Kohelethu 9:13 - KITABU KITAKATIFU

¹³ Mali kolola kandi kimanyiru kindi kilahi kuli vogeri vololekaa kuva mu kivala yiki.

Kohelethu 9:13 Iomraidhean Croise

2 Samweli 20:22

Maku mukali oyo yazia ku avandu vi lidaala linene ni lilohiza liovogeri vwivwe; kandi vakala mutwi gwa Sheba nivagusigisila Joabu kutura igulu wi lidiji. Joabu yakuba kisiriva kuli kimanyiru ku avasikari vi liihi veve valeke lidaala linene live, kandi viirana yengo. Joabu yirana Jerusalemi ku Mwami munene Daudi.

Kohelethu 6:1

Voveyeho vudamanu vundi vwamali kolola mu kivala, na voveeye vuliduhu ku vandu.

Kohelethu 7:15

Limenya liange liveeye lia vuzwa, navuzwa mali kolola vindu viosi. Koveeye ho nu mundu mulungi ukuza mu vulungi vwivwe kandi koveeye ho nu mundu muchamu omenya madiku manyingi nokokola vindu vidamanu.

Kohelethu 7:19

Ovogeri vuhaana zinguru ku mundu mugeri kuvita vamiihi likomi avaveeye mu lidaala linene.

Kohelethu 8:16

Lwa ndaageriza kuva mugeri kandi kumanyiriza kizizagiliraa mu kivala, ndaamanya ndi nyara kuva vugira zindoolo vudiku nu muvasu.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Kohelethu 9:12

Siulamanya lwi ing'inga yooyo yiza mba. Kuli linyonyi ligimilwa mu mutego, kuli isuzi igimilwa mu muluvo, kwamala kugumirwa mu mutego ing'inga indamanu ya kutaganaganaa.

Kohelethu 9:14

Liali ho ni lidaala likekeeke liavula kuva na vandu vanyingi. Mwami wi zinguru yalingilira; yalikumbeliza kandi yetegeka kuduya madigi ga lio.

Danyeli 2:14

Maku Danieli yazia ku Arioki mwimiliri wa valindi vu mwami, uwaali naalagiywi kokora kekolwa chu kwita vandu vo vogeri. Yaganagana kandi natovora makuva go kovora.