Kohelethu 9:3 - KITABU KITAKATIFU

³ Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Kohelethu 9:3 Iomraidhean Croise

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

Ayubu 15:16

Mundu akolaa vudamanu kuli anwezaa amazi, yee, uyu aveeye wu kuvihiliriza nu vudamanu, kandi siaveeye okonyaa kindu mba.

Ayubu 21:26

Navuzwa, vosi vakuza nokoteevwa mu vilindwa; vosi vakunikwa ni zing'ende.

Ayubu 9:22

Goosi gaveeye malala meere; kunangwa mboraa, Nyasaye adivizaa vombi, avalungi na vachamu.

Zaburi 51:5

Henza, Inzi mbeeye mudamanu kutura lidiku lia ndivulwa; inzi mbeeye mwoni kutura ing'inga ya ndaverekwa.

Zaburi 64:7

Navuzwa Nyasaye avalasaa ni mivano jije juvuta; na nonoho, vatumitiiywi.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Kohelethu 1:17

Ndaatovora kwiga liavukana hagati hi limanya nu vusiru, vogeri kandi uvularu. Navuzwa ndanyoora ndi gaveeye vuzwa kuli kudidikana nokolonda imbuza.

Kohelethu 12:7

Miviri jietu jilirana ku luguchi lwa marova kandi mwika gwi livamwoyo gulilana ku Nyasaye, waguhaana ku kunyi.

Kohelethu 2:14

Avandu vageri valora wavaziza, na vandu vasiru sivalola wa vazizaa mba.” Navuzwa ndaalora ndi vombi vanyoola vudinyu vulala vwere.

Kohelethu 7:2

Nivulahi kuzia munyumba ya vasioma kuvita kuzia munyumba yu kulia nu kusangara, kigira likuza nicho keheri cha vandu vosi. Avandu vaveeye mwoyo gavadukiraa kumanya yaga.

Kohelethu 7:25

Navuzwa ndaviika zing'anagani ziange kwenyeleriza no kohenzeriza. Ndaatovora kwenyeleriza ovogeri kandi mativuli ku mateeva gange, kandi kwiga kuli vuchamu nu vusiru voveeye.

Kohelethu 8:11

Lwi likalaga liu vudamanu livulaa kwekoleka vwangu, vandu vetegeka kokora vudamanu.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Kohelethu 9:2

Sihaveeyeho ni liavukana mba. Kivi kilala chere keveeye ku mundu mulungi kandi keveeye ku mundu muchamu, ku mundu mulahi kandi ku mundu mudamanu. Ku yavo avamanya idini, kandi ku yavo vatamanyi idini, ku yavo vahaana visiuviliru kandi ku yavo vatahaana. Mundu mulahi siaveeye mulahi kuvita mwoni mba; uyu wisuhaa siaviti uyu utisuha mba.

Kohelethu 9:4

Navuzwa uyu oveeye mwoyo mu kivala chu vulamu aveeye ni lisuuvirizwa; imbwa eveeye mwoyo eveeye indahi kuvita isimba ikuzi.

Jeremia 16:12

Navuzwa mumali kokora vudamanu ligali kuvita kali avaguuga vinyu. Munyi mwosi muveeye avahindagirizi kandi aviziimbi, kandi simutizaa inzi mba.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Luka 15:17

Lwa yaatanga konyoora vogeri nu ukwimanya mwene, yavoola, ‘Ni vanga ku avatumikiri vababa wange aveeye navo, avaveeye nichukulia kingi na inzi hano ninguza ninzara?

Luka 6:11

Vizura uvutima vonene ligali nivavolerana aveene icha vanyara kokora ku Yeso.

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.

Vikolwa 26:11

Zing'inga zinyingi ndavodong'ana mu masinagogi goosi ni mbakola vahevwe amageri kandi ndaageriza kuvaniga vambakane lisuuvira liavo. Uvutima vwange kuvo vwali ovonene ligali. Ndaavadambiza ligali kali kuduuka mu madaala gaali ihale.

Vikolwa 26:24

Lwa Paolo yaali mu liekinga lilie kuli ndio, Fesito yamuhanzukira nu mwoyo munene, “Paolo! Ulaluki! Lisoma liilio linyingi likulalukizi!”

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

2 Petro 2:16

Navuzwa yagondokerwa ku vwoni vwivwe. Ibarasi yeeye yamoloma nu mwoyo gwu mundu kigira uvwoni vwivwe nu kwigalira vulalu vwu muporofeti.