Kutwula 20:11 - KITABU KITAKATIFU

¹¹ Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Kutwula 20:11 Iomraidhean Croise

Litanga 1:28

Yavagasiza kandi navavoolera, “Mwivulane kandi mumedeke na mwizuli lirova kandi mu liamihi kandi mwamihi zisuzi kandi vilombe viosi viu mu mazi; manyonyi goosi gu mu ligulu kandi ku lirova, vimolaa ku lirova, mitugu kandi zinyama ziosi ziu muvulimu.

Litanga 1:31

Nyasaye yahenza ku vindu viosi via yaali nalombi, na yalora viali vilahi ligali. Na mugolova gwavita nu mugamba nigwaduuka. Yili liali lidiku lia sita.

Kutwula 31:17

Liveeye lilolekiza liokuhindira hagati hange na avandu va Isiraeli, kigira Inzi, Yahova, ndaalomba ligulu ni lirova mu madiku sita, na lidiku lia saba ndaaleka kokora miyinzi nesosa.”

Kutwula 8:22

Navuzwa sindadiviza kivala cha Gosheni, aha avandu vange vamenyi mba, kunangwa iziinji sizilava yo mba. Ndakora ndio ku muduuki kumanya ndi inzi, Yahova mbeeye ku miyinzi mu kivala yiki.

Kutwula 9:29

Musa yamuvolera, “Nonoho lwa mba nindakatula mu lidaala linene linu, ndaginga amakono gange igulu mu lisaala ku Yahova. Lihiligana lie inguba kandi imbura ya magina vilalekera, kunangwa muduuki kumanya ndi lirova liveeye lia Yahova.

Isaya 42:10

Mwimbiri Yahova lwimbu luhia; avandu vosi, mwizominye Yahova, avandu vosi aveelemaa ku inyanza, mwizominye Yahova. Vilombe viosi viu munyanza, mwizominye Yahova, avandu vosi avamenyi mu visulu mwimbi nu kwizominya Yahova.

Isaya 48:13

Ndaalomba musingi gwi lirova, kandi ndaavambura ligulu. Lwa mbilangaa visingira viombi harara.

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Vikolwa 20:7

Ku lidiku lia Jumamosi hamugorova, kwavugana harara komeganyia mugadi. Kigira Paolo yaali niyenyaa kuzia mugamba golonda ku, yiilwazira avandu, nazizagilira kwilwaza kuduuka vudiku hagati.

Vikolwa 4:24

Lwa vandu vasuuvira vahulira makuva yaga, vosi vaza harara, vasaala Nyasaye nu mwoyo mulala, ni vavoola, “ O, Mwami, kandi Mulombi wi ligulu ni lirova, inyanza ni vindu viosi iviveeye mu!

Kwidzulitsa 5:15

Mwizurizi ndi mwaali vatugwa mu Egebeti, ma kandi, Inzi, Yahova Nyasaye winyu, ndaamuhonyia kutura yo ni zinguru ziange zinene. Yiki nicho kigira nimugulaga mulindi lidiku lie Lisabato.

Vahebraina 4:4

Havundu handi mu Mang'oda Matakatifu, yaga gavoolwa ndio ku lidiku lia saba: “Nyasaye yasosa ku lidiku lia saba kutura ku miyinzi jije josi.”

Likunula 10:6

Yisuha ku Nyasaye oveeye mwoyo mihiga ni mihiga, uwalomba ligulu ni lirova ninyanza ni vindu viosi viveeye mu. Engelosi oyo yavoola, “Lilindagira sililava ho kandi mba!