Kutwula 16:23 - KITABU KITAKATIFU

²³ naye yavavolera, “Yahova umali kulaga ndi, mugamba ni lidiku litakatifu liokososa, liviikiywi halovega kigira ye. Mwuminyi kalunu cha mwenya kwuminya kandi mudeeke cha mwenya kodeka. Choosi ikitigala kiviikwi halovega kuduuka mugamba.”

Kutwula 16:23 Iomraidhean Croise

Nehemia 9:13

Ivi wiika kutura mwigulu ha kiguru cha Sinai; ivi wamoloma ku avandu vovo, kandi nuvaha malago malahi namigizu guvulamu agaveeye guvulungi kandi agiligali.

Nehemia 9:14

Ivi wavigiza kulinda lisabato liilio litakatifu limanyikane kuvo; kandi nuvaha malago, imiima namigizu kuvitira mu mutumikiri.

Kutwula 16:19

Musa yavavolera, “Mundu woosi ataleka ku kitigale kuduuka mugamba mba.”

Kutwula 23:12

“Mulayinzira ku madiku sita ku lisiza, navuzwa mutayinziri ku lidiku lia saba mba, kunangwa avatugwa vinyu kandi avageni vamuyinziriraa, kali mitugu jinyu jiduuki kososa.

Kutwula 31:15

Muveeye na madiku sita gokokola miyinzi jinyu, navuzwa lidiku lia saba lilava lidiku linene liatakasirwa inzi Yahova. Mundu woosi okola miyinzi josi ku lidiku yili, adukanaa yiitwi.

Jeremia 17:22

anoho vataginga kindu kali kilala kutura mu zinyumba zienyu ku lidiku lie Lisabato mba. Vatakola muyinzi gwosi ku lidiku lie Lisabato mba; navutswa valikole kuva Lidiku Litakatifu, kuli ndaalaga avaguuga vaavo.

Kyavalevi 23:3

Muveeye namadiku sita gamukolera mu miyinzi; navuzwa lidiku lia saba liveeye Lisabato liveeye lidiku liokososa lidiku yili. Mutakoli muyinzi kali mulala mba; navuzwa muvugane harara kusigamira inzi Yahova. Lisabato liveeye lia Yahova hoosi ha muva nimumenyi.

Livalidza 11:7

Mana yaga gaaleng'anaa nuvuguza vwo volo, na galoleka kuli ihura.

Livalidza 11:8

Avandu va Isiraeli vazizaa himbi nivavungiza mana yaga. Vagasiera ku zing'ina, kandi nivagaduyira mu vinu; ma nivagadeekera mu zinyingu; ma nivalomba uvuchima kugo. Ovonolu vwago vwali kuli lizazama lie kindu kikarangiziywi na maguta ga muzeituni.

Luka 23:56

Kunangwa virana yengo, nivalomba vindu viafunya umwayu kandi maguta gu mwayu kigira muviri gwa Yeso. Ku lidiku lie Lisabato, vahonga kuli Lilaga lialaga.

Kwidzulitsa 5:12

“Mulindi lidiku lie Lisabato no kulikola live litakatifu. Kuli Inzi Yahova Nyasaye winyu mali kumulaga.

Likunula 1:10

Ndaali mu Roho ku lidiku liu Mwami, ni mbulira mwoyo munene inyima wange kuli kisiriva,