Kutwula 11:8 - KITABU KITAKATIFU

⁸ Musa yamaliriza ku livoora ndi, “Avatumikiri vovo vosi valakaze kwinama imbiri wange, na valakandeve mbuguli avandu vange vosi nu kuzia navo. Inyima wayaga ndakatuli.” Maku mu vutima vonene Musa yatura ku Mwami.

Kutwula 11:8 Iomraidhean Croise

1 Avami 20:10

kutura ku Benihadadi, “Inzi ndaleta avasaza vaduuka kwononyia lidaala linene liilio yili nukuginga magina gatigala mu makono gaavo. Avanyasaye vanzite niiva sindakola ndio!”

2 Avami 3:9

Kunangwa mwami Joramu na vami vi Ivuyuda na Edomu yaatanga logendo. Inyima wo kogenda ku madiku saba, vadaka amazi, na sihaali ho na gatigala aga vasaza vi liihi kandi agi zinyama ziavagingiraa vindu mba.

Nehemia 5:6

Lwa ndahulira lielilira liavo, ndasinyika ligali,

Zaburi 6:1

O, Yahova, utang'ondokera mu vutima vuvwo mba; utaamba mageri mu vutima vuvwo vululu mba!

Kutwula 10:29

Musa yamutivulira navoora, “Ivi oveeye vulahi, siulandola kandi mba.”

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Ezekieli 3:14

Roho yang'inga igulu ma mambila ihale, kandi ndaazia mu vululu nu vutima, zinguru zia Yahova ziali na inzi.

Danyeli 3:19

Maku Nebukadineza yaali nu vutima vonene ligali kali vwaloleka mu vweni vwivwe kigira Sadaraka, Meshaka, na Abedinego. Kunangwa yalagiza kesambilu kimedwe muliru keve kihiu papapa haali saba kuvita kazozo.

Livalidza 12:3

Musa yaali mundu muhooma ligali kuvita vandu vandi vosi mu lirova.

Marko 3:5

Yeso yavahenza zimbega ziosi navihilirwa, kandi navavererera kigira uvudinyu vwi mioyo jaavo. Yavolera umundu oyo, “Nyira mukono gugwo!” Naye yanyira umukono gwigwe, nagwo gwahona ligali.

Kwidzulitsa 29:24

Maku lirova liosi, zihiiri ziosi zilateeva, ‘Kigira ki Yahova akoli yaga ku kivala chavo? Uvutima vululu vusamba yivu voveeye kigira ki?’

Kwidzulitsa 32:24

Valakuza kigira inzara kandi luhuuza. Valakuza kigira zinguzu ziu kutihiza. Ndatuma zinyama zinduru ziu mumulitu kuvingilira kandi zinzoka ziu vusungu vululu kuvaluma.

Vahebraina 11:27

Kigira lisuuvira Musa yatura Egebeti vugira kutia vutima vwu mwami; siyirana inyima kigira yaali vuzwa mundu olola Nyasaye utalolekaa mba.

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.

Vakalagi 4:10

Baraka yalanga zihiiri zia Zabuloni na Nafutali ni vazia Kedeshi, na vandu izielefu likomi vaamulonda. Debora yazia naye.

Vakalagi 8:5

Lwavaduuka ha Sukozi, yavolera avandu vi lidaala yili, “Mwaza haani imigadi ku vandu vange. Vaaluhi ligali, kandi Inzi ngungaa Zeba na Zalimuna, avami va vandu va Midiani.”