Kohelethu 7:2 - KITABU KITAKATIFU

² Nivulahi kuzia munyumba ya vasioma kuvita kuzia munyumba yu kulia nu kusangara, kigira likuza nicho keheri cha vandu vosi. Avandu vaveeye mwoyo gavadukiraa kumanya yaga.

Kohelethu 7:2 Iomraidhean Croise

Zaburi 90:12

Ukwigize kumanyirize kuli livamwoyo lietu liveeye limbi. Kunangwa kuduuki kuva novogeri mu mioyo jietu.

Kohelethu 2:14

Avandu vageri valora wavaziza, na vandu vasiru sivalola wa vazizaa mba.” Navuzwa ndaalora ndi vombi vanyoola vudinyu vulala vwere.

Kohelethu 2:16

Siaveeyeho nu mundu wizulizaa vandu vageri mba, kandi siaveeyeho nu mundu wizulizaa vandu vasiru mba. Mu madiku gaaza, kunyi kwosi kulakivilirwi. Kuduuka kwosi na kukuzi, avageri na vasiru vombi vaveeye kindu kilala.

Kohelethu 3:19

Inyima wa yaga goosi, mugavo gwa vandu harara ni zinyama ni mulala. Likuza lilava lilala liere ku viombi. Mundu siaveeye mulahi kuvita inyama mba, kigira livamwoyo siliveeye nikivuni ku viombi mba.

Kohelethu 3:20

Viombi vizizaa havundu harara, viatula ku luguchi kandi viombi vilakilane mu luguchi.

Kohelethu 6:6

Kali niiva alamenya mihiga 2,000, na avuli kusangalira limenya, kali ndio vombi vazizaa havundu harara.

Kohelethu 9:2

Sihaveeyeho ni liavukana mba. Kivi kilala chere keveeye ku mundu mulungi kandi keveeye ku mundu muchamu, ku mundu mulahi kandi ku mundu mudamanu. Ku yavo avamanya idini, kandi ku yavo vatamanyi idini, ku yavo vahaana visiuviliru kandi ku yavo vatahaana. Mundu mulahi siaveeye mulahi kuvita mwoni mba; uyu wisuhaa siaviti uyu utisuha mba.

Kohelethu 9:3

Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Kohelethu 9:5

Yee, avandu vaveeye mwoyo vamanyi ndi vazizaa kukuza, navuzwa vakuzu si vamanyi kindu mba. Sivaveeye na madanyi gandi mba; vayivilirwa ligali.

Isaya 47:7

Munyi avandu va Babiloni, mwaganagana mulamiiha mihiga ni mihiga, simwaganagana ku vindu yivi mu mioyo jinyu mba, kandi simwaganangana kuli keheri kiliduuka mba.

Jeremia 16:8

“Utingira munyumba yavandu valombi lilia mba. Utikara hasi navo kulia kinga kunwa mba.

Haggai 1:5

Si muloraa chekoleka ku munyi?

Malaki 2:2

Gamudukira muhaane luyali ku Inzi ku gamukolaa. Niiva si mulahulira gambolaa, maku ndakaleete kilaamo ku munyi. Ndakaviiki kilaamo ku vindu viovokonyi via munyoora, kalindio, inzi mali kuviika kilaamo ku munyi kigira simuvugulaa malago gange ni zinguru mba.

Livalidza 23:10

Visukululwi via Isiraeli viveeye kuli luguchi viveeye vinyingi ligali kuvalizwa; leka mbelizi madiku gange kuli mulala ku vandu va Nyasaye. Leka nguzi nu murembe kuli mundu mulungi.”

Matayo 5:4

“Vaveeye nuvugasu avaveeye no vovereri, kigira valakaleminywe mioyo.

Kwidzulitsa 32:29

Valava novogeri, ngano vakamanyirizi yaga, vakamanyirizi keheri chavo kilava ndi!

Kwidzulitsa 32:46

yavoola, “Muve na giligali kuhulira amalago yaga goosi aga inzi mali kumuha kalunu. Mwirane kwigiza avana kunangwa vaduuki kolonde amalago yaga goosi aga inzi mali kumuha kalunu mwigizaa avana vinyu malago yaga kunangwa vaduuki kolonda amigizu goosi ga Nyasaye nu vusuuvirifu vwosi.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.