Kutwula 1:17 - KITABU KITAKATIFU

¹⁷ Navuzwa vakonyeleri yavo vaatia Nyasaye, na sivakora kuli mwami wa Egebeti yavalaga vakole mba; navuzwa valeka avana vayaayi nivava mwoyo.

Kutwula 1:17 Iomraidhean Croise

Litanga 20:11

Aburahamu yativura, “Inzi ngoli ndio kigira ndaaganagana ndi havundu yaaha avulaho mundu watia Nyasaye, na valanzita ma vavuguli mukali wange.

Litanga 42:18

Ku lidiku lia kavaga Josefu yavavolera, “Inzi mbeeye umundu watia Nyasaye, kandi ndamuhonyia ku kivuni kilala.

2 Samweli 24:4

Navuzwa mwami yakola Joabu na vatumikiri veve kuhulira lilago lilie; vaatura imbiri weve ni vazia ichova kuvaliza avandu va Isiraeli.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Esther 3:3

Avanene vandi mu vutumiki vwu vwami vateva Modekai ikivuni kigira navula kuhulira lilaga liu mwami.

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Kutwula 1:18

Kunangwa mwami yalanga vakonyeleri yavo, navavoolera, “Kigira ki mukoraa kuli ndi? Kigira ki mulekaa avana vayaayi nivava mwoyo?”

Kutwula 1:21

Na gaali, kigira vakonyeleri yava vaatia Nyasaye, yavaha lwivulu.

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Kohelethu 8:12

Kali umwoni nakora vudamanu haali 100, navuzwa amenyaa ing'inga indambi. Oh yee, ndaamanya gavavoraa, “Niiva ulatia Nyasaye, vuli kindu choosi kilava kilahi,

Danyeli 6:13

Maku vavoolera mwami, “Danieli mulala ku vahambe vatura Ivuyuda, siatizaa mwami anoho kuhulira malago ga uhaani mba. Asaalaa kazozo haali kavaga vuli lidiku.”

Hosea 5:11

Avandu va Isiraeli vaveeye mu vusaliri vwi lidambizwa; vamali kogotiza kivala chaali chavo, kigira vasavira kuzia konyoora ovokonyi kutura kuyavo avataali novokonyi.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Vikolwa 5:29

Navuzwa, Petero na avatumwa vandi, vativura nivavoora, “Kuduuka kutie Nyasaye, kuvita kutia avandu.

1 Samweli 22:17

Maku mwami yalaga vasikari valindi avasingira himbi kuye. “Yiiti avasaalisi va Yahova! Valombi zing'anagani zindamanu ku inzi harara na Daudi, na sivamboleeye ndi wiruki mba, kali niiva vamanya kutura kale.” Navuzwa vasikari valindi vasuura kuginga mukono kwita vasaalisi va Yahova.