Kutwula 16:15 - KITABU KITAKATIFU

¹⁵ Lwa vandu va Isiraeli vakelora, sivakimanya mba, na vateevana aveene na aveene, “Ni kindu ki yiki?” Musa yavavolera, “Yiki keveeye chukulia cha Yahova amali kuhana ku munyi mulie.

Kutwula 16:15 Iomraidhean Croise

Nehemia 9:15

“Lwa vaali ninzara, wavaha mugadi kutura mwigulu, na lwa vaali nuvuluhu, wavaha amazi kutura ku lwanda. Ivi wavavolera vavuguli kivala icha waali nuwavasuuviriza ndi ulavaha.

Nehemia 9:20

Muvuyaanzi vwuvwo vulahi wavavolera agadukanaa vakole; Ivi wavaha imaana valie kandi wavaha amazi vanwi.

Zaburi 105:40

Vateva inyama naye yavaletera zisindu. Yavaha migadi kutura mwigulu niviguta.

Zaburi 78:24

Yavaha uvuswage kutura mwigulu, kandi natuma imaana kuli imbura vaduuki kulia.

Kutwula 16:31

Avandu va Isiraeli valanga chukulia zana mana. Chafwanana kuli uvuguza vokekeeke uvulavu, vwali kuli visikuti vialombwa nu vwuki.

Kutwula 16:33

Musa yavolera Haruni, “Vugula isiongo na uviiki mu zilita ziviri ziemaana, na ugiviki imbiri wa Yahova ivikirwi visukululwi vietu.”

Kutwula 16:4

Yahova yavolera Musa, “Henza, kalunu nziza kumuletera viukulia kutura mwigulu kuli imbura. Avandu kuduuka vatuli ichova vuli lidiku kuvungiza viukulia viduukana nilidiku yilio. Mu liiva yili ndavageriza ndore niiva valalonda amalago gange.

Tsing'ano 9:5

“Muuzi, mulie chukulia change kandi munwi iwaini yamali kuzuganyamu mudarasini.

Livalidza 21:5

Vahing'ana na Nyasaye harara na Musa nivatanga kwigana, “Kigira ki mwakutuliza mu Egebeti kukuziri mwigendanyama, mutaveeye ni chukulia na mazi? Sikuyaanzi viukulia vidamanu yivi mba!”

Luka 12:30

Yago goosi nigo aganyangizaa avandu vosi avatamanyi Nyasaye. Baba winyu amanyi ndi mwenya vindu yivi.

Yohana 6:49

Avaguuga vinyu valia imaana mwigendanyama, navuzwa vaakuza.

Yohana 6:58

Maku, yigu nigwo mugadi gwatura mwigulu; sigoveeye mugadi gwa avaguuga vinyu valia nivakuza mba. Uyu ulia mugadi yigu alava ni livamwoyo litahera mba.”

1 Vakorintho 10:3

Vosi valia chukulia kilala chere cha roho,

Kwidzulitsa 8:16

Muchangalangwe, yauha imaana mulie, ichukulia cha avaguuga vinyu vavura kulia ku kali hakuzu. Yaleeta uvudinyu ku munyi aduuki kumukola mwegehizi kandi kumugeriza, kunangwa mu limalirika aduuki kumugaasiza nivindu vilahi.

Kwidzulitsa 8:3

Yamukola muve ninzara, ma kandi naamuliihiza imaana, chukulia cha munyi anoho avaguuga vinyu, vavura kulia ku maziambiri. Yakola yaga kumwigiza ndi mundu sianyala kuva mwoyo kigira chukulia chieng'ine mba, navuzwa ku likuva lilala litulaa ku Yahova.

Vahebraina 9:4

Mu Lihema yimwo mwaali mu nuvwaali vwi zahabu vwu kusambira ku kimuli kandi mwaali mu ni Lisandugu lie Lilagana liakunikwa ni zahabu. Lisandugu yilio liali mu nijuba yizahabu nayo yaali mu nimaana, kandi ni imbimbu ya Haruni yasivuka amatu, ni Vibaho viamagina viviri via malago gang'odwa ku.

Joshua 5:12

Imaana yalekera kugwa lidiku lialonda ku, na vandu va Isiraeli sivanyoola imaana kandi mba. Kutura ing'inga yene yeyo kudura kalunu, valia chukulia ichataagwa mu Kanaani.

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.