Kutwula 18:11 - KITABU KITAKATIFU

¹¹ Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.”

Kutwula 18:11 Iomraidhean Croise

1 Avami 17:24

Mukunzakali oyo yativura, “Kalunu ndakamanya ndi ivi oveeye mundu wa Nyasaye, kandi Yahova amolomaa ligali kuvitira mu ivi!”

2 Avami 5:15

Naamani na vandu veve vosi virana ku muporofeti Elisha. Yavoola, “Kalunu ndakamanya ndi sihali ho na nyasaye wundi navuzwa Nyasaye wa Isiraeli yeng'ine. Kunangwa, mwaza, yaanza vugilira kihanwa chu kuyanziza kutura ku inzi mutumikiri woovo.”

1 Kyetsinyinga 16:25

Yahova aveeye munene, kandi yizominywe ligali. Ahevwe luyali ligali kuvita avanyasaye vandi vosi.

2 Kyetsinyinga 2:5

Saaviraa kwumbaka Litembeli linene ligali, Kigira Nyasaye wiitu aveeye munene ligali kuvita munyasaye wundi woosi.

Nehemia 9:10

Ivi wakola vilolekizu viokogenyia ku mwami wa Egebeti, ku vatumikiri veve kandi ku avandu vi kivala chiche, kigira wamanya kuli vadambiza avandu vovo. Ivi wahevwa ilieta liuluyali lia ukikiri nalio kuduuka kalunu ndi.

Nehemia 9:16

Navuzwa avaguuga viitu vigingiraa kandi vaali avamagoti madinyu ligali, kandi nivasuula kuhulira amalago googo.

Nehemia 9:29

Ivi waviganihiza vaatia amigizu googo, navuzwa vigingira kandi nivavula kuhulira malago googo. Vakora uvwoni ku malago googo, agahana livamwoyo niva umundu alagalinda. Mu liegingira liavo nilindinya magoti gaavo vasuura.

Zaburi 119:21

Ivi ogondokera avigingiri; leka yavo avatahuliraa malago googo valaamwe.

Zaburi 135:5

Inzi manya ligali ndi Yahova wiitu aveeye munene, aveeye munene ligali kuvita avanyasaye vosi.

Zaburi 31:23

Muyanze Yahova, munyi avatakatifu mwosi; Yahova akingaa avasuuvirifu veve, navuzwa ahaanaa amageri ku yavo avigingiri kuli gavadukiraa.

Zaburi 95:3

Yahova aveeye Nyasaye munene ligali; aveeye mwami munene ligali igulu ku vanyasaye vosi.

Zaburi 97:9

Yahova Nyasaye Wuvunyali, oveeye mwamihi wi Lirova liosi; Ivi oveeye munene ligali kuvita avanyasaye vandi vosi.

Kutwula 1:10

Niiva vulwani vulakwingila, valahambana navasigu viitu vakulwaane ma viiruki kutura mu kivala chiitu. Gakuduukiraa konyoole inzira yukuvigalira vavuli komeedeka.”

Kutwula 1:16

“Lwa mukonyaa avakali Vaheburaina, nivanyoora avana, niiva aliivula mwana muyaayi, mumwiti, naveeye mukaana, muleke ave mwoyo.”

Kutwula 1:22

Maku Mwami yalaga avandu veve vosi, navavoolera, “Vuli mwana muyaayi Muheburaina wivulwa kuduuka asiuvwi mu mugera gwa Naili, navuzwa muleke avana vakana vave mwoyo.”

Kutwula 10:3

Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira.

Kutwula 12:12

“Vudiku yivwo ndavitira mukivala cha Egebeti, nukwita kindu kisaza choosi chukutanga mu liivulwa, ku vandu kandi ku mitugu, nukuhaana mageri ku vanyasaye va Egebeti. Inzi mbeeye Yahova.

Kutwula 14:18

Lwambaguuta, avandu va Egebeti valamanya ndi Inzi mbeeye Yahova.”

Kutwula 14:8

Yahova yadinyia mwoyo gwu Mwami, nalonderera vandu va Isiraeli, avaari nivaturaa Egebeti kuli avaguuti.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 5:2

Na Mwami wa Egebeti yateeva, “Yahova nivwaha, Inzi nduki kumuhulira nukuhaana munwa ku vandu va Isiraeli vazie? Inzi simanya Yahova; kandi sindaleka Isiraeli kuzia.”

Kutwula 5:7

“Muleke kuhaana ku avandu vunyasi vwokolomba amadafali kuli maziambiri. Muleke vazie kweyenya aveene.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Livalidza 33:4

Ing'inga yiyi vandu va Egebeti vaali ni vayavira vana vaavo avayaayi vukutanga va Yahova yaali namali kwita. Yahova yakola yaga kumanyia ndi aveeye ni zinguru kuvita vanyasaye va Egebeti.

Luka 1:51

Akoli vindu vie zinguru nu mukono gwigwe: Usalanyi avigingiri mu zing'anagani zie mioyo jaavo.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

1 Samweli 2:3

Lekera lieyizominya, leka limoloma liilio liu kwigingira. Kigira Yahova aveeye Nyasaye oveeye nilimanya, kandi akalagaa vindu viosi via vandu vakora.