Kutwula 18:8 - KITABU KITAKATIFU

⁸ Musa yavolera Jezero vindu viosi via Yahova yaali nakoleye Mwami harara na vandu va Egebeti aduuki kosoola vandu va Isiraeli. Yamuvolera kandi uvudinyu vwa avandu vanyoola kunzira kandi kuli Yahova yavahonyia.

Kutwula 18:8 Iomraidhean Croise

Litanga 44:34

Inzi nyara ndi kwirana ku baba wange muyaayi wiitu nataveeye na inzi? Mbeeye nuvuti kolola kivi kimanyaa kiduuki ku baba wange.”

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Zaburi 106:10

Yavahonyia kutura ku yavo avavadunyiraa; yavahonyia kutura ku vasigu vaavo.

Zaburi 106:8

Navuzwa yavahonyia kuli yaali niyavasuuviriza. Kunangwa vaduuki kumanyia zinguru zizie zinene.

Zaburi 107:2

O, munyi mwosi ava Yahova yahonyia, mwiranili kovora amakuva yaga, mu lizominya Yahova, umali kumuhonyia kutura ku vasigu vinyu,

Zaburi 66:16

Avandu vosi avasigamiraa Nyasaye, hambi muhuliri, na inzi ndamuvolera goosi aga amali kongolera.

Zaburi 81:7

Lwa waali mu vudinyu, waanira ku inzi na ndakohonyia. Ndakutivulira lisaala liilio kutura havundu hange hukwivisa mu kihuzuzi nizinguba. Ndaakogeriza ha vidaho via Meriba.

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Kutwula 15:6

“Mukono gugwo mulungi, O, Yahova, goveeye nizinguru. Guvunaganyia avasigu mu vidonye.

Kutwula 16:3

ni vavavolera, “Vwali vove vulahi Yahova alakwitira mu Egebeti. Uwene yeyo kwaali kwakikaaye hasi nukulia zinyama ni viukulia vindi vinyingi. Navuzwa munyi mukoleti mu changalangwi yiki kwosi kukuziri mu ninzara?”

Kutwula 18:1

Kunangwa Jezero, musaalisi wa Midiani, navizara wa Musa, yahulira goosi aga Nyasaye yakolera Musa kandi avandu va Isiraeli ulwa yaavimilira kutura Egebeti.

Kutwula 2:25

Nyasaye yalora linyang'ana lia vandu va Isiraeli mu vutugwa kandi yavahendera mwoyo.

Kutwula 23:23

Engelosi wange alimiira imbiri wenyu nukumuhira mwingiri mu kivala cha vandu va Amori, Hiti, Perizi, Kanaani, Hivi, na Jebusi, na ndavadiviza ligali.

Kutwula 4:23

Ndaakovolera oleke mwana wange muyaayi azie, ku aduuki kusigamira, navuzwa ivi wasuula. Kalunu Inzi nziza kwita mwana woovo muyaayi wukutanga.’ ”

Kutwula 7:4

Mwami sialamuhulira mba, maku ndahana mageri ku vandu va Egebeti nokoleta maduywa malulu kuvo, kandi ndatuliza zihiiri ziange, avandu vange, avana va Isiraeli mukivala cha Egebeti nilikalaga linene.

Kutwula 7:5

Maku vandu va Egebeti valamanya ndi inzi mbeeye Yahova, lwa mbana mageri kuvo kandi ndulizi vandu va Isiraeli mu kivala chavo.”

Livalidza 20:14

Musa yatuma vatumwa kutura Kadeshi kuzia ku mwami wa Edomu, ni vavoola, “Yaga na mang'ana kutura ku vamiitu vinyu, avandu vihiiri ya Isiraeli. Mumanyi vudinyu vwa kwasalira,