Kutwula 15:22 - KITABU KITAKATIFU

²² Maku Musa yimilira avandu va Isiraeli kutura kunyanza Nzakanyu nivingira mu changalangwi cha Shuri. Ku madiku gavaga vagenda kuvitira mu changalangwi, navuzwa sivanyoola amazi mba.

Kutwula 15:22 Iomraidhean Croise

Litanga 16:7

Engelosi wa Yahova yanyoora Hagari ha kisinukiru cha mazi mwigendanyama kunzira izizaa Shuri

Litanga 20:1

Aburahamu yazia kutura Mamure kuduuka mukivala cha Kanaani, namenya hagati ha Kadeshi na Shuri. Yazia kandi komenya mu Gerari.

Litanga 25:18

Visukululwi via Ishimaeli viamenya hagati hi vivala via Havila na Shuri, ahimbi nulwako lwa Egebeti kuzia kolovega lwa Asiria. Vamenya mulivula kuhulirizana na vamwavo vaavo vosi.

Zaburi 136:16

Yimilira avandu veve kuvitira mu changalangwe; kigira uvuyanzi vwivwe vuhindiraa mihiga ni mihiga.

Zaburi 77:20

Ivi wimilira avandu vovo kuli mwayi wi chayo cha magondi, kandi watovola Musa na Haruni kuva vimiliri vaavo.

Zaburi 78:52

Maku, yimilira avandu veve nivatura kuli mwayi wa magondi, kandi naavimilira kuvitira mu changalangwe.

Zaburi 78:53

Yaavimilira mu mirembe vulahi, na sivaatia mba; navuzwa inyanza yaza nikunika avasigu vaavo.

Kutwula 17:1

Avandu vosi va Isiraeli vaatura mu changalangwi cha Sini, nivageenda kutura havundu harara kuduuka ahandi kuli Yahova yavalaga. Valomba lisosa liavo ha Refidimu, navuzwa sihaali ho na amazi gukunwa mba.

Kutwula 3:18

“Avandu vange valahulira agu vavoola. Nahene yaho ulazia na aviimiliri va Isiraeli ku Mwami wa Egebeti na omuvoolele, ‘Yahova, Nyasaye wa Avaheburaina, uvuuliki umwene kukunyi. Kalunu mwaza, kuvugiliri kuzie mwigendanyama ku madiku gavaga kuhaana visiuviliru ku Yahova, Nyasaye wiitu.’

Livalidza 33:8

Vaatura Pi Hahirozi nivavitira mu inyanza inzakanyu ni vazia muchangalangwe cha Shuri lwavagenda ku madiku gavaga vaduuka hokososa ha Mara.

1 Samweli 15:7

Saolo yaguuta vandu va Maleki, nalwaanaa navo hoosi kutura Havila kuduuka Shuri, liveeye Ivugwi wa Egebeti;

1 Samweli 27:8

Ku ing'inga yeyo yoosi, Daudi na vandu vasaza veve avingiliraa vandu va Geshuru, Girizi, kandi Amaleki, avamenyaa mu kivala yicho kale ku ing'inga indambi. Yaali anyala kwingilira kivala chavo kali kuduuka Shuri, kandi kuduuka Egebeti,