Kutwula 17:2 - KITABU KITAKATIFU

² Kunangwa avandu vililira ku Musa ni vavoola, “Okohe amazi kunwi.” Musa yavativulira, “Kigira ki munyi mudulaa? Kigira ki mugerizaa Yahova?”

Kutwula 17:2 Iomraidhean Croise

Zaburi 106:13

Navuzwa vivilira vwangu cha Yahova yaali naakori; na sivalindilira konyoora zing'anagani kutura kuye mba.

Zaburi 106:14

Navuzwa vizura likayirwa linene lie chukulia mu changalangwe, ma nivageriza Nyasaye.

Zaburi 78:18

Vasavira ligali kogeriza Nyasaye mu mioyo jaavo, ku liteeva vahevwe viukulia kuzinguru via vakayirwa kulia.

Zaburi 78:41

Vageriza Nyasaye kase na kase, Nivaleeta vuzunu vululu ku Nyasaye Mutakatifu wa Isiraeli.

Zaburi 78:56

Navuzwa avandu va Isiraeli vibaara ku Nyasaye Wuvunyali, kandi nivamugeriza. Sivahulira malago geege mba.

Zaburi 95:8

“Mutadinyia magoti ginyu mba, kuli avaguuga vinyu vaakora ha Meriba, kuli vaali ku lidiku yilio muchangalangwe na Maasa.

Zaburi 95:9

Wene yeyo, vamimbiika mu magerizu kandi ni vangeriza, kali niiva vaali nivaloli aga ndavakolera.

Kutwula 15:24

Avandu vililira ku Musa nivateeva, “Kulanwa ki?”

Kutwula 16:8

Maku Musa yavoola, “Ni Yahova ulimuha inyama ya mulia hamugorova kandi migadi josi kuli mwenya lidiku lia mugamba, kigira umali kuhulira lielilira lienyu. Lwa mwiliriraa ku kunyi, mwiliriraa ku Yahova.”

Kutwula 17:7

Havundu hazana halangwa Maasa na Meriba, kigira avandu va Isiraeli vililira kandi vageriza Yahova lwa vateva, “Yahova aveeye nikunyi anoho mba?”

Kutwula 5:21

Kandi vaavoolera Musa na Haruni ndi, “Yahova alole munyi ma amukalagiri! Munyi mumali kokora kunyi kufunyi vugundu imbiri wu Mwami na vatumikiri veve vosi kandi vagumiyi vivavi mu makono gaavo kukwita.”

Isaya 7:12

Ahazi yativura, “Inzi sindateeva kelolero mba. Sindageriza Yahova mba.”

Malaki 3:15

Kuli kololaa, vandu vaveeye ni lielola nivo vaveeye nu vugasu. Avandu vadamanu sivanyoola vuzwa vutugi mba, navuzwa vageriza liekuzira lia Nyasaye mu vikolwa viavo vidamanu ma vahononoka.’ ”

Livalidza 14:2

Vililira ku Musa na Haruni nivavoora, “Vwali vove vulahi kunyi kukuzira mu Egebeti noho kukuzira hano mwigendinyama!

Livalidza 14:22

siaveeyeho mundu kali mulala ku vandu yava uliduuka mu kivala yiki mba. Vamali kolola uvukumi vwange kandi vilolekizu viange via ndaakola mu Egebeti kandi mu changalangwi, navuzwa vamali kogeliza liekuzira liange haali kanyingi kandi vasuyi kumbulira.

Livalidza 21:5

Vahing'ana na Nyasaye harara na Musa nivatanga kwigana, “Kigira ki mwakutuliza mu Egebeti kukuziri mwigendanyama, mutaveeye ni chukulia na mazi? Sikuyaanzi viukulia vidamanu yivi mba!”

Matayo 4:7

Yeso yamuvolera, “Kandi gang'odwa, ‘Utageriza Mwami, Nyasaye woovo mba.’ ”

Luka 15:12

Uwaali mukekeeke kuvo yavolera baba weve, ‘Baba, mbe miandu jange.’ Baba wavo yavagavulira miandu jije.

Luka 4:12

Navuzwa Yeso yamutivulira, “Gang'odwa mu Mang'oda Matakatifu, ‘Utageriza Mwami Nyasaye woovo mba.’ ”

Vikolwa 15:10

Kunangwa kigira ki kalunu mwenya kogeriza Nyasaye ku lidwika vandu avasuuviraa yava umusigo ku migongo, kali ugwa vaguuga viitu, anoho kunyi vene sikunyala kuginga kali hakuzu?

Vikolwa 5:9

Navuzwa Petero ya muvooleraa, “Kigira ki ivi numusaza woovo mutovooye kogeriza Roho wu Mwami? Henza! Avandu vaziyi kuyavira musaza woovo vaveeye ha kiliango, navo valakuginga nu kukuhira ichova.”

1 Vakorintho 10:9

Kutageriza Mwami kuli valala kuvo vamugeliza ma niviitwa ni zinzoka mba.

Kwidzulitsa 6:16

“Mutagelizi Yahova Nyasaye winyu, kuli mwamugelizira ha Maasa mba.

Kwidzulitsa 9:22

“Munyi kandi mwavihiliriza Yahova Nyasaye winyu lwa mwaali ha Tabera kandi ha Maasa kandi ha Kibirozi Hatava.

Vahebraina 3:9

Nyasaye avoora, vababa vinyu vambiika ku kegero kandi nivangeriza, kali niiva valora miyinzi jange ku mihiga arubaini.

1 Samweli 8:6

Samweli si yayanzizwa ni liteeva liavo liu kwenya mwami mba; ku yasaala ku Yahova,