Kutwula 11:4 - KITABU KITAKATIFU

⁴ Musa yavolera Mwami, “Yahova avoora, ‘Vudiku hagati ndavitira mu Egebeti;

Kutwula 11:4 Iomraidhean Croise

2 Samweli 5:24

Lwa uhulira muliviti gwi ligenda ku zisonga zie misaala ji zinyangeleri, ahene yaho zia uvingiliri kigira ndava niing'endanga imbiri woovo kuguuta liihi lia Avafilisitia.”

Ayubu 34:20

Vakuza vwangu mu vudiku hagati. Nyasaye avaduya ma vakuza; na avizingulu vatulizwa ho vugira zinguru ziu mundu.

Zaburi 60:10

O, Nyasaye ligali Ive umali ku kusuura? Ivi na mahi giitu si ulazia ni kunyi kulwaana avasigu viitu?

Zaburi 81:5

Yaalihaana ku vandu va Isiraeli lwa yingilira kivala cha Egebeti. Mbulira mwoyo gutamanyikani nigovoora,

Kutwula 12:12

“Vudiku yivwo ndavitira mukivala cha Egebeti, nukwita kindu kisaza choosi chukutanga mu liivulwa, ku vandu kandi ku mitugu, nukuhaana mageri ku vanyasaye va Egebeti. Inzi mbeeye Yahova.

Kutwula 12:23

Lwa Yahova avitira mu Egebeti ukwita vandu va Egebeti, alalora amasahi ku maliva gi miliango kandi ku vibaho vie miliango zie zinyumba, na alavita ku viliango, kandi sialavugilira Engelosi kwingira mu zinyumba zienyu nukukwita vayaayi vinyu mba.

Kutwula 12:29

Vudiku hagati Yahova yita avana vayaayi vosi avatanga kwivulwa mu kivala cha Egebeti, kutura ku muyaayi wu Mwami, uwaali avuguli endeve yu vwami inyima wa baba weve kuduuka ku muyaayi wukutanga kwivulwa muhambe oveeye mu vuhambe vugira lieriza; kali mitugu jiosi jukutanga kwivulwa jiitwa.

Isaya 42:13

Yahova atulaa kuzia kulwaana kuli mulwaani aveeye nuvuha kandi yetegeki kulwaana. Aveeye ni lilira lie liihi, kandi lihanzuka liu vulwani; amanyia zinguru zizie ku vasigu veve.

Amosi 4:10

“Ndaatuma vulwaye vudamanu ku munyi, kuli iyandaatuma ku vandu va Egebeti. Ndiita vayaayi vasoleri vinyu mu vulwani, nukuvugula zibarasi zienyu. Ndaaleeta lifunya lidamanu mu amuulu ginyu navuzwa simwirana ku inzi mba.

Amosi 5:17

Halakave ho ni lisioma mu milimi ji mizabibu. Yaga goosi galekoleka kigira nziza kuhaana amageri ku munyi.” Yahova umali kovora.

Mika 2:13

Nyasaye alavigulira inzira, nukuvimilira vatuli mu lihaminywa. Valavunaga nu kuvitira mu virivwa vie lidaala linene kandi vazie novovoholore. Mwami wavo, Yahova Wuvunyali alavimilira.

Matayo 25:6

“Navuzwa vudiku hagati, liali ho ni lilangilizana linene ‘Henza! Nguyio oyo osereraa umwiha yaazaa! Muturi muzie kumwaganira!’