Kutwula 18:1 - KITABU KITAKATIFU

¹ Kunangwa Jezero, musaalisi wa Midiani, navizara wa Musa, yahulira goosi aga Nyasaye yakolera Musa kandi avandu va Isiraeli ulwa yaavimilira kutura Egebeti.

Kutwula 18:1 Iomraidhean Croise

Zaburi 105:43

Kunangwa yaatuliza avandu veve vatovole mu kivala yicho, kandi viimba nivahanzuka kigira uvusangari.

Zaburi 105:5

Mwizurizi vikolwa viokogenyia viamali kokora; mwizurizi vilolekizu vivie kandi likalaga lia yakalaga,

Zaburi 106:2

Nivwaha unyala kovora vikolwa viosi vinene viamali kokora? Anoho nivwaha unyala kumwizominya kuli gaduukanaa?

Zaburi 34:2

Ndamwizominya ku goosi agaamali kongolera, vosi avadambizwa vahuliri kandi vasangale!

Zaburi 44:1

O, Nyasaye, kunyi kwa huliriza ligali na amatu giitu kutura ku avaguuga viitu, amakuva gi vindu viokogenyia viawakola mu ing'inga yaavo ya kale.

Zaburi 78:4

Sikulavivisa ku avana viitu mba; kulavolera likula lizaa amakuva gi zinguru zia Yahova ni vikolwa vivie vinene, kandi ivindu viokogenyia via mali kokora.

Kutwula 2:16

Musaalisi wa Midiani, Jezero, yaali na avakaana saba vaza kudaha amazi nivizuliza miliinga ja vanwehiziraaku mitugu ja baba wavo.

Kutwula 2:18

Lwa virana yengo, baba wavo Jezero, yavateva, “Kigira ki mwilani vwangu kalunu?”

Kutwula 2:21

Kunangwa Musa yavugilira komenya yo, na Jezero yaaha Musa mukaana weve Zibora kuva mukali weve,

Kutwula 3:1

Lidiku lilala Musa yaali ni yaya amagondi ni zimburi zia navizara weve Jezero, musaalisi wa Midiani yimilira chayo zana kuvitira imadioli wi ichangalangwi, kandi naduuka ku kiguru cha Sinai, ekeveeye kiguru kitakatifu cha Nya Nyasaye.

Kutwula 4:18

Maku Musa yirana ku Jezero, navizara weve, namuvolera, “Mwaza nuyanza ndeka nzirane ku aviiko vange avaveeye mu Egebeti ndore niiva vakikiri mwoyo.” Jezero yamuvugilira nazia nimirembe.

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Jeremia 33:9

Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Zekaria 8:23

Mu madiku yago, vasaza 10 kutura muvivala vigeni valakaze ku Muyuda mulala no kovora, ‘Kwenya komenye harara na vandu vovo, kigira kumali kuhulira ndi Nyasaye aveeye harara nimunyi.’ ”

Livalidza 10:29

Kunangwa Musa yavolera mukwasi weve Hobabu muyaayi wa Jezero kutura Midia, “Kunyi koveeye ahimbi kutanga ologendo kuzia mu kivala cha yahova yavoola, alakihaana ku kunyi. Hamba kuzie harara nive kulakokolera vulahi. Yahova umali kulaga vindu vilahi ku vandu va isiraeli.”

Vikolwa 14:27

Lwa vaduuka Andiokia vavuganyia likanisa lia ahene yaho, nivavavoolera amakuva gi vindu viosi via Nyasaye yakola harara navo, kandi kuli yigulira avandu vi Zihiiri zindi kiliango chu kwingira mu lisuuvira.

Vikolwa 15:12

Kiduma choosi chakiring'ana; nivahuliriza Baranaba na Paolo nivivalanga vilolekizu ni viokogenyia via Nyasaye yakola kuvitira muvo na amakono gaavo mu avandu vi Zihiiri.

Varumi 15:18

Ndakaluviliri kovora kindu kindi choosi ni kitali vuzwa cha Kristo Yeso yakola kuvitira mu inzi kwimilira vandu vizihiiri vaduuki kuhulira Nyasaye. Yakola ndio mu makuva nu mu vikolwa,

Joshua 2:10

Kumali kuhulira kuli Yahova yuminya inyanza inzakanyu imbiri winyu lwa mwaali nimutulaa Egebeti. Kwamala kuhulira kuli mwita Sihoni na Ogu, avami vanene va vandu va Amori vaviri Ivugwi wu mugera gwa Jorodani.

Joshua 9:9

Kunangwa vamuvolera ulugano yilu: “Kunyi kutuli mu kivala chihale ligali, Omwami, kigira kumali kuhulira amakuva ga Yahova Nyasaye winyu. Kumali kuhulira amakuva gi vindu viosi via yakola mu Egebeti,

Vakalagi 1:16

Ivisukulurwi viu Mukeni, guuga wa Musa, vazia kutura Jeriko mu lidaala lie misaala ja makindu, harara na vandu va Yuda, kuzia Muligendanyama lie Vuyuda, iliveeye kolovega lwi savaalu, ahimbi na Aradi; na vazia komenya hagati ha vandu vamaleki.

Vakalagi 4:11

Ing'inga yene yeyo Heberi Mukeni yaali niyumbaka lihema lilie himbi na Kedeshi ha Zananimu. Yaali niyaang'anya kutura ha Vakeni vandi vamenya, kutura ku avana va Hobabu, umukwasi wa Musa.