Kohelethu 9:11 - KITABU KITAKATIFU

¹¹ Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Kohelethu 9:11 Iomraidhean Croise

2 Samweli 17:14

Abisolomu na vandu va Isiraeli vosi vavoola, “Livoora lie zing'anagani zia Hushai liveeye lilahi kuvita lia Ahizofeli.” Yahova yaali natovoye livoora lilahi lia Ahizofeli livuli kolondwa kunangwa lidivizwa liduuki kuuza ku Abisolomu.

2 Samweli 17:23

Lwa Ahizofeli yalora ndi livoora lie zing'anagani zizie sizilondeywe mba, yanina ku ibarasi yeeye, nazia mu lidaala lilie liene. Inyima wokolohiza vindu vivie vulahi, yisunga umwene. Yateevwa mu kilindwa cha vandu avinyumba yeeye.

2 Kyetsinyinga 20:15

Jahazieli yavolera mwami Jehoshafati na vandu vosi avamenya mu Jerusalemi ni Ivuyuda, “Muhuliri! Yaga nigo ga Yahova avoora, ‘Mutatia, kandi mutakuza mioyo jinyu mba; kinga mutatia liihi linene yili, kigira uvulwani sivoveeye vwinyu, navuzwa vwa Yahova Nyasaye!

Ayubu 34:29

Lwa Nyasaye akiring'anaa, nivwaha unyala kumudula? Niiva yakavisi mumoni mwimwe, nivwaha wakamuloli? Kali niiva nu mundu ku vosi anoho ihiiri avulaho unyala kumukalagira.

Zaburi 76:5

Avasikari valuviliri vaavo vamali kulanya viosi via vaali navio, na kalunu vosi vaakuzi; zinguru ziavo ziosi ziali hazwa.

Tsing'ano 1:5

Zing'ano yizi zinyala komeeda umundu wi limanya ovogeri kandi amigizu,

Kohelethu 2:12

Kunangwa ndatanga kuganagana kigira ovogeri, uvusiru kandi uvularu. Inyima wa yaga, ndaalora ndi, mwami winyima anyala kokora ki kuvita chu mwami wimbiri yakola mu litanga.

Kohelethu 3:14

Manyi ndi kindu choosi cha Nyasaye akolaa kilahindira mihiga ni mihiga. Siunyala komeedaku kindu choosi, anoho siunyala kutulizaku kindu choosi mba. Kandi kindu kilala cha Nyasaye akolaa nokokola kunyi kusingila imbiri weve nu kumutia.

Kohelethu 3:17

Ndavoora mumwoyo gwange, “Nyasaye alakakaragiri avandu valungi na vachamu likalaga lilala, kigira vuli kindu kandi vuli kekolwa kilakekoleke ing'inga yakialagilwamu.”

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Kohelethu 4:4

Maku ndaalora ndi, vuyinziri vwosi vudinyu kandi limanya lie miyinzi litulana niliegomba lie minyinzi ju mutende. Yaga goosi kandi gaveeye vuzwa kandi gaveeye vuzwa kuli kudidikana no kolonda imbuza.

Kohelethu 7:13

Uganagane ku vindu via Nyasaye amali kokora. Nivwaha unyala kulungikiza kindu cha Nyasaye amali kovedekiza?

Kohelethu 9:2

Sihaveeyeho ni liavukana mba. Kivi kilala chere keveeye ku mundu mulungi kandi keveeye ku mundu muchamu, ku mundu mulahi kandi ku mundu mudamanu. Ku yavo avamanya idini, kandi ku yavo vatamanyi idini, ku yavo vahaana visiuviliru kandi ku yavo vatahaana. Mundu mulahi siaveeye mulahi kuvita mwoni mba; uyu wisuhaa siaviti uyu utisuha mba.

Kohelethu 9:3

Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Jeremia 46:6

Yavo avanyagura vwangu si vanyara kwiruka mba; avasikari vanyara kohononoka mba. Mu kivala chi Ivaale, mu Efurate, vikigatiraa nu vaagwa.

Jeremia 48:14

“Munyi avandu va Moabu, kigira ki muganaganaa ndi muveeye avaluviriri, kuli avasikari vi zinguru mu liihi?

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Malaki 3:18

Avandu vange valakalole kandi kindu kilakekoleke hagati ha vandu valungi na vandu vachamu, ku mundu undumikira kandi mundu utandumikilaa.”

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Kwidzulitsa 8:17

Kunangwa mutiiganagana ndi mumali kwekola avatugi munyi aveene kuzinguru nuvunyari vwa makono ginyu mba.

Kwidzulitsa 8:18

Mwizurizi ndi Yahova Nyasaye winyu niyie umuhezaa zinguru ziukuva avatugi. Akolaa ndio kigira akikiri vuzwa musuuvirifu kalunu ku lilagana lia yalomba na avaguuga vinyu.

1 Samweli 17:50

Nandio, vugira kivavi, Daudi yaguuta kandi niyiita Goliati nolokova lwukulasira niligina!

1 Samweli 6:9

Kunangwa muhenze kuli lilazia. Niiva lizia lovega loheenza lidaala lia Bezi-shemeshi, yaga gaveeye kovora ndi, ni Nyasaye wa vandu va Isiraeli umali kutuma amaduywa gukutihiza yaga ku kunyi. Navuzwa nilitazia yo, ahene yaho kulamanya ndi siyatuma maduywa yaga mba. Gaali vuzwa ameegendera.”