Kohelethu 7:6 - KITABU KITAKATIFU

⁶ Lwu mundu musiru asekaa gavee kuli amafwa gatulikaa mu inyingu eveeye kumuliru. Yaga gaveeye vuzwa.

Kohelethu 7:6 Iomraidhean Croise

Zaburi 118:12

Vaangumberiza zimbega ziosi kuli zinzuki, navuzwa vasaambwa nukusima kuli muliru gwa malala, ndavaguuta kuzinguru zia Yahova.

Zaburi 58:9

Vakalagwaa kuli indiva; nivakikiri kumanya, Nyasaye alavahuuza mu vutima vwivwe vululu nivakikiri mwoyo.

Tsing'ano 29:9

Niiva mundu mugeri alazia mukiyaro nu mundu musiru, musiru alalomba vuzwa liyoga, koseka ni mirembe sijiveeyeho mba.

Kohelethu 2:2

Ndanyoora ndi lisekelera liveeye vusiru, kandi lieyaanziza si liveeye nuvulahi vwosi mba.

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

Luka 6:25

“O, vayaye, kilaamo keveeye ku munyi avamuveeye ninziguta kalunu; kigira lwinyima mulava ninzara! O, vayaye, kilaamo keveeye ku munyi avasekaa; kigira inyima mulasioma nu kulira!