Kohelethu 9:10 - KITABU KITAKATIFU

¹⁰ Uyinziri vudinyu miyinzi josi jokolaa kigira si kilakave ho ne kekolwa, zing'anagani, limanya kandi vogeri mu kivala cha vakuzu mba. Wene yeyo ni yio wa uzizaa.

Kohelethu 9:10 Iomraidhean Croise

Litanga 37:35

Vayaayi vosi na vakana veve vaza kumuleminya mwoyo, navuzwa yasura koleminywa mwoyo. Yavoola, “Inzi ndakazie hasi mukivala chavakuzu ningisioma muyaayi wange.” Kunangwa yaazizagilira kusioma muyaayi weve Josefu.

1 Kyetsinyinga 22:19

Kalunu tumikira Yahova Nyasaye woovo nu mwoyo gugwo gwosi kandi na roho gugwo gwosi. Tanga iliumbaka Litembeli kunangwa ove unyala kuviika mu Lisandugu lie Lilagana lia Yahova, kandi viju vitakatifu vindi viosi ivitumikirwaa mu lisigamira Yahova.”

1 Kyetsinyinga 28:20

Mwami Daudi yavolera muyaayi weve Solomoni, “Uve mugulu kandi muluviliri. Tanga likora miyinzi na utaleka kindu kali kilala kukusingiriza mba. Yahova Nyasaye wange, alava harara nivi. Yahova si alakoleka mba. Alava nivi kuduuka lwi miyinzi yigi josi jiu vwumbaki vwi Litembeli lilie gitweeka.

Nehemia 2:12

sindavolera mundu kali mulala aga Nyasaye wange yaali naviiki mu mwoyo gwange ngolere Jerusalemi mba. Maku mu vudiku hagati, ndaavuuka, ninzia ichova, nimbuguyi vakekeeke ku avumuganda gwange. Ibunda ya ndanina ku nigwo mutugu gwa kwavugula gweng'ine.

Nehemia 4:2

Yavoola imbiri wa avalina veve kandi imbiri wi liihi lia vandu va Samaria, “Avayuda vadedekere yava vaganagana vakora ki? Venya ukwumbaka vushia lidigi lie lidaala linene? Vaganagana ndi ku lihaana visiuviliru vanyara kumala miyinzi zana mu lidiku lilala? Vanyara kolomba magina gukwumbakira kutura mu vitumi vie ivianyi viasambwa?”

Nehemia 4:6

Kunangwa kwazizagilira kwumbaka lidigi, na nonoho, lidigi zana liali inusu yuvutambi vwalio vwosi kigira avandu vaali nuvuha ukwumbaka.

Ayubu 10:21

Nziza vwangu, na si ndirana kandi mba, nziza mu kivala keveeye chi kisundi, kandi chikiriri chilikuza,

Ayubu 10:22

kivala keveeye chikisundi kandi chiligoyana, wu vulavu voveeye kuli kisundi.

Ayubu 21:13

Vamenya mu ligasizwa, vakuza mu mirembe ma vayavirwa.

Zaburi 6:5

Mu kivala cha vakuzu, siaveeye ho nu unyala kukwizuliza mba. Mu kihadisi, siaveeye ho nunyala kukwizominya mba.

Tsing'ano 3:28

Utavoolera mutende wowo alindi kuduuka mugamba niiva unyala kumukonya lwene yilwo mba.

Kohelethu 11:3

Niiva malesi nigamwami, imbura imanya ikubaa. Kali musaala ni gugwiyi Isavaalu anaho Ivaale hagugwiyi niho hagogona.

Kohelethu 11:6

Utage vuguza ing'inga ya mugamba kandi ing'inga ya mugolova, kigira siumanya niiva viosi vilamera vulahi anaho vitagwa vilala vilakola vulahi kuvita vindi mba.

Isaya 38:10

Ndaganagana ndi ndakuza nimbeeye hagati hi mihiga jie limenya liange, nukuzia mu kivala cha vakuzu na mburi komenya kandi.

Jeremia 29:13

Munyi mulanyenyeriza na mulanyola, kigira mulanyenyeriza ni mioyo jinyu josi.

Livalidza 13:30

Kalebu yakiring'anyia vandu vaali ni vililira imbiri wa Musa, yavoola, “Gendi kuzie kuvingilira kalunu na kuvuguli kivala yiki. Kunyi koveeye ni zinguru kandi kulakiguuta.”

Matayo 20:7

Navo vaamutivulira. ‘Kigira sikoveeye nu mundu okoheeye miyinzi mba.’ Naye yavavolera, ‘Kali munyi muzie muyinziri mu mulimi gwange gwi mizabibu.’

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Yohana 4:34

Yeso yavavolera, “Chukulia change ni kokora uvulariri vwa uyu uwanduma yenya, kandi kumala miyinzi jije.

Yohana 5:4

kigira vuli ing'inga, engelosi wu Mwami yikaa mu mazi nukugaduvula. Mulwaye wukutanga kwingira mu mazi inyima wa mazi kuduvulwa, yahonaa uvulwaye vwosi vwa yaali navwo.]

Yohana 9:4

Vukiri mbasu, gaduukanaa ngole miyinzi ja uyu uwanduma, kigira uvudiku vuzaa lwu mundu atanyala kokora miyinzi.

Varumi 12:11

Mutava vagata, navuzwa muyinziri vudinyu. Mutumikiri Mwami numwoyo gwinyu gwosi.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

1 Vakorintho 16:10

Niiva Timateo alaza yaho, mulole ndi mumwingirizi vulahi hagati hinyu, kigira akolaa miyinzi ju Mwami, kuli inzi ngolaa.

1 Vakorintho 9:24

Mumanyi vulahi ndi mu ligerana lie zimbiru, avanyaguli vosi vageranaa, navuzwa mulala kuvo niyie onyoora kihaanwa. Kunangwa kuduuka munyaguli muduuki konyoora kihaanwa.

1 Vakorintho 9:26

Yiki nicho kigira ninyagula vulungi kuduuka hukumalirizira; yiki nicho kigira nimbeeye kuli mulwaani, utagotizaa zinguru zizie ku liduyaduya mwika vuzwa.

Vafeso 5:16

Mutumikiri vulahi uvwiyangu vwa muveeye navwo ku likora vulahi, kigira zing'inga yizi ziveeye zidamanu.

Vakolosai 3:23

Ku viosi via mukora, muyinziri numwoyo gwosi kuli avatumikiraa Mwami, gatava kuli avatumikiraa vandu mba.

1 Samweli 10:7

Lwi vilolekizu yivi vikoleka, okole choosi cha Nyasaye akwimilira okole.