Kutwula 1:7 - KITABU KITAKATIFU

⁷ Navuzwa vandu va Isiraeli viivulana nivagwa avanyingi ligali, kandi vizingulu ligali ma niviizura mu kivala cha Egebeti.

Kutwula 1:7 Iomraidhean Croise

Litanga 1:20

Maku Nyasaye yalaga, “Leka vilombe zing'ano zinyingi, viveeye mwoyo vizuri mu mazi. Manyonyi zing'ano zinyingi gizuri muvwerefu vwi ligulu.”

Litanga 1:28

Yavagasiza kandi navavoolera, “Mwivulane kandi mumedeke na mwizuli lirova kandi mu liamihi kandi mwamihi zisuzi kandi vilombe viosi viu mu mazi; manyonyi goosi gu mu ligulu kandi ku lirova, vimolaa ku lirova, mitugu kandi zinyama ziosi ziu muvulimu.

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 13:16

Inzi ndakuha visukululwi vinyingi kali mundu sianyala kuvaliza mba. Kunangwa niiva umundu yakavalizi luguchi, visukululwi vivio viaakavaliziywi.

Litanga 15:5

Yahova yavugula Aburamu naamuhira ichova namuvolera, “Henza mu ligulu ma uvalizi zing'ereng'ani niiva unyala. Ivi ulakave ni visukululwi vinyingi kuli zing'ereng'ani.”

Litanga 17:16

Inzi ndamugasiza, kandi ndamuha mwana muyaayi. Ndamugasiza kandi alava mama wi zihiiri zinyingi, kandi avami valakatuli mu visukululwi vivie.”

Litanga 22:17

Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

Litanga 26:22

Yatura ho kandi nayava kidaho kindi, umundu kali mulala si yarembanira ku mba. Yakigulika “Vovoholore”, navoora, “Kalunu Yahova umali kukuha vovoholore komenya mukivala yiki, kandi kulagaasizwa.”

Litanga 26:4

Ndakuha visukululwi vinyingi kuli zing'ereng'ani ziu mwigulu, kandi ndakavahe kivala yiki choosi. Zihiiri ziosi zilakateeve inzi kuzigasiza kuli mali kugasiza visukululwi vivio.

Litanga 28:14

Visukululwi vivio vilakave vinyingi kuli luguchi loveeye ku lirova. Valalanda kutura Ivugwi kuduuka Imadioli, kandi kutura Ivaale kuduuka Isavaalu. Kuvitira mu ivi ni visukululwi vivio, ndakagasizi zihiiri ziosi.

Litanga 35:11

Nyasaye yavolera Yakobo, “Inzi mbeeye Nyasaye Wuvunyali; ove nu lwivulu lunyingi. Zihiiri zilanyooleka kutura ku ivi, kandi avami valanyooleka kutura ku ivi.

Litanga 46:3

Yavoola, “Inzi mbeeye Nyasaye, Nyasaye wa baba woovo. Utatia kuzia Egebeti mba. Inzi ndakalombe kisukururwi chicho kuva ihiiri enene wene yeyo.

Litanga 47:27

Avandu va Isiraeli vamenya mu Egebeti mukivala cha Gosheni uwa vamanya nivagwa avatugi kandi nivanyoora avana vanyingi.

Litanga 48:16

Engelosi yasoola kutura ku vudamanu vwosi, yaanza uvagaasizi! Lieta liange harara na mita ga vaguuga vange, Aburahamu na Isaka gagulikwi avayaayi yava! Vave ni zinzivulu zia vana vanyingi kandi visukululwi vinyingi!”

Litanga 48:4

Yambolera, ‘Inzi ndakuha lwivulu lwa vana vanyingi, kunangwa visukululwi vivio navive zihiiri zinyingi. Ndahaana kivala yiki ku visukululwi vivio keve miandu jaavo mihiga ni mihiga.’ ”

Litanga 9:1

Nyasaye yagasiza Nuhu navayayi veve kandi navoora, “Mwivulane kandi mumedeke, kunangwa visukululwi vienyu vimenye mulirova liosi.

Nehemia 9:23

Ivi wavaha avana vanyingi kuli zing'ereng'ani mu vwerefu. Kandi noleka vaguute nokomenya mu kivala icha waali nuwasuuviriza avaguuga vaavo ndi ulavaha.

Zaburi 105:24

Nyasaye yaaha avandu veve avana vanyingi; kandi naavakola vizingulu ligali kuvita avasigu vaavo.

Zaburi 107:38

Yahova yagasiza avandu veve ni vameedeka mu livulana ligali; kandi mitugu jaavo jameedeka ligali.

Kutwula 1:12

Navuzwa kali niiva vandu va Egebeti vameeda kudambiza vandu va Isiraeli, nilwo lwa vandu va Isiraeli vameedeka kuva vanyingi mu kivala. Kunangwa vandu va Egebeti vaatia vandu va Isiraeli ligali.

Kutwula 12:37

Avandu va Isiraeli vatanga logendo kutura Ramesesi nivahenzi kuzia Sokozi. Vaali ahimbi avandu vasaza vaduuka zielefu mia sita vugira kuvaliza avakali na avana.

Kutwula 5:5

Avandu munyi mumali kuva avanyingi ligali kuvita vandu va Egebeti. Na kalunu mwenya koleka kuyinzira!”

Ezekieli 16:7

Ndaamukora nimuviruka kuli kitagwa kinifu. Mwaviruka nizinguru nimutambiha kandi nimuva kuli magina guvuguli malahi ligali. Zimbeere zienyu zialombwa vulahi, kandi liisu lienyu liatambiha, munyi avaari chahonyo kandi vugira kindu.

Vikolwa 13:17

Nyasaye wa avandu va Isiraeli yatovola avaguuga viitu navakola vave ihiiri enene lwa vamenya mu kivala cha Egebeti. Nyasaye yavatuliza mu ni zinguru zizie zinene.

Kwidzulitsa 10:22

Lwa avaguuga vinyu vazia Egebeti, vaali vuzwa avandu sabwini. Navuzwa kalunu, Yahova Nyasaye winyu yamukola kuva avanyingi kuli zing'ereng'ani mu vwerefu.

Kwidzulitsa 26:5

Kunangwa imbiri wa Yahova mulavoola makuva yaga, ‘Guuga wiitu yaali mugendagendi vuzwa, uwahila vandu vinyumba yeeye Egebeti vamenye yo. Vaali vakekeeke lwa vazia yo, navuzwa vaagwa ihiiri enene kandi yi zinguru ligali.