Kutwula 14:21 - KITABU KITAKATIFU

²¹ Musa yanyira mukono gwigwe kunyanza, kandi Yahova yakola inyanza niyiirana inyima harara ni imbuza enene yikivihiri kutura Ivugwi. Yahuuza uvudiku vwosi ma nigirung'anyia inyanza kugwa lirova liumu. Amazi gavukana,

Kutwula 14:21 Iomraidhean Croise

Litanga 8:1

Nyasaye yizuliza Nuhu na vandu vinyumba yeeye, harara ni zinyama ziosi ziu muvulimu, mitugu, vimolaa viosi, kandi amanyonyi goosi gu mu ligulu gaali harara na Nuhu mu liato. Yakola imbuza kuhuuza ku lirova, na mazi gageeha.

2 Avami 2:8

Maku Elija yaatuliza inguvu yu vusaalisi yeye nagilinga harara kandi nagikuya ku mazi, amazi gavukana na Elija na Elisha vaambuka kuzia ku luginga Lundi ku marova amuumu.

Nehemia 9:11

Ivi walombera avandu vovo inzira yu kuvitira ku mu inyanza hagati, kandi wavimilira kuvitira ku marova amuumu. Yavo avavalondelera vaahirwa mu luliva lwa mazi, kuli ligina lieyinaa mu inyanza enene yiviguvuli.

Ayubu 26:12

Nyasaye nizinguru zizie yakiring'anyia inyanza; kandi yadiviza Rahabu mu ovogeri vwivwe.

Ayubu 38:24

Inzira izizaa havundu hi liuva litulaa eveeye haliha? Anoho, imbuza yi kiihi kutura Ivugwi ihuuzaa kutura haliha?

Zaburi 136:13

Yavukanyia Inyanza Nzakanyu; kigira uvuyanzi vwivwe vuhindiranga mihiga ni mihiga.

Zaburi 148:8

Mwizominye munyi zimbeni niimbura ya magina, likonza na malesi; kandi zimbuza zie zinguru izihulira lilaga lilie.

Zaburi 66:6

Nyasaye yagilung'anyia inyanza nigwa kivala chumu, na avaguuga viitu vaambuka mugera ku virenge. Hene yaho kwasangala kigira ku goosi aga yakola.

Zaburi 74:13

Ivi waavukanyia inyanza kuzinguru zizio zinene; wasionolanyia imitwi ji miyoka minene ju mu inyanza.

Zaburi 78:13

Yavukanyia inyanza kandi naavavitizira hagati hayo; yalomba amazi gasingiri vulungi kuli madigi.

Kutwula 14:16

Ginga imbimbu yooyo igulu ogesone kunyanza. Amazi galaavukana, na vandu va Isiraeli valagenda kuvitira munyanza ku lirova liumu.

Kutwula 14:20

hagati ha vandu va Egebeti na Isiraeli, navuzwa nilihaana uvulavu ku avandu va Isiraeli, kunangwa amahi sigali ganyala kuva himbi nagandi goosi vudiku vwosi mba.

Kutwula 15:8

Wahuuza kunyanza, na amazi gavunga igulu ligali; gasingira igulu vulungi kuli lidigi; ululiva lwu musi ligali lwinyanza lwagwa ludinyu.

Kutwula 7:19

Yahova yavolera Musa, “Volera Haruni avuguli imbimbu yeeye kandi anyiiri mukono gwigwe agiviiki ku amazi gi migera jiosi notogera kali ku zinyanza na madavalia goosi mu Egebeti. Amazi galagwa amasahi, kandi kivala choosi kilava amasahi kali mu viju via magina.”

Isaya 23:11

Yahova umali kunyiira mukono gwigwe kunyanza nukwononyia uvwami. Umali kuhaana lilaga kwononyia havundu hu vukala mu Foenisia.

Isaya 43:16

Ku ing'inga yakale Yahova yalomba inzira kuvitira mu inyanza, inzira kuvitira mu viguvuli vinene.

Isaya 44:27

Inzi ngaminyaa zinyanza ku likuva liu kulaga vuzwa.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Isaya 51:10

Yaali ivi kandi uwakaminya inyanza, kandi nolomba inzira kuvitira mu mazi, kunangwa yavo avawaali nohonyia vaduuki kwambuka.

Isaya 51:15

“Inzi mbeeye Yahova Nyasaye woovo; uvuruganyiaa inyanza, nokokola viguvuli vihuumi. Lieta liange liveeye Yahova Wuvunyali!

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Isaya 63:13

uwavimilira kuvitira hagati hu luliva lwi inyanza? Kuli ibarasi inyagura mwigendanyama, si vikigitara mba.

Habakuk 3:8

Yahova, ni migera jagira ivi nuuva nu vutima? Yaali inyanza yagira nuuva nu vutima vululu? Wagenda ku malesi; amalesi gi kihuzuzi gaali amagare googo, lwa waleeta liguuta ku vandu vovo.

Vikolwa 7:36

Niyie wimilira avandu yava kutura mu Egebeti niyakamara kokora vilolekizu kandi viokogenyia mu kivala cha Egebeti, mu Inyanza Inzakanyu kandi mu changalangwi ku mihiga arubaini.

Joshua 2:10

Kumali kuhulira kuli Yahova yuminya inyanza inzakanyu imbiri winyu lwa mwaali nimutulaa Egebeti. Kwamala kuhulira kuli mwita Sihoni na Ogu, avami vanene va vandu va Amori vaviri Ivugwi wu mugera gwa Jorodani.

Joshua 3:17

Avasaalisi vagingaa Lisandugu lia malago gia Yahova vasingira vudinyu ku marova amuumu hagati hu mugera gwa Jorodani avandu va Isiraeli vavitira ho ku marova amuumu, kuduuka lwi ihiiri yoosi yambuka.

Joshua 4:23

Muvavoolere ndi Yahova Nyasaye winyu yamukaminyira amazi ga Jorodani ligali kuduuka lwa mwaali nimwakambuka, kuli yaali naakaminyi inyanza Nzakanyu kigira munyi.