Kutwula 20:17 - KITABU KITAKATIFU

¹⁷ “Mundu ategomba inyumba yu mutende mba; atakayirwa mukali weve mba, anoho mutugwa muyaayi anoho mukaana weve mba, anoho eng'ombe, nisukili mba anoho kilala ku viosi viaveeye navio mba.”

Kutwula 20:17 Iomraidhean Croise

Litanga 14:23

ndi si ndavugura ku kindu chicho kali kilala mba, kali luvusi kinga migoye jivilato mba. Maku nuvuli kovora, ‘Inzi ndaakola Aburamu kuva mutugi mba.’

Litanga 3:6

Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia.

Litanga 34:23

Mitugu jaavo josi nivindu vindi viosi via vaveeye navio vilava vietu. Kunangwa muleke kuvugiliri ndi vanyara komenya harara ni kunyi.”

Ayubu 31:1

Inzi mali kolomba lilagana ndi, sindaheenza mukaana nu kumwegomba mba.

Ayubu 31:9

“Niiva ndamala kukayirwa kuva nu mukali wu mutende wange, kandi niiva ndivisa nukulindilira ichova wi kiliango chiche,

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 119:36

Ombe uvuha vwu kuhulira malago googo, kuvita kuva nuvutugi.

Tsing'ano 4:23

Henza kuli uganaganaa. Livamwoyo liilio lilombwaa ni zing'anagani zizio.

Tsing'ano 6:29

Yaga gaveeye vuzwa madamanu kuli musaza okolaa ovoheyi nu mukali wu musaza wundi. Oyo okolaa yaga, alakahevwe mageri.

Kohelethu 4:8

Haveeye ho nu mundu omenyi yeng'ine. Siaveeye nu muyaayi mba, anoho amwavo mba, navuzwa ayinziraa zing'inga ziosi. Vutugi vwaveeye navwo si vumuduukaa mba; ayinziliraa vwaha vudinyu konyoora, navuzwa avula kwiyaanziza? Yiji kandi jiveeye miyinzi ja vuzwa kandi jo koveleriza.

Isaya 33:15

Unyala kohononoka niiva ulakola agaveeye amalungi. Utatumikira zinguru zizio kugaada avadaka mba, kandi utavugilira viambeti mba. Utahambana nayavo avalohizaa kwiita anoho kokora uvudamanu vundi vwosi mba.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Jeremia 22:17

Navuzwa unyala vuzwa kukayirwa lienya liilio umwene; witaa avandu vataveeye nimbala kandi mu kilage udambiza avandu vovo Yahova umali kovora.

Jeremia 5:8

Vaali kuli zibarasi zing'omeru ni likayirwa lia vakali. Vuli mundu samulala yaali ni lienya kuva nu mukali wu mutende weve.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Mika 2:2

Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Habakuk 2:9

O, vayaayi, munyi mwalaamwa kigira mumali kuhaana ku vandu vi zinyumba zienyu vutugi kutura ku vindu via mwanyaga vandi kuzinguru. Mugerizi kukinga hango hinyu kutura ku vusaliri kandi vuhimwa!

Matayo 20:15

Sivoveeye vulahi inzi ngole kuli nyanza ku vindu viange? Anoho ongendekeraa kigira inzi mbeeye umuhaani mulahi?’ ”

Matayo 5:28

Navuzwa inzi muvooleraa, mundu woosi ohenza mukali ma amukayirwi, amali koheya naye mu mwoyo gwigwe.

Luka 12:15

Kunangwa, yavavolera vosi, “Mwilindi kandi mugerihi ku likayirwa liu vuviti liosi; kigira livamwoyo liu mundu silivezaa kigira vunyingi vwi vindu via aveeye navio mba.”

Luka 16:14

Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese.

Vikolwa 20:33

Inzi sindaakayirwa kali hakuzu ifeza yu mundu anoho zahabu anoho zinguvu.

Vikolwa 5:4

Nukikiri kuguguliza gwaali gugwo; kandi inyima wu kuguguliza, kandi mabese gagwo gaali googo utumikiri kuli mwene uyanzaa mba. Kigira ki otovooye mu mwoyo gugwo kokora kindu kuli yiki? Siovoleeye avandu ovovehi mba, navuzwa ovoleeye Nyasaye!”

Varumi 13:9

Kigira amalago yaga, “Utaheya mba; utiita mba; utiva mba; utakayirwa mba,” na agandi goosi, gazuganyiywi mu lilago lilala yili: “Uyaanze umutende woovo kuli wiyanza umwene.”

Varumi 7:7

Kunangwa, kunyala kovora ki, Lilaga liveeye liu vwoni? Si gaveeye ndio mba! Navuzwa liali Lilaga liakola inzi kumanya uvwoni ni ki. Kigira sindaali manye likayirwa vugira Lilaga kovora, “Utakayirwa mba.”

1 Vakorintho 6:10

anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

Vafeso 5:3

Kigira munyi muveeye vandu va Nyasaye, sivaveeye vulahi amakuva goosi go voheyi, anoho komenya mu miima midamanu jovoheyi, anoho likayirwa, nu uvuviti vitalwe hagati hinyu kali hakuzu mba.

Vafeso 5:5

Kigira yaga muve nilimanya ligali ndi, umuheyi woosi anoho utaveeye munifu mu miima, muhuvaali, wi vifananyi mukayirwi, siaveeye nilisanga mu vwami vwa Kristo kandi vwa Nyasaye mba.

Kwidzulitsa 5:21

“Utakayirwa mukali wu musaza wundi mba; kandi utakayirwa inyumba yeeye, mulimi gwigwe, avatugwa veve, zing'ombe zizie, zisukiri zizie, anoho kindu choosi cha aveeye nacho mba.

Kwidzulitsa 7:25

Musaambe vifananyi viavazwa viosi. Mutakayirwa ifeza anoho izahabu eveeye kuvio mba, anoho kuvivugula vive vienyu mba, Yahova Nyasaye winyu avihilirwa vifananyi.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

Joshua 7:21

Ku vindu via kwalaanya ndaalora likoti lilahi ligali lia Babiloni, ahimbi zikilo ziviri zie ifeza, kandi kedonye chi izahabu chuvulitu uvuvitaa inusu yi kilo. Ndaavikayirwa ligali ma nimbivugula. Ulavinyoola niviayavilwa musi mu lihema liange, ifeza neveeye ku lwaalo.”

1 Samweli 12:3

Mbeeye hano. Niiva ndamala kokora kindu kidamanu choosi, munzaale kalunu imbiri wa Yahova kandi imbiri wu mwami wamali kotovola. Ni eng'ombe ya vwaha kinga ni ibunda ya vwaha ya ndavugura kuzinguru? Nivwaha wa ndaga vindu vivie, anoho wa ndadambiza? Nivwaha wa ndavugura ku viambeti nduuki kuhaana likalaga litali lirungi? Niiva ndaakola kilala ku vindu yivi, ndirana kutunga cha ndaavugura.”

1 Samweli 15:19

Kunangwa kigira ki utahuliiyi Yahova? Kigira ki udidikani kutuuma ku vilaanye nokora gatayanzizaa Yahova.”