Kutwula 18:20 - KITABU KITAKATIFU

²⁰ Kuduuka uvigizi amalago ga Nyasaye nukuvavoolera kuli vanyara komenya nichavaduukanaa kokora.

Kutwula 18:20 Iomraidhean Croise

Zaburi 143:8

Unzizulizi vuli mugambazuri makuva kigira uvuyanzi vuvwo vwa kazozo vuli mugambazuri. Kigira inze mbikaa lisuuvira liange mu ivi, kandi masaala gange ganigiraa ku ivi; umanyie inzira ya nonda ku.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Kutwula 18:16

Lwa avandu vaviri vamali kuvitaana, vazaa ku inzi, na Inzi ngalaga nukuvavoolera ni uliha kuvo oveeye mulungi, kandi mbavooleraa malago na amigizu ga Nyasaye.”

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Jeremia 42:3

Ukusaaliri ku Yahova Nyasaye wiitu akumanyie zinzira ziduukanaa kolonde ku kandi vindu viduukana kokole.”

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Ezekieli 3:17

Yavoola, “Mwana wu Mundu, Inzi ngokoraa musikari ku ihiiri ya Isiraeli. Ivi ulavavolera amiganihizu gangovolera.

Mika 4:2

na avandu vaavo valavoora, “Gendi kuzie igulu ku kiguru cha Yahova, mu Litembeli lia Nyasaye wa avandu va Isiraeli. Kigira Nyasaye alakwigiza agayenya kunyi kokole; kulageenda mu zinzira ziayakotovolera. Kigira amigizu ga Yahova gaturaa mu Lidaala linene lia Jerusalemi; amolomaa ku avandu veve kutura ziyoni.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Marko 13:34

Gaiakave kuli umundu utura hango hehe azia mu logendo ma alekera avatumikiri veve uvunyali, sa mulala numuyinzi gwigwe, kandi avooreraa umulindi wi kiliango alindi vulahi.

Kwidzulitsa 1:18

Ku ing'inga ndala nzere ndaamuha amakuva goosi agadukanaa munyi mukore.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:5

“Henza, inzi mali kumwigiza amalago goosi kuli Yahova Nyasaye wange yandaga ngole. Mugalonde mu kivala cha muveeye ahimbi kwingira nokukivugula.

Kwidzulitsa 5:1

Musa yalanga harara avandu vosi va Isiraeli navavoolera, “Avandu va Isiraeli, muhuliri amalago goosi aga muheezaa kalunu. Mugiingi kandi mulole ndi mugalondi.

Kwidzulitsa 5:27

Musa, yirana uzie yo kandi uhuliri goosi ga Yahova Nyasaye wiitu avoora. Maku wirane yinu okovolere goosi aga Yahova Nyasaye wiitu akovoleraa. Kulahulira nukugalinda.’

Kwidzulitsa 7:11

Kunangwa kalunu muhuliri malago goosi aga mwigizwa. Muhuliri malago goosi aga inzi mali kumuha kalunu, nukugakola.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.