Kutwula 12:48 - KITABU KITAKATIFU

⁴⁸ navuzwa mundu utaakevwa sianyala kulia ku mba. Niiva mugeni wamenya hagati hinyu naye yenya kusanga kulia Lipasaka kukuminya Yahova, mulataga kokeva avayaayi vosi vinyumba yeyo. Naye alavugulwa kuli mulala uwivulwa mu kivala chiinyu cha Isiraeli na alasaanga mu lilia lienyu.

Kutwula 12:48 Iomraidhean Croise

Litanga 17:11

Munyi mulakevwa kandi kilava kelolero chi lilagana hagati hange na munyi.

Litanga 17:12

Ku makura gaaza vuli muyaayi oveeye na madiku munane kuduuka akevwe, harara na vatugwa vivulwa munyumba yooyo kandi na vatugwa avaagulwa kutura ku vageni avataveeye avamasahi googo.

Kutwula 12:19

Mu madiku saba, amamera gatanyooleka ku mu zinyumba zienyu mba, kigira mundu woosi wa Isiraeli noho mugeni uva nalia kizuganyiywi mu na mamera, alatulizwa hagati ha avandu va Isiraeli.

Kutwula 12:43

Yahova yavolera Musa na Haruni, “Yaga nigo amalago gilipasaka: ‘Mundu mugeni wihiiri yindi’ sialalia ku chukulia chi Lipasaka mba,

Ezekieli 14:7

“Lwa mulala ku vandu va Isiraeli, anoho mulala ku vageni vamenyi mu Isiraeli agirung'ana kutura ku inzi nukusigamira vifananyi, maku vazia koteeva zing'anagani kutura ku vaporofeti, Inzi Yahova ndahaana mativuli kuye.

Ezekieli 44:9

“Kulwayago, Inzi Yahova Wuvunyali mboraa ndi, sialavaho mundu kali mulala utaveeye musuuvirifu omenyi hagati ha vandu va Isiraeli, anoho avulaho mundu kali mulala utatiza inzi, ulingila mu Litembeli liange mba.”

Ezekieli 47:22

Kilava mwandu gwinyu gwi mihiga ni mihiga. Avageni vamenyi mu munyi kandi avamala kwivulira avana hano, gavadukiraa vanyoore kedonye chavo chu mulimi lwa mugugavuranyia. Gaduukanaa muvakolere kuli avandu vi kivala cha Isiraeli kandi vakubi zikuura konyoora kedonye chu mulimi harara ni zihiiri zia Isiraeli.

Kyavalevi 19:34

Muvakolere kulia vandu va Isiraeli vache vinyu, muvayaanze kuli mwiyaanzaa vene. Mwizurizi ndi munyi kandi mwaali avageni mu kivala cha Egebeti. Inzi mbeeye Yahova Nyasaye winyu.

Livalidza 9:14

“Niiva mugeni woosi omenyi harara ni munyi aleenya kusangalira Lipasaka, gamudukira akole ndio kolondekana na malago gi Lipasaka. Galavaho malago malala ku vombi avageni kandi avandu vene kivala.”

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.