 13:3

Musa yavolera avandu, “Mwizurizi lidiku yili lia mwatula mu Egebeti, wa mwaali avatugwa. Yili nilidiku lia Yahova yaamutuliza yo nizinguru zizie zinene. Mutalia mugadi gwa mamera mba.

Kutwula 15:13

Kuli oveeye musuvirifu ku lisuuviriza, wimilira avandu vovo va wavahonyia kuzinguru zizio wavimilira kuduuka mu kivala kitakatifu.

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 20:1

Nyasaye yamoloma amakuva yaga:

Kutwula 29:46

Valamanya ndi, inzi mbeeye Yahova, Nyasaye wavo wavaleeta kutura mu kivala cha Egebeti kunangwa nduuki komenya hagati haavo. Inzi mbeeye Yahova Nyasaye wavo.

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Jeremia 16:14

Yahova avoora, “Ing'inga yiza lwa avandu valivula kwisuha ku inzi kuli Nyasaye oveeye mwoyo uwaleeta avandu va Isiraeli kutura mukivala cha Egebeti.

Jeremia 2:6

Si vahenda mwoyo kigira inzi mba, kali niiva ndavasoola kutura Egebeti kandi nimbimilira kuvitira mwigendanyama: kivala chumu kandi chu vuhimwa, kivala chumu chu mundu atanyala kuvitira mu mba kandi cha avandu vatanyala komenya mu mba.

Jeremia 31:1

Yahova avoora, “Ing'inga yiza lwandakave Nyasaye wi zihiiri ziosi zia Isiraeli, kandi valakave avandu vange.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 34:13

Nyasaye wa Isiraeli yambolera mbolere avandu: “Inzi ndaalomba lilagana navaaguuga vinyu lwa ndaavahonyia kutura Egebeti nukuvavoholora kutura muvutugwa. Inzi ndaavavoolera ndi

Ezekieli 20:19

Inzi mbeeye Yahova Nyasaye winyu. Mutie kandi mugumiri amalago gange.

Ezekieli 20:5

Uvavoolere aga Inzi mboraa. Lwa ndaatovora vandu va Isiraeli, ndaalomba lilagana liange navo. Inzi mwene ndivuura kuvo mu Egebeti kandi nimbavolera: Inzi mbeeye Yahova Nyasaye wavo.

Ezekieli 20:7

Ndaavavoolera valeke avanyasaye vukuvihiliriza, avavaali ni vayaanza kandi vavuli kweyononyia na vanyasaye va Egebeti vuvugadi, kigira Inzi mbeeye Yahova Nyasaye wavo.

Hosea 12:10

“Inzi ndaamoloma ku vaporofeti kandi nimbaha malola manyingi. Inzi ndiganihiza avandu vange kuvitira ku avaporofeti.

Hosea 13:4

Yahova avoora, “Inzi mbeeye Yahova Nyasaye winyu, uwamuleta kutura mu kivala cha Egebeti. Si muveeye na Nyasaye wundi nataveeye Inzi. Inzi wengine mbeeye muhonyi winyu.

Kyavalevi 11:45

Inzi mbeeye Yahova, uwamuleta kutura mu kivala cha Egebeti kunangwa inzi nduki kuva Nyasaye winyu. Kunangwa kuduuka muve avatakatifu kigira inzi mbeeye mutakatifu.”

Kyavalevi 19:36

Mutumikiri vigero viagiligali, zikilo ziagiligali kandi vibimu viagiligali. Inzi mbeeye Yahova Nyasaye winyu, wamutuliza mu kivala cha Egebeti.

Kyavalevi 23:43

kunangwa visukululwi vienyu vaduuki kumanya ndi Inzi Yahova, ndaakola vandu va Isiraeli vamenye mu madiri lwa ndavaleta kutura Egebeti. Inzi mbeeye Yahova Nyasaye winyu.

Kyavalevi 25:38

Inzi mbeeye Mwami Nyasaye winyu wamutuliza mu kivala cha Egebeti, kunangwa nduuki kumuha kivala cha Kanaani kandi mbe Nyasaye winyu.

Kyavalevi 25:42

Avandu va Isiraeli vaveeye vatugwa vange, kandi ndavatuliza mukivala cha Egebeti. Vatagulizwa mu vutugwa mba.

Kyavalevi 25:55

Umundu wa Isiraeli sianyala kuva mutugwa mihiga ni mihiga mba kigira avandu va Isiraeli vaveeye avatugwa vange. Ndaavatuliza mukivala cha Egebeti, Inzi mbeeye Yahova Nyasaye winyu.

Kyavalevi 26:1

Yahova yavoola, “Mutelomberi ivifanayi, anoho kusingiliza vifananyi vialongwa, anoho zitiru ziamagina anoho magina gavazwa kuvisigamira mba. Inzi mbeeye Yahova Nyasaye winyu.

Kyavalevi 26:13

Inzi, Yahova Nyasaye winyu, ndamuleeta kutura Egebeti kunangwa muvuli kuzizagilira kuva vatugwa vaavo mba. Ndaavunanyia zinguru zia avasigu vienyu kandi nimuleka mugende no vovoholore.”

Amosi 2:10

Ndaamutuliza mu kivala cha Egebeti, na ndamwimilira kuvitira mwigendanyama ku mihiga arubaini kandi niimuha kivala cha avandu va Amori kuva kivala chienyu aveene.

Varumi 10:12

Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira.

Varumi 3:29

Anoho, Nyasaye aveeye Nyasaye wa Vayuda venyine? Siaveeye Nyasaye wa Avizihiiri zindi kandi? Yee, aveeye wa avandu vi zihiiri zindi kandi.

Kwidzulitsa 13:10

Mulamulasa magina kuduuka akuze! Yageriza kumwimilira muturi ku Yahova Nyasaye winyu, uwamuhonyia kutura Egebeti, uwa mwaali avatugwa.

Kwidzulitsa 15:15

Mwizurizi ndi munyi mwaali avatugwa mu kivala cha Egebeti, na Yahova Nyasaye winyu yamuvoholora. Kunangwa, yicho nicho kigira muheezaa lilago yili kalunu.

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Kwidzulitsa 5:15

Mwizurizi ndi mwaali vatugwa mu Egebeti, ma kandi, Inzi, Yahova Nyasaye winyu, ndaamuhonyia kutura yo ni zinguru ziange zinene. Yiki nicho kigira nimugulaga mulindi lidiku lie Lisabato.

Kwidzulitsa 5:6

‘Inzi mbeeye Yahova Nyasaye woovo wa muletaa kutura mu kivala cha Egebeti, wa mwaali vatugwa.

Kwidzulitsa 7:8

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.

Vakalagi 2:1

Engelosi wa Yahova yatura Giligali kuzia Bokimu, kandi navolera avandu va Isiraeli: “Ndaamutuliza Egebeti nimuleeta mukivala chandaalagira avababa vinyu. Ndavoora, sindivunanyia lilagana liange ni munyi mba.

Vakalagi 6:10

Ndaamuvolera ndi, Inzi mbeeye Yahova Nyasaye winyu; vanyasaye va Amori, avamumenyaa hagati haavo mba. Navuzwa simwahulira agange mba.”