Kutwula 19:18 - KITABU KITAKATIFU

¹⁸ Kiguru cha Sinai choosi chizula umwochi, kigira Yahova yaali niyiiki hasi ku cho mu muliru. Mwochi gwaazia igulu kuli mwochi gwi kisambiru kenene, na avandu vosi vaadegera ligali.

Kutwula 19:18 Iomraidhean Croise

Litanga 11:5

Maku Yahova yaza kutura mu ligulu kolola lidaala linene harara nu munara gwa vandu vaali ni vumbaki.

Litanga 15:17

Lwa liuva liayera, kisundi chaliho; inyingu yu muliru gwu mwochi kandi ulumuli lwi kiyayi nonoho viavitira hagati hi vidonye vie zinyama.

Litanga 19:28

Aburahamu yahenza ku madaala ga Sodoma na Gomora, na yalora mwoki niguduumaa kutura mu livona lie kivala choosi, kuli mwochi gutulaa mu kisambiru ekenene.

Nehemia 9:13

Ivi wiika kutura mwigulu ha kiguru cha Sinai; ivi wamoloma ku avandu vovo, kandi nuvaha malago malahi namigizu guvulamu agaveeye guvulungi kandi agiligali.

Zaburi 104:32

Yahova ahenzaa ku lirova ma lidegera, kandi adiira ku vigulu ma vigulu vivuya umwochi,

Zaburi 114:4

Vigulu viatumatuma kuli zimburi; utugulu twatumatuma kuli vimeme via magondi.

Zaburi 114:7

Odegere O, ivi lirova, ku liza lia Yahova, odegere imbiri wa Nyasaye wa Yakobo,

Zaburi 144:5

O, Yahova, yigula ligulu wiki kutura mu ligulu. Udiiri vigulu na viduuki kuvuuya mwoki.

Zaburi 18:9

Yatandula ligulu ma niyiika hasi, na kisundi kenene chaali isi wi virenge vivie.

Zaburi 68:9

Ivi waakubiza imbura inyingi, kandi nuwiranyia viamo ku kivala ichaali nichuma kigira mbasu.

Zaburi 77:18

Mwoyo gugwo gwahulika kuli liatuluruka lie inguba, kandi lihemahema lioloheni liaka mu lirova liosi; lirova liatenga kandi ni lidegera.

Zaburi 77:19

Ivi wangenda kuvitira mu viguvuli via mazi; kandi wambuka luliva lwinyanza, navuzwa zinduvatiru zizio siziali zinyala kololekaa mba.

Kutwula 19:13

kuduuka alaswe na magina anoho nimivano juvuta, vugira mundu woosi kumudiira. Yaga galava ku avandu kandi ku zinyama; kuduuka viitwi ligali. Navuzwa lwi kisiriva kikubwa, aheene yaho avandu valanigila ku kiguru.”

Kutwula 19:17

Musa yaavimilira kutura hokososa kuzia kwagana na Nyasaye, kandi vasingira hi kiguru kitangiraa.

Kutwula 20:18

Lwa avandu vahulira muliviti gwinguba ni kisiriva nivikuba, nizimbeni nizihemahemaa kandi kiguru nikivuyaa mwochi, vaadegera nuvuti nivasingila ihale.

Kutwula 24:17

Vukumi vwa Yahova vwaloleka kuli muliru gusambaa kondonyozi kwi kiguru imbiri wa avandu va Isiraeli.

Kutwula 3:2

Uwene yeyo, engelosi wa Yahova yaloleka ku Musa kuli lomemo lwu muliru nilutulaa hagati hi kisaka. Musa yahenza naalora kisaka yikio chaduuka umuliru, navuzwa sichahiizaa mba.

Kutwula 34:2

Wetegeke mugamba mumavwevwe, na wanigiri ku kiguru cha Sinai kunzaganira kosonga kwacho.

Isaya 6:4

Mwoyo gwi lihaanzuka liazio gwadegeriza misingi ji miliango ji Litembeli, na Litembeli liene liizula mwoki.

Isaya 64:1

O, Yahova wakatanduyi ligulu ma wiki hasi ku lirova, kunangwa vigulu viakaadegeya imbiri woovo!

Jeremia 4:24

Ndahenza ku vigulu naviadegeraa, kandi vigulu viosi viazizaa imbiri ni inyima.

Habakuk 3:6

Lwa asingilaa, kivala chinuyaa; mulihenza lilie, zihiiri zidegera. Vigulu via kale viatanywa; vigulu vie mihiga ni mihiga lieyinaa hasi, ha yagendaa mu zing'inga zia kale.

Zekaria 14:5

Mulakiluki ni muvitiraa mulivoona yili liagavula kiguru mu vidonye viviri. Mulakiluki kuli vaguuga vinyu vaakora lwi kivala chadegera ing'inga yu mwami Uzia yamiha kivala chi Ivuyuda. Maku Yahova Nyasaye wange alakaze harara ni zingelosi veve vosi.

Matayo 24:7

Ihiiri ilavukira ihiiri yindi; uvwami vulavukira uvwami vundi; halavaho ni zinzara kandi kodegera kwi lirova ihale nihale.

Kwidzulitsa 33:2

Yavoola: “Yahova yaza kutura mu kiguru cha Sinai; yatonga kuli liuva kutura Edomu, kandi yang'ereng'ana ku avandu veve kutura ku kiguru cha Parani. Zingelosi zielefu kumi ziali harara naye, na umuliru gwaadukaa gwaali ha mukono gwigwe mulungi.

Kwidzulitsa 4:36

Yamukola muhuliri mwoyo gwigwe kutura mwigulu kunangwa aduuki ku mwigizaa; kandi hano ku lirova, yakola munyi mulole muliru gwigwe mutakatifu kandi namoloma ku munyi kutura hagati homuliru.

Kwidzulitsa 5:22

“Yaga nigo malago ga Yahova yahaana ku munyi mwosi lwa mwavunga harara ha kiguru. Lwa yamoloma nu mwoyo munene kutura hagati hu muliru, kandi kutura mu malesi mamwamu namalitu, nikisundi kenene, yahaana malago yaga na siyameeda ku mba. Maku yagang'oda ku vibaho viviri via magina, ma niyamba.

Kwidzulitsa 5:4

Uwene yeyo, ku kiguru, Yahova yamoloma nimunyi moni na moni, kutura hagati hu muliru.

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Vahebraina 12:18

Munyi simuuzi kuli avandu va Isiraeli vaza, ku cha munyala kudiira ku, ku kiguru cha Sinai chakaa muliru, ku kisundi, ku lilesi limwamu, kandi ku kihuzuzi,

Vahebraina 12:26

Mwoyo gwigwe gwa degeriza lirova ing'inga yeyo, navuzwa kalunu umali kukusuuviriza ndi, “Ing'inga yindi kandi sindadegeriza lirova lienyine, navuzwa ligulu kandi.”

2 Petro 3:10

Lidiku liu Mwami lilakaze kuli umwivi. Ku Lidiku yilio, ligulu lilatulizwa ho nu mufuumu munene. Ni miviri josi ju mwigulu jilasaambwa nu kudivizirwa mu muliru munene; lirova ni vindu vialio viosi vilasambwa.

Likunula 15:8

Litembeli liizula umwoki kutura ku uvukumi nu ku zinguru zia Nyasaye, kandi sihaali ho nu mundu uwaali yakanyala kwingira mu Litembeli yilio kuduuka ko keheri chu vulwaye saba vwi zingelosi saba valeta mba.

Likunula 9:2

Eng'ereng'ani zana yakunura gehena yicho nu umwoki gwatula mu kuli gutulaa mu kisambiru kenene. Liuva nu uvwerefu viosi viamwama kigira umwoki gwatura mu.

Vakalagi 5:5

Ivigulu viadegera imbiri wa Yahova wa Sinai, imbiri wa Yahova, Nyasaye wa Isiraeli.