Kutwula 10:9 - KITABU KITAKATIFU

⁹ Musa yativura, “Kunyi kwosi kulazia, harara na avana viitu avayaayi na vakana, zimburi na magondi, ni zing'ombe kali na vasakulu viitu, kigira gakuduukiraa kolombere Yahova lisavo.”

Kutwula 10:9 Iomraidhean Croise

Litanga 50:8

Avandu vinyumba ya Josefu, avamwavo veve, harara na vandu vi inyumba ya baba weve, vosi vazia harara naye. Navuzwa vana vaavo, zimburi, magondi ni zing'ombe viatigala Gosheni.

Kutwula 10:10

Mwami yavoola, “Inzi nzisuha ligali ku Yahova ndi sindaleka munyi muvuguli avakali na avana vinyu vazie mba! Galoleka havulavu ndi munyi muganaganaa kokora ikivihiri.

Kutwula 10:26

Awa, kulavugula mitugu jietu harara nikunyi; kali mulala sigulatigala inyima mba. Kunyi aveene kulatovola jakunyala kutumikira ku lisigamira Yahova, Nyasaye wiitu. Lwa kuduuka yo, sikunyala kumanya ni mitugu ki jakulimuhaanira mba.”

Kutwula 12:32

Vuguli amagondi ginyu, zimburi, kandi zing'ombe zienyu, ma muzie, ma musaliri ku uvugasu.”

Kutwula 12:37

Avandu va Isiraeli vatanga logendo kutura Ramesesi nivahenzi kuzia Sokozi. Vaali ahimbi avandu vasaza vaduuka zielefu mia sita vugira kuvaliza avakali na avana.

Kutwula 12:38

Muganda gwa avandu vandi vazia harara navo ni mitugu minyingi ja amagondi, zimburi ni zing'ombe ziavo.

Kutwula 13:6

Ku madiku saba mulalia mugadi gutaveeye mu na mamera na kulidiku likora saba lilava lisavo liu kuhaana luyali ku Yahova.

Kutwula 3:18

“Avandu vange valahulira agu vavoola. Nahene yaho ulazia na aviimiliri va Isiraeli ku Mwami wa Egebeti na omuvoolele, ‘Yahova, Nyasaye wa Avaheburaina, uvuuliki umwene kukunyi. Kalunu mwaza, kuvugiliri kuzie mwigendanyama ku madiku gavaga kuhaana visiuviliru ku Yahova, Nyasaye wiitu.’

Kutwula 5:1

Maku Musa na Haruni vazia ku Mwami wa Egebeti nivamuvoolera, “Yahova, Nyasaye wa Isiraeli, avoora, ‘Leka avandu vange vazie, kunangwa vaduuki konombera lisavo liu kuhaana luyali ku inzi mwigendanyama.’ ”

Kutwula 5:3

Musa na Haruni vaamutivulira, “Nyasaye wa Vaheburaina umali kwivuula mwene ku kunyi. Mwaza yaanza ukuvugiliri kuzie ologendo lwa amadiku gavaga kuhaanira Yahova, Nyasaye wiitu visiuviliru mwigendanyama. Nikutakola ndio, alakakwita nuvulwaye anoho mu vulwani.”

Tsing'ano 3:9

Uhaane luyali ku Yahova nu kumuhaanira kihanwa kilahi kutura kuviamo viosi viu mulimi gwugwo

Kohelethu 12:1

Kunangwa wizulizi mulombi woovo nugikiri muyaayi, madiku gi kivi ni gagikiri kuduuka kigira mihiga gizaa novoole, “Sisangalira livamwoyo mba.”

Livalidza 29:12

Ku lidiku lia komi na tano liu mweli gwa saba, muve ni livugana liu kusigamira Yahova. Muve ni lisangala lie lisavo yili mu lihaana luyali ku Yahova ku madiku saba, kandi mutakola miyinzi mba.

Vafeso 6:4

Munyi aviivuli, mutakola avana vinyu kuva nu vutima, navuzwa muvavirukizi kandi muvalindi mu liegiza kandi mu lieganihiza liu Vukristayo.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”