Kutwula 12:14 - KITABU KITAKATIFU

¹⁴ Lidiku yili lilava kuli liukwizuliza ku munyi; Gamudukira muligumili live kuli lidiku lie Lisavo ku Yahova. Mulalilinda kuli lilago mihiga ni mihiga.”

Kutwula 12:14 Iomraidhean Croise

2 Avami 23:21

Mwami Josia yavolera avandu kolomba Lilia lie Lisavo kuhaana uluyali ku Yahova, Nyasaye wavo, kuli gang'odwa mu kitabu chi Lilaga.

Zaburi 111:4

Yahova sialekaa kunyi kwiviriri vikolwa vivie viokogenyia mba. Aveeye mulahi kandi wilivererera.

Zaburi 135:13

O, Yahova, kulalandiza ivi kuli Nyasaye mihiga ni mihiga; kandi amakura goosi galakwizuliza.

Kutwula 12:17

Mulindi lisavo yili, kigira liali lidiku lia ndaatuliza avandu vinyu vosi mu Egebeti. Zing'inga ziosi ziza, musangaliri lidiku yili kuli lisavo.

Kutwula 12:24

Munyi harara na vana vienyu kuduuka mulonde malago yaga mihiga ni mihiga.

Kutwula 12:43

Yahova yavolera Musa na Haruni, “Yaga nigo amalago gilipasaka: ‘Mundu mugeni wihiiri yindi’ sialalia ku chukulia chi Lipasaka mba,

Kutwula 12:6

Maku ha mugolova gwi lidiku lie likomi na jane liu mweli, avandu vosi va Isiraeli valiita mitugu yijo.

Kutwula 23:15

Mu mweli gwa Abibu, mu mweli gwa mwatula Egebeti, mulombe lilia liu mugadi gutaveeye mu na mamera kuli ndaamulaga. Mutalia mugadi gwalomberwa mu amamera ku ing'inga ya madiku saba yaga mba. Mutaaza kusigamira vugira koleta isadaka yoosi mba.

Kutwula 27:21

Haruni na vayaayi veve valahambiza itaya mu Lihema liukuvuganira mu ichova winguvu yukukinga eveeye imbiri wi lisandugu lie lilagana. Ahene yaho, imbiri wange iladuuka kutura hamugorova kuduuka mugambazuri. Lilaga yili lilakolwa na avandu va Isiraeli nivisukululwi viavo mihiga ni mihiga.

Kutwula 5:1

Maku Musa na Haruni vazia ku Mwami wa Egebeti nivamuvoolera, “Yahova, Nyasaye wa Isiraeli, avoora, ‘Leka avandu vange vazie, kunangwa vaduuki konombera lisavo liu kuhaana luyali ku inzi mwigendanyama.’ ”

Ezekieli 46:14

Kandi isadaka yuvusie zikilo 2 kuduuka ihaanwe vuli mugamba, harara na maguta ilita indala yu kuzuganyira muvusie. Malago kigira kuhaana ku inzi galadinyilizwa kazozo.

Kyavalevi 23:6

Ku lidiku lie likomi na gatano liu mweli yigwo, Lisavo liange liu mugadi gutaveeye mu na mamera litangaa. Ku madiku saba kuduuka mulie mugadi gwalombwa vugira mamera.

Zekaria 6:14

Igudwa yiyi ilakave mu Litembeli lia Yahova kuli chukwizuliziraku Helidai, Tobija, Jedaya na Josia muyaayi wa Zefania.”

Livalidza 10:8

Vayaayi va Haruni musaalisi valakakubi visiliva. “Lilaga yili lilava ku ivi harara ni visukulwi vivio mihiga ni mihiga.

Livalidza 15:15

Avandu vosi harara na vageni vamenyi hagati hinyu, valava na malago malala mere. Munyi vosi harara na vageni vamenyi hagati hinyu mulava kindu kilala imbiri wa Yahova.

Livalidza 16:40

Yaga gaali lieganihiza ku vandu va Isiraeli ndi mundu woosi utaveeye wi chisukululwi cha Haruni atiisunda himbi kuvwaali nu kusambira Yahova kimuli mba. Niiva alakola ndio aladivizwa kuli Kora na vandu veve. Yaga goosi gekoleka kuli Yahova yaali nalagi Elieza kuvitira ku Musa.

Livalidza 18:8

Yahova yavolera Haruni, “Wizulizi ndi ngoheza vidieli viosi viahaanwa ku inzi viavula kusambwa kuli visiuviliru. Mbihaana ku ivi harara ni visukululwi vivio kuli kidieli chicho mihiga ni mihiga.

Matayo 26:13

Agiligali muvooleraa, hoosi mu lirova, aha Ivangeri yiyi ilakilwazwe, ekekolwa chu mukali uyu akoli, kilakatalwi kumwizuliza.”

Luka 22:19

Maku yavugula kedonye chu mugadi nahaana lisandiza ku Nyasaye, nameganyia kandi navaha, navoora, “Yigu goveeye muviri gwange, [uguhaanwa kuli isadaka ku Nyasaye kigira munyi. Mukore ndio mu linzizuliza.”

Kwidzulitsa 16:1

“Mulindi mweli gwa Abibu, kandi muve ni lisavo lie Lipasaka lia Yahova Nyasaye winyu, kigira mweli gwa Abibu lwa Yahova Nyasaye winyu yamutuliza mu kivala cha Egebeti mu ing'inga yu vudiku.

Kwidzulitsa 16:11

Musangare imbiri wa Yahova Nyasaye winyu harara na avana vinyu, vatumikiri vinyu kandi vandu vinyumba ya Levi avageni, avavisandu kandi avakunzakali vamenyi mu madaala ginyu. Mukore yaga goosi havundu harara hukusigamira ha Yahova yatovola.

Kwidzulitsa 6:8

Mulagavoha gave kelolero ku makono ginyu kandi mulagavoha ku mitwi jinyu gave chu kwizulizira ku.

Joshua 4:7

mulakavavoolere ndi amazi ga Jorodani gavula kuvita lwa Lisandugu lie Lilagana lia Yahova liambuka mugera gwa Jorodani. Amagina yaga galagizulizi avandu va Isiraeli kazozo ichekolekaa hano.”

1 Samweli 30:25

Daudi yalomba yili kuva lilago, kandi liamala kolondwa mu Isiraeli kutura ing'inga yeyo.