Kutwula 19:16 - KITABU KITAKATIFU

¹⁶ Kunangwa lidiku likora kavaga inyinga yu mugamba haali ho nilihirigana lienguba kandi loheni, ililesi liliduhu lialoleka ku kiguru, nu umwoyo munene ligali gwikisiliva gwahulirika. Avandu vosi avaari hokososa vaadegera nuvuti.

Kutwula 19:16 Iomraidhean Croise

2 Samweli 22:10

Yavukanyia ligulu kandi niyiika hasi, kisundi kenene chaali isi wi virenge vivie.

2 Kyetsinyinga 5:14

na avasaalisi sivakora miyinzi jaavo mba, kigira lilesi liali linyingi, na vukumi vwa Yahova vwiizula mu Litembeli lia Nyasaye.

Ayubu 38:25

“Nivwaha walomba inzira yi imbura elondaa mu? Nivwaha walomba inzira yinguba ihiriganaa elondaa ku?

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Zaburi 77:18

Mwoyo gugwo gwahulika kuli liatuluruka lie inguba, kandi lihemahema lioloheni liaka mu lirova liosi; lirova liatenga kandi ni lidegera.

Zaburi 81:8

O, avandu vange Isiraeli, hulirizi ku lieganihiza liange; vwakaveeye vulahi mulambuliriza!

Zaburi 97:4

Loheni lwilwe lwakizaa lirova liosi; lirova lilolaa ma lidegera.

Kutwula 19:11

kandi vetegekere lidiku likora kavaga. Ku lidiku liene yilio, Inzi ndiika kukiguru cha Sinai, aha avandu vosi vanyara kondola.

Kutwula 19:15

Kandi Musa yavavolera, “Mwetegekere lidiku lia gavaga kutura kalunu kandi mutava harara nu mukali ku ing'inga yeyo mba.”

Kutwula 19:17

Musa yaavimilira kutura hokososa kuzia kwagana na Nyasaye, kandi vasingira hi kiguru kitangiraa.

Kutwula 19:9

Yahova yavolera Musa, “Ndaza ku ivi mu lilesi liliduhu, kunangwa avandu valahulira nimolomaa nivi na valakusuuvira kutura kalunu nu ukuzizagilira.” Musa yavolera Yahova amakuva ga avandu vaali nivamutivuliyi.

Kutwula 20:18

Lwa avandu vahulira muliviti gwinguba ni kisiriva nivikuba, nizimbeni nizihemahemaa kandi kiguru nikivuyaa mwochi, vaadegera nuvuti nivasingila ihale.

Kutwula 20:21

Navuzwa avandu vazizagiliraa kusingila ihale, na Musa yeng'ine yisunda ahimbi ku lilesi limwamu, aha Nyasaye yaali.

Kutwula 40:34

Maku lilesi liakunika Lihema liukuvuganira mu na Yahova, kandi vukumi vwa Yahova vwizula Lihema du.

Kutwula 9:23

Kunangwa Musa yaginga imbimbu yeeye mwigulu, kandi Yahova yatuma inguba kandi imbura yamagina kandi oloheni lwakuya lirova. Yahova yatuma

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Nahum 1:3

Yahova siavugula vutima vwangu mba, navuzwa aveeye ni zinguru zinene ligali, kandi sialekaa vandu vadamanu kuzia vugira konyoora mageri mba. Havundu ha Yahova agendaa, kiihi kandi kihuzuzi viveeye ho; malesi gaveeye luguchi lutulaa mu vilenge vivie!

Matayo 24:31

Naye alatuma zingelosi veve ni kisiriva chu mwoyo munene, navo valavungiza avatovole veve vatuli zimbega zine ziosi zie lirova, kutura ku keheri yiki kuduuka ku keheri kindi chi lirova.

Kwidzulitsa 5:5

Inzi ndaasingira hagati ha Yahova ni munyi ku ing'inga yeyo kumuvolera aga Yahova yaali navooye kigira mwatia muliru na si mwali munyala kwanigira ku kiguru mba. “Yahova yavoola,

Vahebraina 12:21

Havundu yaho haali hukutihiza ligali, kuduuka kali Musa navoora, “Kandi mbeeye nuvuti.”

Likunula 1:10

Ndaali mu Roho ku lidiku liu Mwami, ni mbulira mwoyo munene inyima wange kuli kisiriva,

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”

Likunula 4:5

Ling'ereng'ana lio oloheni, imioyo ja avandu harara ni lihirigana lie zinguba, viahulirika kutura kondeve yu vwami yeyo. Izitaaya saba ziu muliru ziaka imbiri wendeve yu vwami. Izitaaya yizio ziveeye Roho saba va Nyasaye.

Likunula 8:5

Engelosi yavugula ikituva, niyizuliza ku muliru kutura ku vwali ma naakisiuva ku lirova. Haali ho ni lihirigana lie izinguba, ni imioyo ja avandu izimbeni, kandi lidegera lie lirova.