Kohelethu 9:2 - KITABU KITAKATIFU

² Sihaveeyeho ni liavukana mba. Kivi kilala chere keveeye ku mundu mulungi kandi keveeye ku mundu muchamu, ku mundu mulahi kandi ku mundu mudamanu. Ku yavo avamanya idini, kandi ku yavo vatamanyi idini, ku yavo vahaana visiuviliru kandi ku yavo vatahaana. Mundu mulahi siaveeye mulahi kuvita mwoni mba; uyu wisuhaa siaviti uyu utisuha mba.

Kohelethu 9:2 Iomraidhean Croise

Litanga 24:3

Nyenya wisuhi ku Yahova, Nyasaye wu mwigulu kandi wi lirova, ndi si ulatovolera muyaayi wange mukali kutura mu vakana va Kanaani ava inzi menyaa hagati haavo mba.

Ayubu 9:22

Goosi gaveeye malala meere; kunangwa mboraa, Nyasaye adivizaa vombi, avalungi na vachamu.

Zaburi 73:3

lisuuvirizwa liange liali ahimbi kogota, kigira ndaali ni likendeka ku avigingiri lwa ndaalora lizizagilira lilahi lia avandu vadamanu.

Kohelethu 2:26

Nyasaye ahaanaa ovogeri, limanya kandi uvusangari ku yavo avamuyaanzizaa, navuzwa akolaa avoni kuyinzira vudinyu nokonyoora kandi kuviika mu kedeera, kunangwa vindu via vanyooye viduuki kuhaanwa ku yavo avayaanzizaa Nyasaye. Yaga goosi gaveeye vuzwa. Gaveeye vuzwa kuli kudidikana nokolonda imbuza.

Kohelethu 3:19

Inyima wa yaga goosi, mugavo gwa vandu harara ni zinyama ni mulala. Likuza lilava lilala liere ku viombi. Mundu siaveeye mulahi kuvita inyama mba, kigira livamwoyo siliveeye nikivuni ku viombi mba.

Kohelethu 6:6

Kali niiva alamenya mihiga 2,000, na avuli kusangalira limenya, kali ndio vombi vazizaa havundu harara.

Kohelethu 7:18

Welehe ku vuchamu kandi ku vusiru. Niiva ulatia Nyasaye, ulanyora vuguuti kazozo.

Kohelethu 7:2

Nivulahi kuzia munyumba ya vasioma kuvita kuzia munyumba yu kulia nu kusangara, kigira likuza nicho keheri cha vandu vosi. Avandu vaveeye mwoyo gavadukiraa kumanya yaga.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Kohelethu 9:3

Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Jeremia 43:6

avasaza, avakali, avana, kandi na vakana vavami. Vaavugura vuli umundu woosi uwa Nebuzaradani munene wi liihi yaali namali koleka mu vulindi vwa Gedalia, kali Baruki ninzi.

Malaki 3:15

Kuli kololaa, vandu vaveeye ni lielola nivo vaveeye nu vugasu. Avandu vadamanu sivanyoola vuzwa vutugi mba, navuzwa vageriza liekuzira lia Nyasaye mu vikolwa viavo vidamanu ma vahononoka.’ ”

Malaki 3:18

Avandu vange valakalole kandi kindu kilakekoleke hagati ha vandu valungi na vandu vachamu, ku mundu undumikira kandi mundu utandumikilaa.”

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

1 Samweli 14:26

Mulitu gwizura uvwuki, navuzwa sihaali nu mulala uwaalia kuvwo, kigira vosi vaatia kilaamo cha Saolo.