Kutwula 12:41 - KITABU KITAKATIFU

⁴¹ Lidiku liu kumalirika lie mihiga 430, zihiiri ziosi zia avandu va Yahova ziatula mu kivala cha Egebeti.

Kutwula 12:41 Iomraidhean Croise

Litanga 50:24

Yavolera avamwavo veve, “Inzi mbeeye ahimbi kukuza, navuzwa Nyasaye alamulinda. Alamutuliza mukivala yiki nukumuhira mukivala chayisuhizira Aburahamu, Isaka, kandi Yakobo.”

1 Avami 6:1

Inyima wi mihiga 480 kutura vandu va Isiraeli ni vatura mu kivala cha Egebeti, mu muhiga gwa kane gwu uvwamihi vwa Solomoni mu Isiraeli, mu mweli gwakaviri, umweli gwa Zivu, Solomoni yaatanga miyinzi jukwumbako Litembeli.

2 Kyetsinyinga 14:12

Maku, Yahova yaguuta liihi lia Ezopia imbiri wa Asa na imbiri wi liihi lia vandu vi Ivuyuda. Liihi lia Ezopia vamanya ni viruka.

Zaburi 102:13

Ivi ulasingira nokovererera Ziyoni zimbavasi; ing'inga iduuki yukulivera zimbavasi. Yiyi niyio ing'inga indahi idukanaa.

Zaburi 114:1

Lwa vandu va Isiraeli vaatura Egebeti, lwa kisukururwi cha Yakobo vaatura mu kivala chovogeni yicho,

Zaburi 136:11

Yimilira avandu va Isiraeli kutura Egebeti; kigira uvuyanzi vwivwe vuhindiraa mihiga ni mihiga.

Kutwula 12:17

Mulindi lisavo yili, kigira liali lidiku lia ndaatuliza avandu vinyu vosi mu Egebeti. Zing'inga ziosi ziza, musangaliri lidiku yili kuli lisavo.

Kutwula 12:51

Ku lidiku yilio Yahova yaatuliza avandu va Isiraeli kutura Egebeti mu miganda jaavo.

Kutwula 13:14

Mu zing'inga ziza, lwu muyaayi wowo alikoteeva icha makuva yaga gavoora, ulamutivulira ndi, ‘Yahova yatumikira zinguru zizie zinene kukutuliza mu kivala cha Egebeti, havundu ha kwaali avatugwa.

Kutwula 13:16

Lilinda lilaga yili lilava chukwizuliziraku kuli kindu kevoheeywi ku makono giitu anoho ku vweni vwitu; kilakakwizulizi ndi, Yahova yakutuliza Egebeti kuzinguru zizie zinene.’ ”

Kutwula 13:3

Musa yavolera avandu, “Mwizurizi lidiku yili lia mwatula mu Egebeti, wa mwaali avatugwa. Yili nilidiku lia Yahova yaamutuliza yo nizinguru zizie zinene. Mutalia mugadi gwa mamera mba.

Kutwula 13:9

Yiki kilava kuli kelolero ku makono ginyu, kandi kuli lizuliza mu zimoni zienyu. Muzizagiliri kovora lilago lia Yahova, nukulisoma kigira umali kumutuliza mu Egebeti ni zinguru zizie zinene.

Kutwula 3:10

Kalunu ngutumaa ku Mwami wa Egebeti kunangwa uduuki kwimilira avandu vange kutura mu kivala chiche.”

Kutwula 3:8

Kunangwa Inzi mali kuuza kuvasoora kutura ku vandu va Egebeti, nukuvaleeta mu kivala chu vwiyangu, kitugi kandi kenoru cha vandu va Kanaani, Hiti, Amori, Perizi, Hivi, na Jebusi.

Kutwula 6:26

Haruni na Musa vaali nivo ava Yahova yavolera, “Mwimiliri zihiiri zia Isiraeli kutura Egebeti.”

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Kutwula 7:4

Mwami sialamuhulira mba, maku ndahana mageri ku vandu va Egebeti nokoleta maduywa malulu kuvo, kandi ndatuliza zihiiri ziange, avandu vange, avana va Isiraeli mukivala cha Egebeti nilikalaga linene.

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Kyavalevi 23:43

kunangwa visukululwi vienyu vaduuki kumanya ndi Inzi Yahova, ndaakola vandu va Isiraeli vamenye mu madiri lwa ndavaleta kutura Egebeti. Inzi mbeeye Yahova Nyasaye winyu.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Livalidza 23:22

Nyasaye yavatuliza Egebeti; Avalwaaniraa kuli igiriki imbalava

Livalidza 33:1

Yivi ni vika via vandu va Isiraeli vagenda mu lwa vaatura mu kivala cha Egebeti, mu miganda ji zihiiri ziavo mu vwimiliri vwa Musa na Haruni.

Yohana 7:8

Munyi muzie mu lilia yilio aveene. Inzi sindazia mu mba, kigira ing'inga yange ikikiri kuduuka.”

Vikolwa 1:7

Navuzwa Yeso yavavolera, “Sigaveeye aginyu munyi kumanya zing'inga anoho madiku ga Baba yavika ho mwene mu zinguru zizie.

Vikolwa 7:36

Niyie wimilira avandu yava kutura mu Egebeti niyakamara kokora vilolekizu kandi viokogenyia mu kivala cha Egebeti, mu Inyanza Inzakanyu kandi mu changalangwi ku mihiga arubaini.

Kwidzulitsa 16:1

“Mulindi mweli gwa Abibu, kandi muve ni lisavo lie Lipasaka lia Yahova Nyasaye winyu, kigira mweli gwa Abibu lwa Yahova Nyasaye winyu yamutuliza mu kivala cha Egebeti mu ing'inga yu vudiku.

Kwidzulitsa 4:37

Kigira yayanza avaguuga vinyu, yatovola munyi, visukululwi viavo, kandi kuzinguru zizie zinene yamutuliza mu kivala cha Egebeti.

Joshua 24:5

Lwinyima ndatuma Musa harara na Haruni kandi ndaaleeta kivi kenene ligali ku vandu va Egebeti. Navuzwa ndamwimilira kutura mu Egebeti.

Joshua 5:14

Musaza oyo yativura, “Awa,” simbeeye mulala kuvo mba. “Inzi mbeeye hano kuli munene wi liihe lia Yahova.” Joshua yagwa hasi mamumama naamusigamira navoora, “Inzi mbeeye mutumikiri woovo, mwami wange. Wenyaa ngole ki?”