Kutwula 11:10 - KITABU KITAKATIFU

¹⁰ Musa na Haruni vaakora vilolekizu yivi viosi imbiri wu Mwami navuzwa Yahova yamudinyia umwoyo gwigwe na siyenya koleka vandu va Isiraeli kutura mu kivala chiche mba.

Kutwula 11:10 Iomraidhean Croise

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Kutwula 10:20

Navuzwa Yahova yadinyia umwoyo gwu Mwami, kandi siyaleka vandu va Isiraeli vazie mba.

Kutwula 10:27

Yahova yadinyia mwoyo gwu Mwami, na siyaavaleka vazie mba.

Kutwula 12:1

Yahova yavolera Musa na Haruni mu Egebeti:

Kutwula 3:19

Inzi manyi vulahi ndi mwami wa Egebeti sialamuleka muzie natanigiywi kumulakula mba.

Kutwula 4:21

Yahova yavolera Musa kandi, “Nguyu kalunu wiranaa Egebeti, olole ndi okoli vilolekizu viosi viamali kukuha zinguru okole imbiri wu mwami wa Egebeti. Navuzwa ndakora mwoyo gwu mwami kuva mudinyu, naye alavula kulakuula avandu va Isiraeli vazie.

Kutwula 7:3

Navuzwa inzi ndadinyia mwoyo gwu Mwami wa Egebeti, kandi kali ndaameeda ligali ivilolekizu kandi iviokogenyia mu kivala cha Egebeti, mwami sialahulira munyi kali hakuzu mba.

Kutwula 9:12

Navuzwa Yahova yakola mwoyo gwu Mwami kuva mudinyu kandi, kuli Yahova yaali navooye mulitanga ndi, Mwami sialahulira Musa na Haruni mba.

Isaya 63:17

O, Yahova, kigira ki olekaa kunyi kogote kutura kuzinzira zizio? Kigira okolaa kunyi kove nikirage kali kuduuki kugirung'ana kutura ku ivi? Mwaza yirana ku kunyi kulwu vulahi vwa yavo avakutumikiraa ivi, kandi kulwa avandu yavo avaveeye avoovo kazozo kutura maziambiri.

Yohana 12:40

“Nyasaye umali kuvakuliza zimoni ziavo; kandi umali kudinyia mioyo jaavo gase valalola ni zimoni ziavo kandi vamanye ni mioyo jaavo, ma viganire, nainzi nduuki kuvahonyie.”

Varumi 9:18

Kunangwa gaveeye havulavu ndi Nyasaye aveeye nizimbavasi ku woosi wayanza koveera zimbavasi, kandi wayaanza ave ni kirage amukolaa ave ni kirage.

Varumi 9:22

Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.

Kwidzulitsa 2:30

“Navuzwa mwami Sihoni, siyaali anyala koleka kuvitiri mu kivala chiche mba. Yahova Nyasaye winyu yamukola kuva mudinyu kandi yamukola kuva ni liebaala, kunangwa kuduuki kumuguuta kandi kuvugura kivala chiche icha kokemenyi mu kuduuka kalunu.

Joshua 11:20

Yahova yaali navakoli avagulu kulwaana Avaisiraeli, kunangwa vaduuki kukalagirwa lidivizwa ligali kandi vosi vaduuki kwitwa vugira liverererwa. Yaga nigo aga Yahova yaali nalagi Musa.

1 Samweli 6:6

Kigira ki muve ni mioyo midinyu kuli mwami na vandu va Egebeti? Mutivilira kuli Nyasaye yavakola vasiru kuduuka lwa valeka avandu va Isiraeli vatule vazie.