Kohelethu 7:7 - KITABU KITAKATIFU

⁷ Lidambiza lilomba mundu mugeri kuva musiru kandi viambeti viononyia zing'anagani.

Kohelethu 7:7 Iomraidhean Croise

Kutwula 23:8

Mutavugilira kuvugura viambeti, kigira iviambeti vikoola avandu kuvula kolola agaveeye amalungi kandi vidivizaa vandu valungi.

Tsing'ano 17:23

Vakalagi vadamanu vavugilira vaimbeti mu vwivisu, sivakora vulungi mba.

Tsing'ano 17:8

Avandu valala vaganaganyia ndi viambeti viyinzira kuli vukumu, vasuviraa vinyala kokora kindu choosi.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Kohelethu 8:9

Ndaalora yaga goosi lwa ndaganagana kigira vindu viekoleka mu kivala yiki, kivala cha vandu valala vaveeye ni zinguru na vandi vasalira kigira yavo.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Isaya 33:15

Unyala kohononoka niiva ulakola agaveeye amalungi. Utatumikira zinguru zizio kugaada avadaka mba, kandi utavugilira viambeti mba. Utahambana nayavo avalohizaa kwiita anoho kokora uvudamanu vundi vwosi mba.

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Kwidzulitsa 28:65

Hagati hi zihiiri yizio, simulanyora mirembe havundu hoosi anoho vweremelizi kali hakuzu mba. Simulava na hokosoosizira zinduvatiru zienyu mba. Yahova alamukola munyangana mu zing'anagani, kandi zimoni zienyu zilaluha kulindilira, kandi mulakuza mioyo.

1 Samweli 12:3

Mbeeye hano. Niiva ndamala kokora kindu kidamanu choosi, munzaale kalunu imbiri wa Yahova kandi imbiri wu mwami wamali kotovola. Ni eng'ombe ya vwaha kinga ni ibunda ya vwaha ya ndavugura kuzinguru? Nivwaha wa ndaga vindu vivie, anoho wa ndadambiza? Nivwaha wa ndavugura ku viambeti nduuki kuhaana likalaga litali lirungi? Niiva ndaakola kilala ku vindu yivi, ndirana kutunga cha ndaavugura.”

1 Samweli 21:14

Kunangwa Akishi yavolera avanene veve, “Heenzi! Mundu zana yaalaluka! Kigira mumuleeti ku inzi?

1 Samweli 8:3

Navuzwa vayaayi veve sivalonda mwima gwigwe mba; vaali vuzwa nu mwoyo gwu kwenya mabese; kunangwa vavugura viambeti na sivakalaga viina nu vusuuvirifu mba.