Kutwula 15:14 - KITABU KITAKATIFU

¹⁴ Zihiiri zimali kuhulira, kandi zidegera nuvuti; avandu va Filisitia vaveeye nuvuti vonene ligali.

Kutwula 15:14 Iomraidhean Croise

1 Kyetsinyinga 14:17

Kunangwa luyali lwa Daudi lwalanda kuduuka muvivala viosi, na Yahova yakola vuli ihiiri kutia Daudi.

Zaburi 48:6

Uwene yeyo vatanga kodegera ligali kigira uvuti kandi vahulira uvuzunu kuli mukali oveeye mu lilumwa;

Zaburi 48:7

wa vadiviza kuli zimeri zia Tarishishi, agahunzulanywa nukuvunanywa ni imbuza yi kiihi kutura ivugwi.

Isaya 14:29

Munyi avandu va Filisitia, mutasangala kigira imbimbu imukuya imali kuvunika mba. Lwa enzoka indala ikuzaa, kihirigoma kiiza mu vogono vwayo. Kihirigoma yiki, kilatera livuyu limanya lialuri enzoka yu kuburuka nu muliru.

Isaya 14:31

O, munyi avandu vi lidaala linene lia Filisitia, mulire kandi mwanire ovokonyi! Uluguchi luzaa kutura Ivaale, oveeye iliihi litaveeye mu na vandu vataveeye nu vuti.

Isaya 23:5

Kali lwa vandu vi kivala cha Egebeti vahulira ndi Lidaala linene lia Tiro limali kudivizwa, valava ni ligenya kandi lihenda mwoyo.

Ezekieli 32:9

“Avandu vanyingi valahenda mwoyo lwandakakuhili mu lihaminywa hagati hi zihiiri, muvivala via ivi ukikiri kumanya.

Habakuk 3:6

Lwa asingilaa, kivala chinuyaa; mulihenza lilie, zihiiri zidegera. Vigulu via kale viatanywa; vigulu vie mihiga ni mihiga lieyinaa hasi, ha yagendaa mu zing'inga zia kale.

Habakuk 3:7

Ndaalora vandu va Kushani ni vatiiyi, kandi vandu va Midiani nivadegera.

Livalidza 14:14

valavoolera vandu vamenyi mu kivala yiki. Avandu yava vamali kuhulira ndi ivi, Yahova, oveeye harara ni kunyi; kandi ololekaa moni na moni lwa malesi googo gaveeye ku kunyi, kandi wimiraa imbiri wiitu mu munara gwi lilesi mung'inga yu muvasu kandi mu munara gwu muliru mu ing'inga yu vudiku.

Livalidza 22:5

yatuma vatumwa kuzia kulanga Balaamu muyaayi wa Beori, uwaali ha Pezori ahimbi nu mugera gwa Efurate mu kivala cha Amawi. Valeta makuva yaga kutura ku Balaki. “Nyenya umuvolere ndi, ihiiri enene yizi kutura Egebeti, avandu vayo vaziyi havundu hoosi kandi vatihiza ndi valavugula kivala chiitu.

Kwidzulitsa 2:25

Kutura kalunu kuzizagilira imbiri, ndakora avandu vosi havundu hoosi vamutie. Vuli mundu aladegera nu vuti ku litala lieta lienyu.’

Joshua 10:2

Avandu va Jerusalemi vagenya nukutia ligali ku makuva yaga, kigira Gibeoni liali lidaala linene ligali kuli lilala ku madaala manene agaali nu mwami; liali linene ligali kuvita Ayi, na avasaza valio vosi vaali avalwaani vizingulu avalahi.

Joshua 2:11

Kwaali nuvuti ligali nonoho lwa kwahulira amakuva yaga; kwosi kumali kogotiza uvuluviliri vwitu kigira munyi. Yahova Nyasaye winyu aveeye Nyasaye mu ligulu igulu kandi hano mu lirova.

Joshua 9:24

Vaativura, “Kwakora ndio mwami, kigira kwiga ndi gaali ligali agiligali Yahova Nyasaye winyu yaali niyamala kulaga mutumikiri weve Musa ahe munyi kivala yiki choosi kandi mwiti avandu vosi avamenyi mu lwa muzia imbiri kwingira mucho. Kwakora ndio kigira kwatihiizwa nimunyi ligali. Kwaali mu vuti vwi livamwoyo lietu.

Joshua 9:9

Kunangwa vamuvolera ulugano yilu: “Kunyi kutuli mu kivala chihale ligali, Omwami, kigira kumali kuhulira amakuva ga Yahova Nyasaye winyu. Kumali kuhulira amakuva gi vindu viosi via yakola mu Egebeti,

1 Samweli 4:7

vaali nuvuti ligali kandi vavoola, “Nyasaye umali kuuza hokososa haavo! Kunyi kuudivi! Kindu kuli yiki kikiri kwekoleka ku kunyi mba!

1 Samweli 4:8

Nivwaha unyala ku kohonyia kutura ku vanyasaye vizingulu yavo? Vaveeye avanyasaye viita vandu va Egebeti mu changalangwe na maduywa manyingi.