Kohelethu 9:18 - KITABU KITAKATIFU

¹⁸ Ovogeri voveeye vulahi kuvita viugi viu vulwani, navuzwa mwoni mulala yononyia vindu vilahi vinyingi.

Kohelethu 9:18 Iomraidhean Croise

2 Avami 21:2

Manase yakola agaali madamanu imbiri wa Yahova, kuli likora lie kivihiri chi zihiiri zia Yahova yakunga kutura mu kivala cha vandu va Isiraeli.

Ayubu 35:8

Vandu vandi vasalira kigira uvwoni vuvwo, kandi uvulahi vwa okolaa vumukonyaa.

Kohelethu 10:1

Kuli ziinji zikuzi zilomba maguta gu muhomo kufunya vugundu, nindio vusiru vokekeeke vwononyia vogeri vonene nu luyali.

Kohelethu 10:10

Niiva imbaazi iduhi ma uvuli kugihiagala, ulatumikira zinguru lwa ugiyinzilira. Navuzwa ovogeri vokonyaa mulala kuguuta.

Kohelethu 2:13

Maku ndaalora ndi, “Ovogeri voveeye vulahi ligali kuvita uvusiru, kuli uvulavu voveeye vulahi kuvita kisundi.

Kohelethu 7:12

Ovogeri vulakukinga kuli mabese, navuzwa vulahi vwi limanya vogeri vulindaa livamwoyo lia oyo oveeye navwo.

Kohelethu 7:19

Ovogeri vuhaana zinguru ku mundu mugeri kuvita vamiihi likomi avaveeye mu lidaala linene.

Kohelethu 9:16

Ndaamenya ni ndavoora ndi, ovogeri voveeye vulahi kuvita zinguru, kali niiva ovogeri vwu mundu mudaka vuchayangwa, kandi makuva geege sigahulirizwaa mba.

Joshua 22:20

Mwizurizi kuli Akani muyaayi wa Zera yasura kuhulira lilaga lia Yahova yavolera kunyi, kudiviza vindu viosi iviakalagirwa mu lidaala linene lia Jeriko! Yahova yaaha avandu vosi va Isiraeli amageri ku agene yago. Akani siyaali niyie yeng'ine uwakuza kigira uvwoni vwivwe mba. Avandu va Isiraeli vandi vanyingi kandi vaakuza kigira uvwoni vwa Akani.”

Joshua 7:1

Avandu va Isiraeli sivalonda lilaga lia Yahova kolondekana ni vindu vienyeka vidivizwi ligali. Mundu walangwa Akani, muyaayi wa Kaumi, mwisukulu wa Zabadi, ekesoni cha Zera, uwi ihiiri ya Yuda, siyaatia lilaga yilio mba, kunangwa Yahova yavihilirwa avandu va Isiraeli ligali.

Joshua 7:5

Ahene yaho avasaza va Ayi vavakunga kutura mu kirivwa chi lidaala, kuduuka Shebarimu, aha magina gayavwa kandi vita ahimbi vandu salasini na sita kunzira yikisulungutu. Maku vandu va Isiraeli vagotiza uvuluviliri vwavo; kandi vaali nuvuti vonene ligali.

1 Samweli 14:30

Sivwakaveeye vulahi ligali kuvita kalunu niiva vandu viitu avasaza yava vakaliiyi chukulia cha vaavugura lwa vaguuta musigu. Ganagana ku vuzwa na vandu va Filisitia vandi vanga va vakiitiywi!”