Kutwula 13:17 - KITABU KITAKATIFU

¹⁷ Lwu Mwami wa Egebeti yaleka avandu vazie, Nyasaye siyavaleka vaziiri kunzira iyavitira ku lujinga lwinyanza kuduuka Filisitia mba, kali niiva yaali inzira inyimbi ligali ku ziosi. Nyasaye yaganagana ndi, “Inzi sindakenyi avandu vagirung'anyie zing'anagani ziavo nukwirana Egebeti mba, lwa valora ndi vazizaa kulwaana.”

Kutwula 13:17 Iomraidhean Croise

1 Avami 8:47

huliriza ku lisaala lia vandu vovo. Niiva wene yeyo mu kivala yicho valiganira nukusaala ku ivi, niviganira vwoni vwavo kandi vudamanu vwavo, hulira lisaala liavo O, Yahova.

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Kutwula 14:10

Lwa avandu va Isiraeli valora Mwami wa Egebeti harara niliihi linene lilie nivaazaa kuvo, vaadegera ligali nivaanira ku Yahova nu mwoyo gwosi avakonye.

Vikolwa 15:38

Navuzwa Paolo siyayaanza vazie na Mariko owaali navaleki kuzia Pamufilia, nasuura kusanga mu miyinzi jaavo.

Vikolwa 7:39

“Navuzwa avaguuga viitu vasuura kumuhulira. Vamusura, nivegomba kwirana Egebeti.

Kwidzulitsa 17:16

Mwami atava ni zibarasi zinyingi zie liihi lilie mba, kandi atatuma avandu Egebeti kuzia kugura zibarasi zimeedeke mba, kigira Yahova umali kovora ndi avandu veve vatirana yo kandi mba.

Kwidzulitsa 20:8

“Avanene vavasikali valameeda kovoolera avasikari vuvulwani: ‘Nivwaha oveeye nuvuti kandi nu mwoyo mudedekere? Nigaveeye ndio, kuduuka yirani yengo weve; Gase mioyo ja avamwavo veve jilakuza kuli mwoyo gwigwe.’

Kwidzulitsa 28:68

Yahova alamwilanyia Egebeti mu zimeri kali niiva yavoola ndi simulilana yo kandi mba. Uwene yeyo, mulageriza kwiguliza munyi aveene ku avasigu vinyu kuli avatugwa, navuzwa sihalavaho numundu woosi ulienya kumugula mba.”

Vahebraina 11:27

Kigira lisuuvira Musa yatura Egebeti vugira kutia vutima vwu mwami; siyirana inyima kigira yaali vuzwa mundu olola Nyasaye utalolekaa mba.

Vakalagi 7:3

Kulwayago, ulandiziri avandu vosi nivahulira, uvavoolere ndi, ‘Umundu woosi unyala kuva naveeye nuvuti yiirane yengo kutura mu kiguru cha Gileadi.’ ” Avandu izielefu sirini na mbiri viirana yengo na avandu izielefu likomi vaatigara.