Kutwula 2:23 - KITABU KITAKATIFU

²³ Inyima wimihiga yijo josi, mwami wa Egebeti yakuza, navuzwa vandu va Isiraeli vaali nivakekenya ligali kigira uvusaaliri vwavo mu vutugwa, nivenya vokonyi. Lilira liavo liadukira Nyasaye;

Kutwula 2:23 Iomraidhean Croise

Litanga 16:11

Ivi ulivula mwana muyaayi, na ulamugulika lieta lilie Ishimaeli, kigira Yahova amali kuhulira lianira liilio liu kudambizwa.

Litanga 4:10

Maku Yahova yateva, “Kigira ki umali kokora kindu kidamanu yiki? Amasahi ga amwavo woovo gwaniraa ku inzi kutura kumalova kuli mwoyo gulangiliraa kutunga kisaalia.

Nehemia 9:9

“Ivi walola kuli avaguuga viitu vakuba kivi mu Egebeti; Ivi wahulira lilira liavo kigira ovokonyi ha Inyanza Inzakanyu.

Ayubu 35:9

“Lwa vandu vadambizwa, vakenya; valira mbula mundu yavakonya.

Zaburi 102:1

O, Yahova, hulira lisaala liange, kandi hulira lilira liange kigira ovokonyi!

Zaburi 102:2

Utiivisa kutura ku inzi lwa mbeeye mu vudinyu mba! Umbulirizi na undivuliri vwangu lwa nzanira ku ivi.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 18:6

Ndaanira Yahova mu vudinyu vwange, ndaalira ku Nyasaye wange yangonye. Yahulira mwoyo gwange mu Litembeli lilie; yahuliriza ku lilira liange kigira ovokonyi.

Kutwula 1:14

Valomba limenya liavo kuva liuvuzuunu muliyinzira miyinzi midinyu, jokolonga madafari govodohi ni miyinzi jie zing'ano ziosi ju mumilimi jaavo vugira kuvavererera.

Kutwula 4:19

Lwa Musa yaali nakikiri mu Midiani, Yahova yamuvolera, “Yirana uzie Egebeti, kigira yavo vosi avenya vakwiti vaakuzi!”

Kutwula 6:5

Kalunu mali kuhulira likenya lia vandu va Isiraeli ava vandu va Egebeti vamali kuvakola avatugwa na mali kwizuliza lilagana liange.

Kutwula 6:9

Musa yavoola yaga ku avandu va Isiraeli, navuzwa sivenya kumuhuliriza mba, kigira mioyo jaavo jaali nijikuzi kigira kivi cha vaali nacho mu vutugwa.

Kutwula 7:7

Ing'inga lwa vamoloma ku Mwami, Musa yaali naveeye ni mihiga 80, na Haruni yaali naveeye ni mihiga 83.

Isaya 19:20

Yivi vilakave vimanyiru imbiri wa Yahova Wuvunyali mu kivala cha Egebeti. Lwa vandu wene yeyo vadambizwa nukwanira Yahova kigira ovokonyi alakatumi mukonyi kuvasoora.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Livalidza 20:16

navuzwa kwalilira Yahova ahaane vokonyi kukunyi. Yahulira lilira lietu na yatuma engelosi wa kwimilira kutura Egebeti. Kalunu koveeye ha Kadeshi lidaala liveeye kulwako ni kivala chicho.

Vikolwa 7:30

“Lwa Musa yaali niyakamara mihiga arubaini, engelosi wu Mwami yaloleka kuye mu kisaka chaali ni chaadukaa muliru mu changalangwi, ahimbi ni Kiguru cha Sinai.

Kwidzulitsa 24:15

Vuli lidiku, liuva nilikiri koyeera, muvatuungi mitungu jie lidiku yilio. Venya mabese yago kandi vaviiki mioyo jaavo josi ku liganyoola. Gase nimuvula kuvatuunga, valanira ku Yahova kigira munyi, na mulava ni lihiolo liu vwoni.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.

Vakalagi 4:3

Jabini yaali na magare miatisa gi kivia, na yamiha avandu va Isiraeli nu vululu kandi ni zinguru ku mihiga sirini. Maku vandu va Isiraeli vanira Yahova avakoonye.

1 Samweli 12:8

Lwa Yakobo harara na vinyumba yeye vazia Egebeti, na Avaegebeti nivavadambiza, avaguuga vinyu vanira ku Yahova vanyoore vokonyi, na yatuma Musa na Haruni, vavatuliza mu Egebeti kandi naavidikiriza mukivala yiki.

1 Samweli 9:16

“Mugamba, ahimbi ing'inga kuli yiyi ndakutumira mundu musaza kutura mu ihiiri ya Benjamini; umuvake amaguta kuli mwami wa vandu vange va Isiraeli. Alavasoola kutura ku vandu va Filisitia. Mali kolola linyang'ana lia vandu vange kandi mali kuhulira lianira liavo nilienya vokonyi.”