Kutwula 12:3 - KITABU KITAKATIFU

³ Muhaane malago yaga ku avandu vosi va Isiraeli: Ku lidiku lie likomi liu mweli gunu vuli mundu woosi kuduuka atovolere vandu avinyumba yeeye ekememe chiligondi anoho chimbuli.

Kutwula 12:3 Iomraidhean Croise

Litanga 22:8

Aburahamu yavoola, “Muyaayi wange, Nyasaye mwene alahaana kememe chi ligondi kuli kihanwa chu kusambwa.” Kunangwa vazia vombi harara.

Litanga 4:4

Habili yavugula kememe chu kutanga kwivulwa ku magondi geege naasinza ma navugura inyama indahi ligali nahaana ku Yahova kuli isadaka. Yahova yaavugilira kandi nayanza Habili ni sadaka yeeye,

2 Kyetsinyinga 35:7

Mwami Josia yahaana vimeme na vana va magondi kutura mu chayo chiche 30,000, nizimbuli kandi zigiriki 3,000 kutura ku miandu jije ju vwami kuli kihanwa chi Lipasaka ku vandu vosi avaari ho.

Kutwula 12:2

“Mweli gunu gulava umweli gwunyu gwukutanga ku muhiga.

Kutwula 12:21

Maku Musa yalanga vimiliri vosi va Isiraeli navavoolera, “Vuli mulala ku munyi atovole kememe chi ligondi anoho chimbuli aduuki kukisinza kunangwa vandu vi zinyumba zienyu vaduuki kusangalira Lipasaka.

Kutwula 12:4

Niiva vandu vinyumba yeeye vaveeye vakekeeke ligali kulia nukumala mutugu gwosi, oyo numutende oveeye ahimbi naye vanyara kugavulana mutugu, kolondekana nilivaliza liavandu vava nivaveeye ho kandi kedonye chavuli mundu anyala kulia.

Kutwula 12:6

Maku ha mugolova gwi lidiku lie likomi na jane liu mweli, avandu vosi va Isiraeli valiita mitugu yijo.

Kutwula 14:15

Yahova yavolera Musa, “Kigira ki mwaniraa munyore ovokonyi? Volera avandu vazizagiliri nologendo.

Kutwula 20:19

Vavoolera Musa, “Niiva ulamoloma ku kunyi, kulahuliriza; navuzwa koveeye nuvuti ndi niiva Nyasaye alamoloma ku kunyi kulakuza.”

Kutwula 4:30

Haruni yavavolera vindu viosi via Yahova yaali navoleeye Musa, ma Musa yakola vilolekizu viosi imbiri wa vandu.

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Ezekieli 40:1

Ku lidiku lie 10 liu muhiga muhia ugwali muhiga gwa 25 kutura nikuhilwa mu lihaminywa, kandi muhiga gwi 14 inyima wi lidaala lia Jerusalemi liali niliakagumilwa. Kulidiku yilio ndaahulira zinguru zia Yahova niziveeye ku inzi, kandi niyang'inga nambira ihale.

Kyavalevi 1:2

amolome ku vandu va Isiraeli, avavoolere ndi: Lwu mundu woosi aleetaa kihanwa chiche chu mutugu ku Yahova, alaleeta Kihanwa chiche keveeye kilala ku mitugu, kuli ku zing'ombe zizie anoho ku magondi gege anoho ku zimburi zizie.

Kyavalevi 5:6

kandi mutungu kigira uvwoni vwivwe vwa yakola, kuduuka aleete ku Yahova kememe kisuveni chi ligondi anoho imburi kuli kihanwa chu uvwoni. Musaalisi alahaana kisiuviriru zana yicho kwogiza uvwoni vwu mundu oyo.

Livalidza 15:11

Yivi nivio via muhaana harara na vuli igiriki, ligondi limigu, ligondi noho imburi ekole.

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Yohana 1:36

Lwa yalora Yeso navitaa, yavoola, “Henza! Uyu niye Mwana wi Ligondi lia Nyasaye.”

Yohana 12:1

Madiku sita lilia lie Lipasaka ni likiri kuduuka, Yeso yazia Bezani wa Lazaro yamenya, uwa Yeso yaali nasimugukizi kutura mu vakuzu.

Yohana 12:12

Lidiku lialonda ku, kiduma kenene cha avandu avaari nivaazi mu lisavo lie lipasaka, vahulira ndi Yeso yaazaa Jerusalemi.

1 Vakorintho 5:7

Kuduuka mutulizi amamera makuulu gu vwoni, kunangwa muduuki kuva lihumbi lihia litaveeye na mamera kuli munyi muvezaa. Kristo mwene, mwana wi ligondi wi Lipasaka lietu, umali kuhaanwa kuli kisiuviriru kigira kunyi.

Joshua 7:14

Kunangwa uvavoolere ndi mugambazuri, valaletwa imbiri wange, ihiiri ku ihiiri. Ihiiri yandovola kutura muvo valaza imbiri, luhia ku luhia. Luhia lwi ihiiri ya ndovora valaza imbiri wange, inyumba ku inyumba. Inyumba ya ndovora kutura muvo valaza imbiri wange, mundu mulala sa mulala.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

1 Samweli 7:9

Samweli yita kememe chiligondi ma naakisaamba kigima kuli kisiuviriru ku Yahova. Maku yasaala ku Yahova akoonye Isiraeli, kandi Yahova yamutivulira lisaala lilie.