Kohelethu 7:26 - KITABU KITAKATIFU

²⁶ Ndanyoora mukali kuva mudamanu ligali kuvita likuza; vuyanzi vwaveeye navwo kuivi vulakugumila kuli mutego anaho kuli muluvu; kandi makono geege galakugumila kuli munyororo. Mundu uyanziza Nyasaye alahononoka, navuzwa alagumila mwoni.

Kohelethu 7:26 Iomraidhean Croise

Litanga 19:35

Kunangwa vudiku vwene yivwo, vamuha iwaini ma nahambika ligali. Mukaana muke yaali harara naye, navuzwa yaali muhambiku ligali na si yamanyiriza cha yakola mba.

Litanga 39:9

Inzi mbeeye nuvunyari munyumba yiyi kuli oyo. Si keveeye ho ni kindu choosi cha yaavisa kutura ku inzi mba, nitaveeye ivi, kigira oveeye mukali weve. Inzi nyara ndi kokora uvudamanu ovonene kuli yivu kandi ukwonera Nyasaye?”

Kutwula 10:7

Avatumikiri vu Mwami vamuvolera, “Mundu uyu alakukubiza kivi kuduuka ng'inga ki? Leka avandu va Isiraeli vazie, vaduuki kusigamira Yahova, Nyasaye wavo. Ukikiri kumanya ndi Egebeti imali kudiva?”

Tsing'ano 2:16

Ulava nuvunyari vwukwigaya ku mukali woosi muheyi ogerizaa kokogoonya na makuva geege malahi.

Tsing'ano 22:14

Amakuva gu mukali muheyi gaveeye kuli vogo, gagumiraa yavo va Yahova aveeye nu vutima navo.

Tsing'ano 6:23

Amalago gaavo gaveeye kuli ling'ereng'ana liu vulavu ku ivi, amigizu gaavo galakumanyia limenya.

Tsing'ano 6:24

Galakokola welehe ku vakali vadamanu, kandi welehe ku makuva madamanu ga vakali vaheyi.

Tsing'ano 9:18

Navuzwa vandu vahambanaa numukali oyu sivamanyi ndi vandu vazizaa munyumba yeeye vamala kukuza kandi vaveeye musi mwi kivala cha vakuzu mba.

Kohelethu 2:26

Nyasaye ahaanaa ovogeri, limanya kandi uvusangari ku yavo avamuyaanzizaa, navuzwa akolaa avoni kuyinzira vudinyu nokonyoora kandi kuviika mu kedeera, kunangwa vindu via vanyooye viduuki kuhaanwa ku yavo avayaanzizaa Nyasaye. Yaga goosi gaveeye vuzwa. Gaveeye vuzwa kuli kudidikana nokolonda imbuza.

Kohelethu 7:27

Yee, mwilwazi yavoola, ndanyoora yaga galaha mu vika lwa ndaali nenyenyelizaa mativuli.