Kutwula 10:21 - KITABU KITAKATIFU

²¹ Kunangwa Yahova yavolera Musa, “Ginga mukono gugwo mwigulu, ni kisundi kenene chu kutihiza kiduuki kukunika kivala choosi cha Egebeti.”

Kutwula 10:21 Iomraidhean Croise

Ayubu 5:14

Kisundi kivakunikaa lwa voveeye mbasu, kandi vahavatizaa mbasu hagati kuli mu vudiku.

Zaburi 105:28

Nyasaye yatuma kisundi ku kivala choosi, navuzwa vandu va Egebeti sivahulira lilaga lilie mba.

Zaburi 35:6

Leka zinzira ziavo zive nikisundi kandi zindelere. Na engelosi woovo avakungaa!

Zaburi 78:49

Yaleka uvutima vwivwe vululu, livihiliriza, uvudinyu ni kivi viduuki kuvo, kuli muganda gwigwe gwi zingelosi gwukudiviza.

Kutwula 7:19

Yahova yavolera Musa, “Volera Haruni avuguli imbimbu yeeye kandi anyiiri mukono gwigwe agiviiki ku amazi gi migera jiosi notogera kali ku zinyanza na madavalia goosi mu Egebeti. Amazi galagwa amasahi, kandi kivala choosi kilava amasahi kali mu viju via magina.”

Kutwula 9:22

Maku Yahova yavolera Musa, “Ginga mukono gugwo mwigulu, kandi amagina gimbula galakuba, mukivala choosi cha Egebeti, ku vandu, ku mitugu kandi ku vitagwa ni misaala.”

Tsing'ano 4:19

Inzira ya vachamu, eveeye kisundi kuli vudiku. Vagwiza, navuzwa sivalola ha vikigatiyi mba.

Kohelethu 2:14

Avandu vageri valora wavaziza, na vandu vasiru sivalola wa vazizaa mba.” Navuzwa ndaalora ndi vombi vanyoola vudinyu vulala vwere.

Kohelethu 6:4

Ni vuzwa mwana uyu kwivulwa kigira agoteraa mu kisundi ma yivililwa.

Ezekieli 32:7

Lwandakakudivizi, ndakakuniki ligulu nokokola zing'ereng'ani kuva kisundi. Ndakakuniki liuva na malesi, kandi mweli sigulaka mba.

Matayo 27:45

Kutura zisa sita kuduuka zisa tisa zia mbasu, kisundi chakunika kivala choosi.

Marko 15:33

Kutura saa sita zia mbasu kuduuka saa tisa, ikisundi chakunika ikivala choosi.

Luka 23:44

Yaali ahimbi saa sita zia mbasu, kisundi kenene chaduuka mu kivala choosi, kuduuka saa tisa.

Kwidzulitsa 1:30

Yahova Nyasaye winyu alimilira munyi kandi alamulwaanira, kuli mwalora vuzwa nakora mu Egebeti

Kwidzulitsa 28:29

Mulahavatiza yiyi na yiyi mbasu hagati kuli umuvoku mu kisundi, navuzwa simunyala konyoora inzira mba. Simulagaasizwa mu vindu viosi via mukora mba. Muladambizwa nu kunuurwa madiku goosi, na sihalavaho nu mundu wu kumukonya mba.

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

2 Petro 2:17

Avandu yava vaveeye kuli vidaho vitaveeye na mazi, kuli amalesi gi kihuzuzi kihiraa; Nyasaye yavavikira ovomenyo mu vogo vwi kisundi kenene.

2 Petro 2:4

Nyasaye siyavererera zingelosi ziakola vwoni mba, navuzwa vazisiuva mu gehena, wazialindwa mukisundi nizivoheywe minyororo kuduuka likalagirwa.

Yudasi 1:13

Avandu yavo vaveeye kuli iviguvuli vinene vie inyanza ivitiigalilangwa ni ivikolwa viavo vie zisoni vilolekaa kuli ulufulu. Vaveeye kuli zing'ereng'ani zivodong'ana nga, izia Nyasaye yavikira uvwiyangu mu kisundi mihiga ni mihiga.

Yudasi 1:6

Mwizurizi zingelosi avavura kulinda uvwiyangu vwu vunyali vwavo, navuzwa nivaleka havundu ho vomenyo vwavo: vavofwa ni minyororo mihiga ni mihiga mu kisundi ha Nyasaye yavavika valindi ilikalagirwa ku Lidiku linene yilio.

Likunula 8:12

Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.