Kutwula 19:5 - KITABU KITAKATIFU

⁵ Kalunu, niiva mulambulira ligali nokolonda lilaga liange, mulava avandu vange. Lirova liosi liveeye liange, navuzwa munyi mulava avandu vatovole vange,

Kutwula 19:5 Iomraidhean Croise

Litanga 17:9

Nyasaye yavolera Aburahamu, “Ivi kandi kuduuka uvugiliri kulinda lilagana harara ninzi, mwombi ivi kandi ni visukululwi vivio mu makura gaaza.

1 Avami 8:53

Ivi wavaahulira kutura hagati ha vandu vosi vi lirova kuva miandu jijo, kuli wavatovola kuvitira mu Musa, Mutumikiri woovo, lwa waleeta avaguuga viitu kutura Egebeti.”

1 Kyetsinyinga 17:22

Ivi umali kokora Isiraeli kuva avandu vovo ivi mwene mihiga ni mihiga, kandi ivi, Yahova, umali kuva Nyasaye wavo.

Ayubu 41:11

Nivwaha umali kumba ikindu kunangwa nduuki kumutunga? Choosi ekeveeye isi wi ligulu liosi nichange.

Ayubu 41:3

Inyala kokogoonya ugilakule izie, inyala kukogoonya ogeveere zimbavasi?

Zaburi 135:4

Yahova yatovola Yakobo kuva weve umwene, kandi yatovola avandu va Isiraeli kuva mwandu gwigwe mwene.

Zaburi 24:1

Lirova harara na viosi viveeye mulio viveeye via Yahova; kivala harara na vandu vosi avamenyi mu viveeye via Yahova.

Zaburi 25:10

Yahova yimiliraa vosi nu vusuuvirifu, kandi nuvuyaanzi yavo voosi avagumira lilagana lilie kandi avahulira malago geege.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 23:22

Navuzwa niiva mumuhulira na mukore vindu viosi viamulagaa, Inzi ndamulwanira avasigu vinyu vosi.

Kutwula 24:7

Maku yavugula kitabu chililagana, ichang'odwa mu amalago ga Yahova, ma naagasoma vudinyu ku avandu. Vavoola, “Kulahulira Yahova kandi kulakola vindu viosi viamali kukulaga.”

Kutwula 34:9

Musa yavoola, “Yahova, niiva ligali uyanzizwa ninzi, ngogonya, nuyanza unyala kuzia harara nikunyi. Avandu yava vaveeye vikirage, navuzwa ukusamihi uvudamanu vwitu kandi vwoni vwitu, kandi ukuvugiliri kuva avandu vovo.”

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Kutwula 8:22

Navuzwa sindadiviza kivala cha Gosheni, aha avandu vange vamenyi mba, kunangwa iziinji sizilava yo mba. Ndakora ndio ku muduuki kumanya ndi inzi, Yahova mbeeye ku miyinzi mu kivala yiki.

Kutwula 9:29

Musa yamuvolera, “Nonoho lwa mba nindakatula mu lidaala linene linu, ndaginga amakono gange igulu mu lisaala ku Yahova. Lihiligana lie inguba kandi imbura ya magina vilalekera, kunangwa muduuki kumanya ndi lirova liveeye lia Yahova.

Lwimbu lwa Solomoni 8:12

Solomoni yavugilira vidonye 1,000 ni kidieli cha valimi kuli vidonye 200. Inzi mbeeye nu mulimi gwange gwi kizabibu!

Isaya 1:19

Niiva muratia inzi, mulalia vindu vilahi vie kivala.

Isaya 41:8

“Navuzwa munyi avandu va Isiraeli muveeye avatumikiri vange, muveeye avandu vandaatovola, visukululwi via Aburahamu mulina wange.

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 56:4

Yahova avooreraa ku mundu kuli uyu ndi, “Niiva ulamba luyali ku liliinda Lisabato, na niiva ulakola aganyaanzizaa kandi nukulinda lilagana liange nu vusuuvirifu vwosi,

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Jeremia 13:11

Kuli zimbala zigumira vudinyu mukisindi, kandi ndio ndeenya avandu va Isiraeli ni Ivuyuda vagumiri vudinyu ku inzi. Inzi ndaakola yaga kunangwa vaduuki kuva avandu vange kandi vahane lizominya nuluyali ku inzi; navuzwa sivaatia inzi mba.”

Jeremia 7:23

Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Kyavalevi 20:24

Navuzwa Inzi mali kumusuuviriza ndi ndamuha kivala kitugi kandi kenoru yiki kuva miandu jinyu. Inzi mbeeye Yahova Nyasaye winyu, kandi mali kumwahula kutura mu zihiiri zindi.

Amosi 3:2

“Kuzihiiri ziosi ziokulirova, munyi nivo mweng'ine avadamanya nukuvalinda. Yiki nicho kekolaa uvwoni vwinyu kuva vudamanu ligali. Yiki nicho kigira muhe amageri malulu ligali.”

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Malaki 3:17

Yahova Wuvunyali yavoola, “Valakave vandu vange. Ku lidiku yilio lwa ndikola kekolwa, valakave vandu vange ligali. Ndakavaveere zimbavasi kuli baba aveeraa mwana weve umutumikiraa.

1 Vakorintho 10:26

Kuli Mang'oda Matakatifu gavoora, “Lirova kandi viosi iviveeye mulio viveeye viu Mwami Nyasaye.”

1 Vakorintho 10:28

Navuzwa niiva mundu amuvoleraa, “Chukulia yiki kihaaniywi ku kifananyi,” ahene yaho mutalia ichukulia yicho mba, kigira umundu oyo umuvooleeye ndio; kandi kigira zing'anagani zie mioyo jinyu,

Kwidzulitsa 10:14

“Henza, Ligulu, kali ligulu liu mwigulu ligali, viveeye via Yahova; lirova ni vindu viveeyemu, viosi iviveeye vivie.

Kwidzulitsa 11:27

uvugasu niiva mulahulira malago ga Yahova Nyasaye winyu, aga muheezaa kalunu;

Kwidzulitsa 14:2

Muveeye avandu vatovole va Yahova Nyasaye winyu. Kutura mu vandu vosi ku lirova, Yahova umali kotovola munyi muve avandu veve mwene.

Kwidzulitsa 14:21

“Mutalia inyama ya munyoora nikuzi iyeene mba. Munyala kuhaana kuavageni vamenya hagati hinyu valie; anoho munyala kugulizira avageni vandi. Navuzwa munyi muveeye avandu va Yahova Nyasaye winyu. “Mutasinzi kememe chimbuli anoho ligondi nikinuuna mba.

Kwidzulitsa 26:18

Kalunu Yahova umali kumuvugilira kuli avandu veve, kuli yamusuuviriza; kandi mulagaa muhuliri amalago geege goosi.

Kwidzulitsa 26:19

Alakamukole muve avanene kuvita ihiiri yindi yoosi ya yalomba, kandi mulahaana lisandiza nu luyali ku lieta lilie. Mulava avandu veve, kuli yamusuuviriza.”

Kwidzulitsa 28:1

“Niiva mulahulira ligali mwoyo gwa Yahova Nyasaye winyu, nukulinda nu vusuuvirifu malago geege aga muheezaa kalunu, Yahova alamuginga higulu muve ihiiri enene ligali kuvita zihiiri zindi ziosi ku lirova.

Kwidzulitsa 28:9

“Niiva mulahulira Yahova Nyasaye winyu na mukore vindu viosi via amulagaa alamukola muve avandu veve vatakatifu kuli yamusuuviriza.

Kwidzulitsa 4:20

Navuzwa munyi muveeye avandu va Yahova yahonyia kutura Egebeti, kutura mu lomemo lwu muliru. Yamutuliza yo amukole avandu veve mwene kuli muveeye kalunu.

Kwidzulitsa 5:2

Ha kiguru cha Sinai, Yahova Nyasaye wiitu yalomba lilagana ni kunyi,

Kwidzulitsa 7:6

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.

Kwidzulitsa 9:29

Kali ndio yava vaveeye avandu vovo, va ivi watovola vave avoovo kandi avawatuliza Egebeti kuzinguru zizio zinene kandi ku vunyali vuvwo.’

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Vahebraina 8:9

Lilagana yili si lilakave kuli lia ndalomba harara na vaguuga vaavo ku lidiku lia ndavavugura nu mukono gwange kandi nimbimilira vatuli mu kivala cha Egebeti. Sivali avasuuvirifu ku lia ndalomba navo mba, ninzi sindavakola vave kindu mba, ndavaleka; Mwami avoora.

Joshua 24:24

Kunangwa avandu zana vavoolera Joshua. “Kunyi kulasigamira Nyasaye wiitu, yeng'ine vuzwa. Kulahulira malago geege goosi.”

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.