Kohelethu 8:7 - KITABU KITAKATIFU

⁷ Si koveeyeho nu mundu umanyi kindu kizizaa kwekoleka mba, kandi siaveeyeho nu mundu unyala kokovoolera mba.

Kohelethu 8:7 Iomraidhean Croise

Esther 5:12

Hamani yaazizagilira kovora, “Esiteri mukali wu mwami, si yangenihiza musaza wundi kwingira harara nu mwami mu lilia lia yaali nalombi mba, nitali inzi nzieng'ine. Kandi yangenihizi kuzia harara nu mwami mugamba.

Tsing'ano 24:22

Vandu kuli yava valadivizwa vwangu. Unyala kumanya kivi cha Nyasaye anoho chu mwami aletaa?

Tsing'ano 27:1

Utiyizominya kigira mugamba mba. Siumanyi kinyala kwekoleka kalunu na mugamba mba.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Kohelethu 10:14

Mundu musiru amolomaa makuva manyingi ga vuzwa. Siaveeyeho nu mundu unyala kumanya kizizaa kwekoleka mba, kandi sihaveeyeho nu mundu unyala kokovoolera kindu chaza chekoleke ni kwakakuza mba.

Kohelethu 3:22

Kunangwa ndaalora ndi kindu kilahi cha kunyala kokora ni kusangalira miyinzi ja kumali kokora. Sikoveeyeho ni kindu kindi cha kunyala kokora mba. Sihaveeyeho ninzira ya kunyala kumanyiriza ku kindu kiliekoleka ni kwakakuza mba.

Kohelethu 6:12

Mundu anyala kumanya ndi kindu keveeye kilahi ligali ku mundu wundi mu inyinga engekeeke yiyi. Livamwoyo lilie liveeye vuzwa kandi livitaa kuli chiriri. Mundu anyala ndi kumanya kiliekoleka mu kivala ni yakamala kukuza?

Kohelethu 7:14

Lwi vindu viveeye vilahi ku ivi usangale, navuzwa lwu vudinyu vuzaa ku ivi wizulizi ndi Nyasaye aletaa vusangali kandi vudinyu. Mundu sianyala kumanya kindu kizizaa kwekoleka mu madiku gaaza mba.

Kohelethu 9:1

Ndaaganaganyia ligali ku ing'inga indambi ku vindu yivi viosi, kandi ndaalora ndi Nyasaye yimiliraa vikolwa via vandu vageri kandi vandu valungi, kali kuduuka mu liyaanza liavo kandi mu lidunya liavo. Sihaveeyeho nu mundu umanyi kiveeye imbiri weve mba.

Kohelethu 9:12

Siulamanya lwi ing'inga yooyo yiza mba. Kuli linyonyi ligimilwa mu mutego, kuli isuzi igimilwa mu muluvo, kwamala kugumirwa mu mutego ing'inga indamanu ya kutaganaganaa.

Matayo 24:44

Kunangwa, munyi mwetegeke kandi kazozo, kigira Umwana wa Adamu alakaze ing'inga ya mutaganagana.”

Matayo 24:50

mwami weve alakaze ku lidiku lia oyo ataganagana kandi ing'inga ya atamanyi.