Kutwula 13:16 - KITABU KITAKATIFU

¹⁶ Lilinda lilaga yili lilava chukwizuliziraku kuli kindu kevoheeywi ku makono giitu anoho ku vweni vwitu; kilakakwizulizi ndi, Yahova yakutuliza Egebeti kuzinguru zizie zinene.’ ”

Kutwula 13:16 Iomraidhean Croise

Nehemia 1:10

“O, Yahova, yava vaveeye avatumikiri vovo, avandu vovo. Ivi wavahonyia ni zinguru zizio.

Zaburi 136:11

Yimilira avandu va Isiraeli kutura Egebeti; kigira uvuyanzi vwivwe vuhindiraa mihiga ni mihiga.

Kutwula 12:13

Amasahi galiva kumaliva giviliango galakave kelolero chukumanyia zinyumba zia munyi mumenyi mu. Ulwandola amasahi, ndavita kumunyi vugira kumusaliriza ulwaamba nindivizaa vandu va Egebeti:

Kutwula 12:41

Lidiku liu kumalirika lie mihiga 430, zihiiri ziosi zia avandu va Yahova ziatula mu kivala cha Egebeti.

Kutwula 13:14

Mu zing'inga ziza, lwu muyaayi wowo alikoteeva icha makuva yaga gavoora, ulamutivulira ndi, ‘Yahova yatumikira zinguru zizie zinene kukutuliza mu kivala cha Egebeti, havundu ha kwaali avatugwa.

Kutwula 13:9

Yiki kilava kuli kelolero ku makono ginyu, kandi kuli lizuliza mu zimoni zienyu. Muzizagiliri kovora lilago lia Yahova, nukulisoma kigira umali kumutuliza mu Egebeti ni zinguru zizie zinene.

Kutwula 6:1

Maku Yahova yavolera Musa, “Kalunu uzizaa kolola icha nziza kokora ku Mwami wa Egebeti, Ndamuniga aleke avandu vange vazie. Mugiligali, ndamuniga avakungi vatuli mu kivala chiche.”

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Tsing'ano 6:21

Uhuliri amakuva gaavo, kandi ugaviiki mu mwoyo gugwo.

Danyeli 9:15

“O, Yahova Nyasaye wiitu wamanyia zinguru zizio lwa watuliza avandu vovo mu kivala cha Egebeti, kandi zinguru zizio zikizulizwa. Kwamala kokora uvwoni kandi kwamala kokora uvuchamu.

Matayo 23:5

Vakora imiyinzi jaavo josi avandu vavalore. Kigira vevoha imisibi mivambalaru ja mang'oda gi Lilaga gaveeye ku, ku vweni nu ku makono gaavo. Kandi vatambihizaa zingigiti zie zinguvu ziavo.

Vikolwa 13:17

Nyasaye wa avandu va Isiraeli yatovola avaguuga viitu navakola vave ihiiri enene lwa vamenya mu kivala cha Egebeti. Nyasaye yavatuliza mu ni zinguru zizie zinene.

Kwidzulitsa 11:18

“Mwizurizi amalago yaga na mugalindi vulahi. Mugavohe ku makono ginyu kandi ku vweni vwinyu gave chukwizulizira ku.

Kwidzulitsa 26:8

Kuzinguru zizie zinene kandi zinguru ziu kulwaana, yakohonyia kutura Egebeti. Yakola vilolekizu niviokogenyia, kandi naakora vindu viukutihiza.

Kwidzulitsa 5:15

Mwizurizi ndi mwaali vatugwa mu Egebeti, ma kandi, Inzi, Yahova Nyasaye winyu, ndaamuhonyia kutura yo ni zinguru ziange zinene. Yiki nicho kigira nimugulaga mulindi lidiku lie Lisabato.

Kwidzulitsa 6:21

Hene yaho mulavavolera ndi, ‘Kwaali avatugwa vu mwami wa Egebeti na Yahova yakohonyia ni zinguru zizie zinene.

Vakalagi 2:12

valeka kusigamira Yahova Nyasaye wa vaguuga vaavo, uwaali niyavaleeta kutura mu kivala cha Egebeti; vatanga kusigamira vanyasaye va vandu vaali ahimbi kuvo. Vaavinamira ni vakora Yahova kuva nu vutima.